മുഖ്യമന്ത്രി പിണറായി വിജയനെതിരായ മാസപ്പടി വിവാദത്തില് ആരോപണങ്ങളില് മാത്യു കുഴല്നാടന് എംഎല്എയ്ക്ക് മറുപടിയുമായി നിയമമന്ത്രി പി രാജീവ്. സര്ക്കാര് വിവാദ കമ്പനിക്ക് നല്കിയ ഏറ്റവും വലിയ സഹായം മൈനിങ് ലീസാണ്. എകെ ആന്റണി മുഖ്യമന്ത്രിയായിരുന്ന കാലത്താണ് ഇതിന്റെ നടപടിക്രമങ്ങള് പൂര്ത്തിയായതെന്നും പി രാജീവ് വ്യക്തമാക്കി.
എ കെ ആന്റണി തുടങ്ങിയ നടപടിക്രമങ്ങളുടെ അവസാനഘട്ടമായി 2004 ല് മൈനിങ്ങ് ലീസ് നല്കിയത് ഉമ്മന്ചാണ്ടി മുഖ്യമന്ത്രിയായിരിക്കുമ്പോഴാണ്. കുഴല്നാടന്റെ വാദം അനുസരിച്ചാണെങ്കില് ഈ വലിയ സഹായത്തിന് ആരാണ് ഉത്തരവാദിയെന്ന് ചോദിച്ച രാജീവ്, അന്ന് കുഴല്നാടന് പൊട്ടിച്ച വെടിയിലെ ഉണ്ട കൊള്ളേണ്ട യുഡി എഫ് നേതാക്കളില് ജീവിച്ചിരിക്കുന്നവരാരും പ്രതികരിക്കാത്തത് എന്തുകൊണ്ടാണെന്നും ചോദിച്ചു.
