വെള്ളിയാമറ്റം (ഇടുക്കി): ഭക്ഷ്യവിഷബാധ മൂലം 13 പശുക്കളെ നഷ്ടപ്പെട്ട വെള്ളിയാമറ്റത്തെ കുട്ടിക്കര്ഷകര്ക്ക് ആശ്വാസമേകി സംസ്ഥാന സര്ക്കാര്. കെ.എല്.ഡി.ബിയുടെ മാട്ടുപ്പെട്ടി ഫാമില്നിന്ന് എത്തിച്ച അത്യുല്പാദനശേഷിയുള്ള എച്ച്.എഫ്. ഇനത്തില്പ്പെട്ട ചെനയുള്ള അഞ്ച് പശുക്കളെ മൃഗസംരക്ഷണ വകുപ്പ് മന്ത്രി ജെ. ചിഞ്ചുറാണി കുട്ടികള്ക്കു െകെമാറി.
സംസ്ഥാന സര്ക്കാരിന്റെ മികച്ച ക്ഷീരകര്ഷകനുള്ള പുരസ്കാരം നേടിയ മാത്യു ബെന്നിയെന്ന കുട്ടിക്കര്ഷകന്റെ പശുക്കളാണ് കഴിഞ്ഞമാസം ചത്തത്. അന്ന് വീട് സന്ദര്ശിച്ച മന്ത്രി സഹായം വാഗ്ദാനം ചെയ്തിരുന്നു. മാത്യു ബെന്നിക്ക് മുന്കാലങ്ങളില് വിവിധ സര്ക്കാര് പദ്ധതികള് വഴി സഹായങ്ങള് നല്കിയിട്ടുണ്ടെന്നും ഇതു തുടരുമെന്നും മന്ത്രി ഉറപ്പു നല്കി. എല്ലാ ക്ഷീരകര്ഷകരും െലെവ്സ്റ്റോക്ക് മാനേജ്മെന്റ് ട്രെയിനിങ് സെന്ററുകളുടെ സേവനം പ്രയോജനപ്പെടുത്തണമെന്നുംമന്ത്രി അഭിപ്രായപ്പെട്ടു.
അമ്മ െഷെനിയും ചേട്ടന് ജോര്ജും അനുജത്തി റോസ്മേരിയും ഉള്പ്പെട്ട കുടുംബത്തിന്റെ ഉപജീവനമാര്ഗവുമായിരുന്നു ഈ പശുക്കള്. സര്ക്കാര് സഹായം ഏറെ ആശ്വാസമായെന്ന് െഷെനി പറഞ്ഞു. പൂര്ണമായും ഇന്ഷ്വര് ചെയ്ത പശുക്കളെയാണ് നല്കിയത്. ഇതിനോടൊപ്പം മില്മ നല്കുന്ന 45,000 രൂപയുടെ ചെക്കും കേരള ഫീഡ്സ് നല്കുന്ന ഒരു മാസത്തേക്കാവശ്യമായ കാലിത്തീറ്റയും മന്ത്രി െകെമാറി. ഇന്ത്യന് വെറ്ററിനറി അസോസിയേഷന് സൗജന്യമായി കറവ യന്ത്രം നല്കുമെന്നും മന്ത്രി പറഞ്ഞു.
ഇത്രയധികം സഹായം ലഭിച്ചതില് വലിയ സന്തോഷമുണ്ടെന്നും പശു വളര്ത്തല് കൂടുതല് ഊര്ജിതമാക്കുമെന്നും മാത്യു ബെന്നി പറഞ്ഞു. ചടങ്ങില് ജില്ലാ മൃഗസംരക്ഷണ ഓഫീസര് ഡോ. ജി. സജികുമാര്, കെ.എല്.ഡി ബോര്ഡ് എംഡി ഡോ. ആര്.രാജീവ് തുടങ്ങിയവര് പങ്കെടുത്തു.
മാത്യു ബെന്നിയുടെ ഫാമിലുണ്ടായ അത്യാഹിതത്തെത്തുടര്ന്ന് അടിയന്തര ചികിത്സകളും പോസ്റ്റ്മോര്ട്ടവും ഉള്പ്പെടെയുള്ള സേവനങ്ങളും ദ്രുതഗതിയില് നല്കിയ ജില്ലാ മൃഗസംരക്ഷണ ഓഫീസര് ഡോ. ജി. സജികുമാര്, ചീഫ് വെറ്ററിനറി ഓഫീസര് ഡോ. ജെസി സി. കാപ്പന്, ജില്ലാ എപ്പിഡമിയോളജിസ്റ്റ് ഡോ. സാനി തോമസ്, മൃഗസംരക്ഷണ വകുപ്പ് ജില്ലാ പബ്ലിക്ക് റിലേഷന്സ് ഓഫീസര് ഡോ. നിശാന്ത് എം പ്രഭ, വെറ്ററിനറി ഡോക്ടര്മാരായ ഡോ. ഗദ്ദാഫി കെ.പി, ഡോ. പാര്വതി ഇ.കെ, ഡോ. ക്ലിന്റ് സണ്ണി, ഡോ.ആനന്ദ് യു. കൃഷ്ണ, ഡോ. ശരത്ത് ടി.പി., ഡോ. ജോര്ജന് ജി. എടന എന്നിവരെ മന്ത്രി പൊന്നാടയണയിച്ച് ആദരിച്ചു.
