തന്നെ വഞ്ചിച്ച കാമുകനെതിരേ ടിക്ടോക് താരം കൊടുത്ത ആധുനിക രീതിയിയിലുള്ള പണി സോഷ്യല്മീഡിയയില് വൈറലാകുന്നു. ഒണ്ലി ഫാന്സ് മോഡലായ അവ ലൂയിസ് ടിക് ടോക്കില് പോസ്റ്റ് ചെയ്തു ഒരു വീഡിയോയാണ് വൈറലായി മാറിയിരിക്കുന്നത്. വഞ്ചിച്ച കാമുകന്റെ നികുതിവെട്ടിപ്പ് സര്ക്കാരിനെ ബോദ്ധ്യപ്പെടുത്തിക്കൊടുത്തായിരുന്നു പണി കൊടുത്തത്.
ഇതിലൂടെ യുവതി സര്ക്കാരിന്റെ അവാര്ഡിന് അര്ഹയാകുകയും വഞ്ചിച്ച കാമുകന് ജയിലിലാകുകയും ചെയ്തു. നികുതി അടക്കാത്തതിന് യുണൈറ്റഡ് സ്റ്റേറ്റ്സ് ഗവണ്മെന്റിന്റെ ഇന്റേണല് റവന്യൂ സര്വീസില് (ഐആര്എസ്) താന് ആ മനുഷ്യനെ റിപ്പോര്ട്ട് ചെയ്തുവെന്നാണ് നടി അവകാശപ്പെട്ടത്. അവള് പോസ്റ്റ് ചെയ്ത വീഡിയോ വന്തോതില് വൈറലായി, 3.8 ദശലക്ഷത്തിലധികം കാഴ്ചകള് നേടി.
അവാര്ഡ് ലഭിക്കുന്നതിന് ഐആര്എസ് വെബ്സൈറ്റില് പറഞ്ഞിരിക്കുന്ന നിബന്ധനകള് പാലിക്കുകയും ചെയ്തിട്ടുണ്ട്. തന്റെ മുന് കാമുകന് നികുതി അടയ്ക്കുന്ന ആളായിരുന്നില്ല. ''അവന് എന്നെ വിശ്വസിച്ചു. പിന്നീട് എന്നെ വഞ്ചിച്ചു, കുറച്ച് മാസങ്ങള്ക്ക് ശേഷം ഞാന് അവനെ ഐആര്എസ്ല് റിപ്പോര്ട്ട് ചെയ്യുകയും പ്രതിഫലമായി 100,000-ത്തിലധികം പണം ശേഖരിക്കുകയും ചെയ്തു. ഞാന് അവന്റെ പണം ദിവസവും ചെലവഴിക്കുമ്പോള് അവന് ജയിലില് കിടന്ന് ഉണ്ടാ തിന്നും, സ്ത്രീ കോപം ഒരു ശക്തമായ കാര്യമാണ്.'' അവര് പറഞ്ഞു.
മിസ് ലൂയിസ് പങ്കിട്ട അവകാശവാദം അനുസരിച്ച്, അടക്കാത്ത നികുതികള്ക്കായി തന്റെ മുന് കാമുകനെ റിപ്പോര്ട്ട് ചെയ്തുകൊണ്ട് അവര് ഏകദേശം 83 ലക്ഷം രൂപയോളം കിട്ടും. നികുതി പിരിക്കുന്നതിനും നികുതി നിയമങ്ങള് നടപ്പിലാക്കുന്നതിനും ഉത്തരവാദിത്തമുള്ള ഏജന്സിയുടെ വിസില്ബ്ലോവര് പ്രോഗ്രാമിലാണ് ഇവര് വിവരങ്ങള് കൈമാറിയത്.
ഐആര്എസ് വെബ്സൈറ്റ് അനുസരിച്ച്, വിസില്ബ്ലോവര് ഓഫീസ്, ഏജന്സിയ്ക്ക് കൈമാറുന്ന വിവരങ്ങള് ഉപയോഗിക്കുമ്പോള് അതിന്റെ സ്രോതസ്സുകള്ക്ക് പണം സമ്മാനമായി നല്കാറുണ്ട്. അവാര്ഡിന്റെ വലിപ്പം പല ഘടകങ്ങളെ ആശ്രയിച്ചാണ്. സാധാരണായി ശേഖരിക്കുന്ന അനധികൃത വരുമാനത്തിന്റെ 15 മുതല് 30 ശതമാനം തുകയാണ് വിവരദാതാക്കള്ക്ക് നല്കുന്നത്.
