ആരാധകരുടെ പ്രിയപ്പെട്ട താരജോഡിയാണ് സണ്ണി വെയ്നും രഞ്ജിനി കുഞ്ചുവും. സണ്ണി വെയ്ന് നായകനായും സഹനടനായുമെല്ലാം മലയാള സിനിമയില് നിറഞ്ഞു നില്ക്കുകയാണ്. അതേസമയം ഡാന്സറായ രഞ്ജിനി ടെലിവിഷനിലും സോഷ്യല് മീഡിയയിലുമെല്ലാം സജീവമായ താരവും. ഡാന്സ് റിയാലിറ്റി ഷോയിലൂടെ ഒരുപാട് ആരാധകരെ നേടിയെടുക്കാന് രഞ്ജിനിയ്ക്ക് സാധിച്ചിരുന്നു. അതേസമയം സോഷ്യല് മീഡിയയിലും പൊതുവേദികളിലും സണ്ണിയും രഞ്ജിനിയും അധികം ഒരുമിച്ച് എത്താറില്ല. അതുപോലെ തന്നെ താനെപ്പോഴും സ്വന്തം പേരില് അറിയപ്പെടാനാണ് ഇഷ്ടപ്പെടുന്നതെന്ന് രഞ്ജിനി പറഞ്ഞിട്ടുണ്ട്. ഇപ്പോഴിതാ ഐഡന്റിറ്റി ക്രൈസിസിനെക്കുറിച്ച് രഞ്ജിനി കുഞ്ചു സംസാരിക്കുകയാണ്. സണ്ണി വെയ്നിന്റെ ഭാര്യ എന്നറിയപ്പെടാതിരിക്കാനുള്ള ശ്രമം നടത്താറുണ്ടല്ലോ എന്ന് അവതാരകന് ചോദിച്ചപ്പോഴാണ് രഞ്ജിനി മറുപടി പറഞ്ഞത്. ‘‘ശരിയാണ്. എനിക്ക് ഡാന്സാണ് പാഷന്. ഞാനത്രയും ഹാര്ഡ്വര്ക്ക് ചെയ്താണത് ചെയ്യുന്നത്. വീഡിയോ ചെയ്യുന്നതു പോലും നല്ല എഫര്ട്ട് എടുത്തിട്ടാണ്. ഡി ഫോര് ഡാന്സ് കഴിഞ്ഞ് കല്യാണം കഴിഞ്ഞപ്പോള് സ്വഭാവികമായും അതിന്റെയൊരു ഹൈപ്പ് വന്നിരുന്നു. ഇന്നയാളുടെ വൈഫാണെന്ന്. പക്ഷേ നമ്മള് ചെയ്യുന്ന എല്ലാക്കാര്യത്തിനും പലരും കമ്പാരിസണ് പറയും. അപ്പോള് നമ്മള് ചെയ്യുന്ന ഹാര്ഡ്വര്ക്കിന് ഒരു വിലയുമില്ലാതെ വരും. എന്റെ മാതാപിതാക്കളും എനിക്ക് പറഞ്ഞു തന്നിട്ടുള്ളത് സ്വന്തം ഐഡന്റിറ്റിയില് എന്തൊക്കെ ചെയ്യാന് പറ്റുമെന്നുള്ളതാണ്. അവര് രണ്ടുപേരും പ്രശസ്തരായ മ്യൂസിഷന്സാണ്. അമ്മയും അച്ഛനും ആകാശവാണിയില് ആര്ട്ടിസ്റ്റുകളാണ്. അമ്മ വയലിനിസ്റ്റ് എന്ന രീതിയിലാണ് പ്രശസ്തയായത്, അല്ലാതെ എന് ഹരിയുടെ ഭാര്യ എന്ന നിലയിലല്ല. തിരിച്ചും അങ്ങനെയല്ല. ഞാനിതു കണ്ടിട്ടാണ് വളര്ന്നത്. അതുകൊണ്ട് എന്റെ ഐഡന്റിറ്റി കീപ്പ് ചെയ്തു പോകണമെന്നുളളത് എനിക്ക് നിര്ബന്ധമാണ്. പിന്നെ ആളാണെങ്കിലും (സണ്ണി വെയ്ന) നല്ല പിന്തുണയാണ്. എന്റെ ഐഡന്റിറ്റിക്ക് മൂല്യം നല്കുന്നയാളാണ്. അത് ഞാന് പല അഭിമുഖങ്ങളിലും പറഞ്ഞിട്ടുമുണ്ട്. ഡാന്സ് പാഷനൊപ്പം തന്നെ എന്റെ ഐഡന്റിറ്റിയുടെ ഭാഗം കൂടിയാണ്....’’ രഞ്ജിനി പറയുന്നു.
പലയിടത്തും ഒരുമിച്ചെത്തുന്നില്ല എന്നുള്ളതിനും രഞ്ജിനി മറുപടി പറയുന്നു. ‘‘ഒരു കാരണം തിരക്കു തന്നെയാണ്. അത് ആളുകള്ക്ക് എത്രത്തോളം മനസിലാകും എന്നറിയില്ല. രണ്ടു പേരും രണ്ട് മേഖലകളില് ഓടി നടന്ന് ജോലി ചെയ്യുന്നവരാണ്. ഒരു സൈഡ് ആ ടാഗ് ലൈന് എന്റെ കരിയറിനെ ബാധിക്കാതെ കൊണ്ടു പോകണം എന്നുണ്ട്. അതുകൊണ്ടാണ് ഞാന് കൂടുതല് എക്സ്പോഷര് കൊടുക്കാത്തത്. എന്നാലും ചില പ്രത്യേക ഒക്കേഷനുകളില് ഞാന് ഇടാറുണ്ട്. എങ്കിലും ഞാന് ഒഴിവാക്കുന്നതിന്റെ പ്രധാന കാരണം അത് തന്നെയാണ്. സിനിമയാണ് ഒരു വശത്തുള്ളത്. എങ്ങനെ കറങ്ങിത്തിരിഞ്ഞാലും അതിലേക്കാകും വരിക. അതൊരു വിലയ ക്യാന്വാസാണ്. ഡാന്സ് ഒട്ടും മോശമാണെന്നല്ല. പക്ഷെ ആളുകള് കൂടുതലും താരതമ്യം ചെയ്യുന്നത് അതുമായാണ്. നേരിട്ടും അല്ലാതേയും ഞാന് അത്തരം കമന്റുകള് കേട്ടിട്ടുണ്ട്. പക്ഷെ കഴിഞ്ഞ ഒന്നൊന്നര വര്ഷമായിട്ട് ഞാന് അത്തരം സംഭവങ്ങളൊന്നും കേട്ടിട്ടില്ല. വളരെ കുറവാണ്. ഒരുപക്ഷെ ഇങ്ങനെ പ്രിവന്റ് ചെയ്ത് വച്ചതു കൊണ്ടാണ്. കുറച്ച് സ്വാഭാവികവും കുറച്ച് ബോധപൂര്വ്വവുമാണ്....’’ രഞ്ജിനി പറയുന്നു.
