മലയാള സിനിമാ പ്രേമികളുടെ പ്രീയപ്പെട്ട താരമാണ് നടന് ടൊവിനോ തോമസ്. ചെറിയ വേഷങ്ങളിലൂടെ സിനിമയില് കരിയര് ആരംഭിച്ച ടൊവിനോ ഇന്ന് മലയാള സിനിമയിലെ യുവ താരനിരയില് ശ്രദ്ധേയനാണ്. സോഷ്യൽ മീഡിയയിൽ നിറഞ്ഞു നിൽക്കുന്ന താരം കൂടിയാണ് ടോവിനോ. എല്ലാ വിശേഷങ്ങളും താരം അതിലൂടെ പങ്കിടാറുണ്ട്. ഇപ്പോഴിതാ നടനും സംവിധായകനുമായ തമിഴകത്തിന്റെ സ്വന്തം പ്രഭുദേവയ്ക്കൊപ്പമുള്ള ചിത്രം പങ്കിട്ടിരിയ്ക്കുകയാണ് താരം. "സർ നെ കണ്ടതിൽ ഒരുപാട് സന്തോഷം, സ്നേഹം..."" എന്ന് കുറിച്ചാണ് താരം ചിത്രം പങ്കിട്ടിരിക്കുന്നത്.
ടൊവിനോ നായകനായ അന്വേഷിപ്പിൻ കണ്ടെത്തും എന്ന ഇൻവസ്റ്റിഗേഷൻ ത്രില്ലർ ചിത്രം ഫെബ്രുവരി 9നാണ് തിയേറ്ററിലെത്തിയത്. തിയേറ്ററിൽ മികച്ച അഭിപ്രായം നേടി പ്രദർശനം തുടരുന്ന ചിത്രത്തില് പൊലീസുദ്യോഗസ്ഥനായാണ് താരം എത്തുന്നത്. ഡാർവിൻ കുര്യാക്കോസ് സംവിധാനം ചെയ്ത ചിത്രത്തില് ടൊവിനോയുടെ അച്ഛൻ ഇല്ലിക്കല് തോമസും അഭിനയിക്കുന്നുണ്ട്. ടൊവിനോ അവതരിപ്പിക്കുന്ന ആനന്ദ് നാരായണൻ എന്ന കഥാപാത്രത്തിന്റെ അച്ഛനായിട്ടാണ് ഇല്ലിക്കല് തോമസ് എത്തുന്നത്.
