ജവാന് എന്ന ചിത്രത്തിലൂടെ അറ്റ്ലി കുമാര് എന്ന സംവിധായകന്റെ വളര്ച്ച ദേശീയ തലത്തിലേക്ക് മാറിയിരിക്കുകയാണ്. ഇപ്പോള് ബോളിവുഡിലെ നമ്പര് വണ് സെലിബ്രിറ്റികളിലൊരാളായി എല്ലാ ചടങ്ങിലും അറ്റ്ലിയെയും ഭാര്യ പ്രിയയെയും കാണാം. ആനന്ദ് അമ്പാനിയുടെയും രാധിക മെര്ച്ചന്റിന്റെയും വിവാഹത്തിന് പങ്കെടുക്കാന് താരദമ്പതികള് എത്തിയ വിശേഷമാണ് ഇപ്പോള് പുറത്ത് വരുന്നത്.
എല്ലാ ചടങ്ങുകള്ക്കും എത്തുന്നത് പോലെയല്ല, ഇത്തവണ ഒരു പ്രത്യേകതയുണ്ട്. അതുവരെ മറച്ചുവച്ചിരുന്ന മകന് മീറിന്റെ മുഖം ആദ്യമായി പ്രിയയും അറ്റ്ലിയും വെളിപ്പെടുത്തിയിരിക്കുന്നു. പ്രിയ ഗര്ഭിണിയായത് മുതല് എല്ലാ വിശേഷങ്ങളും സോഷ്യല് മീഡിയയിലൂടെ പങ്കുവയ്ക്കുമായിരുന്നുവെങ്കിലും, ഇതുവരെ മകന് മീറിനെ പബ്ലിക്കായി എവിടെയും പരിചയപ്പെടുത്തിയിരുന്നില്ല. ഇതാദ്യമായാണ് ഒരു പൊതു ചടങ്ങിന് മീറിനൊപ്പം പ്രിയയും അറ്റ്ലിയും എത്തുന്നത്.
,
സോഷ്യല് മീഡിയയില് പ്രിയയും അറ്റ്ലിയും മകനൊപ്പമുള്ള ഫോട്ടോകള് പങ്കുവയ്ക്കാറുണ്ടെങ്കിലും മുഖം മറച്ചു പിടിയ്ക്കുകയാണ് ചെയ്യാറുള്ളത്. മാര്ച്ച് ഒന്നിനാണ് അമ്പാനി കുടുംബത്തിലെ കല്യാണാഘോഷങ്ങള് തുടങ്ങിയത്. അതിന് പങ്കെടുക്കാനായി എത്തിയതായിരുന്നു മകനൊപ്പം അറ്റ്ലിയും പ്രിയയും. ജാംനഗര് എയര്പോര്ട്ടില് എത്തിയ താര ദമ്പതികള് മകനൊപ്പമുള്ള വീഡിയോയും ഫോട്ടോയും എടുക്കാന് വന്നവരെ തടഞ്ഞില്ല. ഫോട്ടോ എടുക്കാനായി ആളുകള് അടുത്ത് കൂടിയപ്പോള് മകന്റെ നെറുകില് ചുംബിച്ച് അറ്റ്ലി പോസ് ചെയ്തു നിന്ന് കൊടുക്കുകയും ചെയ്തു.
ഇക്കഴിഞ്ഞ ജനുവരി 31 നാണ് മീര് ബേബിയ്ക്ക് ഒരു വയസ്സ് പൂര്ത്തിയായത്. പാരീസില് വച്ചായിരുന്നു താരദമ്പതികള് മകന്റെ ബര്ത്ത്ഡേ ആഘോഷമാക്കിയത്. അന്നും ഫോട്ടോ പുറത്തുവിട്ട ഫോട്ടോയില് മുഖം കാണിച്ചിരുന്നില്ല. ദൈവം തന്നെ സമ്മാനമാണ് എന്ന് പറഞ്ഞാണ് അന്ന് അറ്റ്ലി ചിത്രങ്ങള് പങ്കുവച്ചത്.
