തിരുവനന്തപുരം: ശശിതരൂരിനെക്കുറിച്ച് താന് നടത്തിയ പരാമര്ശം മാധ്യമങ്ങള് വളച്ചൊടിച്ചെന്ന് ബിജെപിയുടെ മുതിര്ന്ന നേതാവ് ഒ രാജഗോപാല്. ഒരു പാലക്കാട്ടുകാരന് എന്ന നിലയില് ആലങ്കാരികമായി നടത്തിയ അഭിപ്രായ പ്രകടനം താനുദ്ദേശിച്ച രീതിയിലല്ല മാധ്യമങ്ങള് വ്യാഖ്യാനിച്ചതെന്നും ഫേസ്ബുക്കില് പങ്കുവെച്ച കുറിപ്പില് ഒ രാജഗോപാല് വ്യക്തമാക്കി.
''ഒന്നില് കൂടുതല് തവണ വിജയിച്ചയാള് എന്ന അര്ത്ഥത്തിലാണ് ഞാന് സംസാരിച്ചത്. എന്നാല് മാറിയ രാഷ്ട്രീയ സാഹചര്യത്തിലും, നരേന്ദ്ര മോഡി സര്ക്കാരിന്റെ പ്രവര്ത്തന മികവിലും പാര്ട്ടി പ്രവര്ത്തകര് കഠിനാധ്വാനം ചെയ്താല് തിരുവനന്തപുരത്ത് ബി ജെ പിയ്ക്ക് വിജയിയ്ക്കുവാനുള്ള സാഹചര്യം നിലവിലുണ്ട്. മാത്രവുമല്ല നിലവില് ശ്രീ.തരൂരിന്റെ മണ്ഡലത്തിലെ സാന്നിദ്ധ്യവും നാമ മാത്രമാണ് എന്നത് അദ്ദേഹത്തിന്റെ സാധ്യതയെ പ്രതികൂലമായി ബാധിയ്ക്കും.'' അദ്ദേഹം കുറിപ്പില് വ്യക്തമാക്കി.
തരൂരിനെ തോല്പ്പിക്കാനാകില്ലെന്ന് കഴിഞ്ഞ ദിവസം ഒ രാജഗോപാല് പറഞ്ഞത് ബിജെപി സംസ്ഥാനഘകടത്തിന്റെ അതൃപ്തിക്ക് കാരണമായിരുന്നു. എന്നാല് ബിജെ പി ഇത്തവണ തിരുവനന്തപുരത്ത് വിജയിയ്ക്കും എന്നതാണ് എന്റെ വ്യക്തിപരവും, രാഷ്ട്രീയവുമായ നിലപാട് എന്നും പറഞ്ഞു.
ഫേസ്ബുക്ക് കുറിപ്പിന്റെ പൂര്ണ്ണരൂപം-
ഇന്ന് തിരുവനന്തപുരത്ത് നടന്ന എന്.രാമചന്ദ്രന് ഫൗണ്ടേഷന് അവാര്ഡ് ദാന ചടങ്ങിനിടയില് ഞാന് നടത്തിയ പ്രസംഗത്തില് തിരു:എം പി ശശി തരൂരിനെക്കുറിച്ച് നടത്തിയ പരാമര്ശം ഞാനുദ്ദേശിച്ച അര്ത്ഥത്തിലല്ല മാധ്യമങ്ങള് വ്യാഖ്യാനിച്ചത്. ഒന്നില് കൂടുതല് തവണ വിജയിച്ചയാള് എന്ന അര്ത്ഥത്തിലാണ് ഞാന് സംസാരിച്ചത്. എന്നാല് മാറിയ രാഷ്ട്രീയ സാഹചര്യത്തിലും, നരേന്ദ്ര മോഡി സര്ക്കാരിന്റെ പ്രവര്ത്തന മികവിലും പാര്ട്ടി പ്രവര്ത്തകര് കഠിനാധ്വാനം ചെയ്താല് തിരുവനന്തപുരത്ത് ബി ജെ പിയ്ക്ക് വിജയിയ്ക്കുവാനുള്ള സാഹചര്യം നിലവിലുണ്ട്. മാത്രവുമല്ല നിലവില് ശ്രീ.തരൂരിന്റെ മണ്ഡലത്തിലെ സാന്നിദ്ധ്യവും നാമ മാത്രമാണ് എന്നത് അദ്ദേഹത്തിന്റെ സാധ്യതയെ പ്രതികൂലമായി ബാധിയ്ക്കും.ഒ രു പാലക്കാട്ട് കാരനെന്ന നിലയ്ക്ക് ആലങ്കാരികമായി നടത്തിയ അഭിപ്രായ പ്രകടനം മാത്രമാണ് പ്രസ്തുത പ്രസംഗത്തിലുള്ളത്...ബിജെ പി ഇത്തവണ തിരുവനന്തപുരത്ത് വിജയിയ്ക്കും എന്നതാണ് എന്റെ വ്യക്തിപരവും, രാഷ്ട്രീയവുമായ നിലപാട്....
