മഞ്ഞ് മൂടിയ പ്രദേശങ്ങള് എന്ന് കേള്ക്കുമ്പോള് നമ്മള് മലയാളികള്ക്ക് അല്പം കൗതുകം ഒക്കെ തോന്നാറുണ്ട്. കാരണം ഇത്തരത്തിലുള്ള മഞ്ഞ് വീഴ്ചയൊന്നും നമ്മുടെ നാട്ടില് പതിവുള്ള കാഴ്ചയല്ല. അതുകൊണ്ട് തന്നെ മഞ്ഞുമൂടിയ സ്ഥലങ്ങള് കാണുമ്പോള് ഒരു തവണയെങ്കിലും അവിടേക്ക് ഒന്ന് പോകണമെന്ന് നാം അതിയായി ആഗ്രഹിക്കാറുണ്ട്. നമ്മുടെ രാജ്യത്ത് തന്നെ കൊടിയ മഞ്ഞുവീഴ്ചയുള്ള നിരവധി സ്ഥലങ്ങള് ഉണ്ട്. കശ്മീരും, ഹിമാചല് പ്രദേശും, ഉത്തരാഖണ്ഡുമെല്ലാം നിലവില് മഞ്ഞുവീഴ്ച പിടിമുറുക്കിയ അവസ്ഥയിലൂടെയാണ് കടന്നുപോകുന്നത്. ഇതിനോടകം തന്നെ കാശ്മീരിലെ മഞ്ഞ് വീഴ്ചയുടെ അതിശയിപ്പിക്കുന്ന പല ചിത്രങ്ങളും വീഡിയോകളും പുറത്തുവന്നിട്ടുണ്ട്.
സാമൂഹിക മാധ്യമമായ എക്സില് വീഡിയോകളും ചിത്രങ്ങളും #snowfall എന്ന വാക്കിനെ പെട്ടെന്ന് തന്നെ ട്രെന്റിംഗാക്കി. എക്സിലെ മഞ്ഞ് വീഴ്ചയില് റെയില്വേ മന്ത്രി അശ്വനി വൈഷ്ണവും പങ്കു ചേര്ന്നു. 'കശ്മീര് താഴ്വരകളിലെ മഞ്ഞുവീഴ്ച!, ബാരാമുള്ള - ബനിഹാല് വിഭാഗം' എന്ന എന്ന കുറിപ്പോടെയാണ് അശ്വനി വൈഷ്ണവ് ഒരു വീഡിയോ പങ്കുവച്ചത്. വീഡിയോയില് മഞ്ഞില് കുളിച്ച് നില്ക്കുന്ന ഒരു പ്രദേശത്ത് കൂടി ഒരു ചുവന്ന ട്രെയിന് കടന്ന് പോകുന്നത് കാണിക്കുന്നു. ട്രെയിന് കടന്ന് പോകുമ്പോള് ചെറിയ തോതിലുള്ള മഞ്ഞ് വീഴ്ചയും കാണാം. മരങ്ങളുടെ കറുത്ത നിറവും ട്രെയിനുമല്ലാതെ മറ്റെല്ലാം മഞ്ഞില് മൂടിയിരുന്നു. ആറ് ലക്ഷത്തിന് മേലെ ആളുകള് ഇതിനകം വീഡിയോ കണ്ടു കഴിഞ്ഞു. പിന്നാലെ നൂറ് കണക്കിന് വീഡിയോകളും ചിത്രങ്ങളും പങ്കുവയ്ക്കപ്പെട്ടു. കശ്മീരിലെ ഈ വര്ഷത്തെ ആദ്യത്തെ മഞ്ഞുവീഴ്ചയായിരുന്നു ഇത്.
ഈ ശൈത്യകാലം ഇതുവരെ രേഖപ്പെടുത്തിയിട്ടുള്ളതില് വച്ച് ഏറ്റവും വരണ്ടതായിരുന്നു, കശ്മീരിലടക്കം ജലദൌര്ലഭ്യം നേരിട്ട് തുടങ്ങിയ സമയത്ത് എത്തിയ മഞ്ഞ് വീഴ്ച ശുദ്ധജല ക്ഷാമത്തിന് പരിഹാരമായി. 'ഇത് സ്വിറ്റ്സര്ലന്ഡിലാണെന്ന് തോന്നുന്നു!' എന്നായിരുന്നു ഒരു കാഴ്ചക്കാരന് അശ്വനി വൈഷ്ണവ് പങ്കുവച്ച വീഡിയോയ്ക്ക് താഴെ കുറിച്ചത്. അത്ഭുതമെന്നും ഗംഭീര കാഴ്ചയെന്നും എഴുതിയവരും കുറവല്ല. മഞ്ഞ് മൂടിയ വാഹനങ്ങളുടെയും മഞ്ഞില് ഗ്രിപ്പ് കിട്ടാതെ തെന്നിനീങ്ങുന്ന വാഹനങ്ങളുടെയും വീഡിയോകളും ചിലര് പങ്കുവച്ചു.
कश्मीर की वादियों में स्नोफॉल !
📍Baramulla - Banihal section pic.twitter.com/WCsMSYKRqd— Ashwini Vaishnaw (@AshwiniVaishnaw) February 1, 2024
