റിയാദ്: സീസണ് തയ്യാറെടുപ്പില് ഗള്ഫില് കളിക്കാനെത്തിയ ഫുട്ബോളിലെ ഇതിഹാസതാരം ലിയോണേല് മെസ്സിയുടെ ഇന്റര്മയാമിക്ക് റിയാദില് തോല്വി. സൗദിലീഗ് ക്ലബ്ബായ അല്ഹിലാലിനെതിരേ കളിച്ച മെസ്സിയും കൂട്ടരും മൂന്നിനെതിരേ നാലു ഗോളുകള്ക്ക് തോറ്റു. മെസ്സിയും കൂട്ടുകാരന് സുവാരസും ഗോള് നേടിയെങ്കിലും അല് ഹിലാലിന്റെ ലീഡിനെ മറികടക്കാന് കഴിഞ്ഞില്ല.
സമനിലയിലേക്ക് നീങ്ങുമെന്ന് തോന്നിച്ച മത്സരത്തിന്റെ 88-ാം മിനിറ്റില് അല് ഹിലാലിന്റെ വിജയഗോള് ബ്രസീലിയന് താരം മാല്ക്കോമിന്റെ ബൂട്ടില് നിന്നും പിറക്കുകയായിരുന്നു. മത്സരത്തിന്റെ 10-ാം മിനിറ്റില് അലക്സാണ്ടര് മിട്രോവിച്ച് അല് ഹിലാലിന്റെ ആദ്യ ഗോള് നേടി. 13-ാം മിനിറ്റില് അബ്ദുല്ല അല് ഹംദാന്റെ ഗോളിലൂടെ അല് ഹിലാല് വീണ്ടും മുന്നിലെത്തി. പിന്നാലെ മിയാമി ആദ്യഗോള് നേടി.
എന്നാല് പിന്നീട് ബ്രസീലിയന് താരം മൈക്കല് അല് നസര് ലീഡ് 3-1 ആക്കി ഉയര്ത്തി. പിന്നാലെ മെസ്സി പെനാല്റ്റിയില് നിന്നും ടീമിന്റെ രണ്ടാമത്തെ ഗോളും നേടി. തൊട്ടടുത്ത മിനിറ്റില് ഡേവിഡ് റൂയിസ് ഇന്റര് മയാമിയെ ഒപ്പമെത്തിച്ചെങ്കിലൂം മാല്ക്കോം കളി തീരാന് മിനിറ്റുകള് ബാക്കി നില്ക്കേ നേടിയ ഗോള് അല് ഹിലാലിന് വിജയം നേടിക്കൊടുത്തു. മിയാമിയുടെ അടുത്ത മാച്ച് ക്രിസ്ത്യാനോയുടെ അല് നസറിന് എതിരേയാണ്. ഒരുപക്ഷേ ലോകം എന്നും ആകാംഷയോടെ കാണുന്ന മെസ്സി റൊണാള്ഡോ ഏറ്റുമുട്ടല് നടക്കുന്ന അവസാന മത്സരമായിരിക്കും ഇത്.
