മിമിക്രി വേദികളിലൂടെ തുടങ്ങി പിന്നീട് ടിവി ഷോകളില് അവതാരകനായി അവിടെ നിന്ന് ബിഗ് സ്ക്രീന് അഭിനേതാവായി തുടര്ന്ന് സംവിധായക കുപ്പായമണിഞ്ഞ താരമാണ് രമേഷ് പിഷാരടി. താരത്തിന്റെ കൗണ്ടര് എപ്പോഴും പ്രേക്ഷകര്ക്ക് ചിരിയരങ്ങ് ഒരുക്കാറുണ്ട്. രമേഷ് പിഷാരടിയുടെ അഭിമുഖങ്ങളും വേദികളിലെ അവതാരക വേഷവുമൊക്കെ പ്രേക്ഷകര് ഏറെ ആസ്വദിക്കുന്നതാണ്. സോഷ്യല് മീഡിയയില് നിറഞ്ഞു നില്ക്കുന്ന താരം കൂടിയാണ് രമേഷ് പിഷാരടി. തന്റെ പുതിയ ചിത്രങ്ങളും വിശേഷങ്ങളുമൊക്കെ താരം അതിലൂടെ പങ്കിടാറുണ്ട്. പങ്കിടുന്ന ചിത്രങ്ങള്ക്ക് രമേഷ് പിഷാരടി നല്കുന്ന ക്യാപ്ഷനുകളും ഏറെ ശ്രദ്ധിക്കപ്പെടുന്നതാണ്. ക്യാപ്ഷന് സിംഹം എന്ന വിളിപ്പേരിലാണ് താരത്തെ അറിയപ്പെടുന്നത്. താരത്തിന്റെ കുടുംബവും പ്രേക്ഷകര്ക്ക് ഏറെ സുപരിചിതമാണ്. ഇപ്പോഴിതാ തന്റെ വിവാഹവാര്ഷികത്തിന്റെ സന്തോഷമാണ് ഭാര്യയ്ക്കൊപ്പമുള്ള ചിത്രത്തിലൂടെ താരം പങ്കിടുന്നത്. ‘‘ഞങ്ങളുടെ ദാമ്പത്യത്തിന്റെ കൗമാര വർഷങ്ങളിലേക്ക് പ്രവേശിക്കുന്നു...’’ എന്ന ക്യാപ്ഷനും നല്കിയാണ് സൗമ്യയ്ക്കൊപ്പമുള്ള പ്രണയചിത്രങ്ങള് താരം പങ്കിട്ടിരിക്കുന്നത്. സുഹൃത്തുക്കളും സഹപ്രവര്ത്തകരും ആരാധകരുമടക്കം നിരവധി പേരാണ് താരത്തിന്റെ പോസ്റ്റിന് ആശംസകളറിയിക്കുന്നത്. മൂന്നു മക്കളാണ് താരത്തിനുള്ളത്.
