ഈ ലോകത്തിലെ ഏറ്റവും മനോഹരമായ ബന്ധമാണ് മാതാപിതാക്കളും മക്കളും തമ്മില് ഉള്ളത്. മാതാപിതാക്കളുടെ സ്നേഹവും കരുതലും രുചിച്ചറിയുന്നവരാണ് ഭൂരിഭാഗം മക്കളും. കാലം എത്ര കടന്നാലും മാതാപിതാക്കള്ക്ക് അവര് എന്നും മക്കള് തന്നെയാണ്. ഇത് തെളിയിക്കുന്ന ഒട്ടനവധി വീഡിയോകള് സമൂഹ മാധ്യമങ്ങളിലൂടെ വൈറലാകാറുണ്ട്. ഇപ്പോഴിതാ ഇത്തരത്തില് ഹൃദയഭേദകമായ ഒരു വീഡിയോയാണ് നെറ്റീസണ്സിന്റെ ഹൃദയം കീഴടക്കിയിരിക്കുന്നത്.
വിവാഹ വേഷത്തില് മക്കളെ കാണുക എന്നത് ഏതൊരു മാതാപിതാക്കളുടെയും ജീവിതത്തിലെ ഏറ്റവും വലിയ ആഗ്രമാണ്. അറിയാതെ പോലും അവരുടെ കണ്ണ് നിറഞ്ഞുപോകാറുണ്ട്. വൈറലായ വീഡിയോയിലും ഈ കാഴ്ച തന്നെയാണ് കാണുന്നത്. @makeupbyritikaa എന്ന ഇന്സ്റ്റഗ്രാം അക്കൗണ്ടാണ് മനോഹരമായ ഈ വീഡിയോ പങ്കുവച്ചിരിക്കുന്നത്. വീഡിയോയില് മകളെ വിവാഹവേഷത്തില് കാണുന്ന ഒരച്ഛന്റെ ആഹ്ളാദ പ്രകടനങ്ങളാണ്. വീഡിയോയില് ഒരു യുവതി വിവാഹ വസ്ത്രം അണിഞ്ഞ് അച്ഛന്റെയും അമ്മയുടെയും മുന്നില് ചെന്ന് നില്ക്കുന്നതാണ് കാണുന്നത്. ചുവന്ന ലെഹങ്കയാണ് യുവതി ധരിച്ചിരിക്കുന്നത്. അതീവ സുന്ദരിയായി ഒരുങ്ങി നില്ക്കുന്ന മകളെ കണ്ട് അച്ഛന് ആഹ്ലാദം അടക്കാനാവുന്നില്ല.
മകളെ കണ്ട് അച്ഛന് ബ്യൂട്ടിഫുള്, മിസ് വേള്ഡ് എന്നൊക്കെ പറയുന്നത് വീഡിയോയില് കാണാം. ഒപ്പം നില്ക്കുന്ന അമ്മയും അതീവ സന്തോഷത്തിലാണ്. അച്ഛന്റെ കണ്ണ് ഇടയ്ക്കും നിറയുന്നതും വീഡിയോയില് ശ്രദ്ധേയമാണ്. മകളെ കണ്ട് അച്ഛനും അമ്മയ്ക്കും അടക്കാനാവാത്ത സന്തോഷമാണ് എന്ന് വീഡിയോ കാണുന്ന ഏതൊരാള്ക്കും മനസ്സിലാകും. നിമിഷ നേരങ്ങള്ക്കുള്ളിലാണ് വീഡിയോ വൈറലയാത്. നിരവധി ആളുകളാണ് വീഡിയോയ്ക്ക് കമന്റുമായി രംഗത്തെത്തിയത്്. സാധാരണയായി മാതാപിതാക്കള് അധികം വികാരപ്രകടനങ്ങള് നടത്താറില്ല എന്നും വീഡിയോയിലെ അച്ഛന്റെ സന്തോഷ പ്രകടനം ഏറെ ഇഷ്ടമായി എന്നുമാണ് ഭൂരിഭാഗം പേരും കമന്റ് ചെയ്തിരിക്കുന്നത്.
