തിരുവനന്തപുരം; ആറ്റുകാല് പൊങ്കാലയോടനുബന്ധിച്ച് വിപുലമായ ആരോഗ്യ സേവനങ്ങളാമ് ഒരുക്കിയിരിക്കുന്നതെന്ന് ആരോഗ്യ മന്ത്രി വീണ ജോര്ജ്.ചൂട് വര്ധിക്കുന്നതിനാല് ബുദ്ധിമുട്ട് നേരിടുന്നവര്ക്ക് മതിയായ ചികിത്സയും പരിചരണവും നല്കുന്നതിനായി4 ഹീറ്റ ക്ലീനിക്കുകള് കൂടി ആരംഭിച്ചട്ടുണ്ട്.
തിരുവനന്തപുരം ജനറല് ആശുപത്രി, ഫോര്ട്ട് താലൂക്ക് ആശുപത്രി, ഐരാണിമുട്ടം സാമൂഹികാരോഗ്യ കേന്ദ്രം, ചാല അര്ബന് പ്രാഥമികാരോഗ്യ കേന്ദ്രം എന്നിവിടങ്ങിലാണ് ഹീറ്റ് ക്ലിനിക്കുകള് ആരംഭിച്ചത്. സൂര്യാതപം പോലുള്ള പ്രശ്നങ്ങള് ബാധിക്കുന്നവരെ പരിചരിക്കുന്നതിനായി കൂളര്, ഫാന്, കമ്പിളി, ഐസ് പായ്ക്ക്, ഐവി ഫ്ളൂയിഡ്, ഒആര്എസ്, ക്രീമുകള് എന്നിവ ഈ ക്ലിനിക്കുകളില് സജ്ജമാക്കിയട്ടുണ്ട്.
പതിനായിര കണക്കിന് സത്രീകള് പൊങ്കാലയിടാനായി എത്തുന്നതിനാല് മികച്ച ക്രമീകരണങ്ങളാണ് ഒരുക്കിയിരിക്കുന്നത്.വിവിധ ഭാഗങ്ങളില്
ആരോഗ്യവകുപ്പിലെ ഡോക്ടര്മാര് അടങ്ങിയ 10 മെഡിക്കല് ടീമുകളെ ആംബുലന്സ് ഉള്പ്പെടെ നിയോഗിച്ചട്ടുണ്ട്.
ഡോക്ടര്, സ്റ്റാഫ് നഴ്സ് തുടങ്ങിയവരടങ്ങിയ ഈ ടീമില് ജൂനിയല് ഹെല്ത്ത് ഇന്സ്പെക്ടര്മാരുടെ സേവനവും ഉറപ്പാക്കിയിട്ടുണ്ട്. ആറ്റുകാലിലെ കണ്ട്രോള് റൂമിലും ഡോക്ടറുടെ സേവനം ഉറപ്പ് വരുത്തിയിട്ടുണ്ട്. ക്ഷേത്രപരിസത്ത് 2 ഡോക്ടര്മാരടങ്ങിയ മെഡിക്കല് ടീമും കുത്തിയോട്ടത്തിന് വ്രതം അനുഷ്ഠിക്കുന്ന കുട്ടികള്ക്ക് ആവശ്യമായ വൈദ്യസഹായത്തിന് ശിശുരോഗ വിദഗ്ദ്ധര്, സ്റ്റാഫ് നഴ്സ്, നഴ്സിംഗ് അസിസ്റ്റന്റ് എന്നിവരടങ്ങിയ മെഡിക്കല് ടീമും പ്രവര്ത്തിച്ചു വരുന്നു.
പ്രാഥമിക ശുശ്രൂഷകള് നല്കുന്ന ഫീല്ഡ് ഹോസ്പിറ്റലുകളായി നഗരപരിധിയിലെ 16 അര്ബര് ഹെല്ത്ത് സെന്ററുകള് പ്രവര്ത്തിക്കും.
