ന്യൂഡല്ഹി: മദ്യനയക്കേസില് അറസ്റ്റിലായ അരവിന്ദ് കെജ്രിവാള് അധികാരത്തില് ഇരിക്കുമ്പോള് അറസ്റ്റിലാകുന്ന ഇന്ത്യയിലെ രണ്ടാമത്തെ മുഖ്യമന്ത്രി. തമിഴ്നാട് മുഖ്യമന്ത്രിയായിരിക്കെ അറസ്റ്റിലായ ജയലളിതയാണ് ഇക്കാര്യത്തില് കെജ്രിവാളിന്റെ മുന്ഗാമി. കെജ്രിവാളിന്റെ അറസ്റ്റിനെതിരേ ആംആദ്മിപാര്ട്ടി കോടതിയെ സമീപിച്ചെങ്കിലും ഡല്ഹി ഹൈക്കോടതി അര്ദ്ധരാത്രിയോടെ തള്ളി.
രണ്ടുമാസം മുമ്പ് ഝാര്ഖണ്ഡ് മുഖ്യമന്ത്രി ഹേമന്ദ് സോറനും അറസ്റ്റിലായിരുന്നെങ്കിലും മുഖ്യമന്ത്രി സ്ഥാനത്തു നിന്നും താഴെയിറങ്ങിയതിന് തൊട്ടുപിന്നാലെയായിരുന്നു അറസ്റ്റ്. അതേസമയം അറ്സ്റ്റിലായെങ്കിലും കെജ്രിവാള് തന്നെ മുഖ്യമന്ത്രിസ്ഥാനത്ത് തുടരുമെന്നും അദ്ദേഹം ജയിലില് ഇരുന്ന് തന്റെ ഡ്യൂട്ടികള് നിര്വഹിക്കുമെന്നാണ് ആംആദ്മി പാര്ട്ടി പറയുന്നത്. അരവിന്ദ് കെജ്രിവാള് തന്നെ ഡല്ഹി മുഖ്യമന്ത്രിയായി തുടരുമെന്നും അതിന് രണ്ടു പക്ഷമില്ലെന്നും അറസ്റ്റിന് തൊട്ടുപിന്നാലെ പ്രതികരിച്ചു.
ആവശ്യമെങ്കില് കെജ്രിവാള് വര്ക്ക് ഫ്രം ജയില് നടപ്പാക്കും. അങ്ങിനെ ചെയ്യുന്നതില് നിന്നും നിയമം അദ്ദേഹത്തെ തടയുന്നില്ലെന്നും ആംആദ്മിപാര്ട്ടി സര്ക്കാരിലെ രണ്ടാം നമ്പറായ നേതാവ് ആതിഷി പറയുന്നു. അതേസമയം കെജ്രിവാള് ജയിലിലിരുന്ന് ഭരണം നടത്തുന്നത് ഭരണഘടനാ പ്രതിസന്ധിയുണ്ടാക്കുമെന്നാണ് വിദഗ്ദ്ധര് പറയുന്നത്. മുമ്പ് കാലിത്തീറ്റ കുംഭകോണകേസില് ലാലുപ്രസാദ് യാദവ് ബീഹാറില് മുഖ്യമന്ത്രിയായിരിക്കെ ജയിലില് ആയപ്പോള് ഭരണം ഭാര്യ റാബ്റിദേവിക്ക് കൈമാറിയിരുന്നു.
രണ്ടുമാസം മുമ്പ് ഹേമന്ദ്സോറന് ഇ.ഡി. കസ്റ്റഡിയില് എടുക്കുന്നതിന് മുമ്പായി ഗവര്ണറെ കണ്ട് സ്ഥാനം രാജിവെച്ചിരുന്നു. കെജ്രിവാള് രാജിവെയ്ക്കുന്നില്ലെങ്കില് പുതിയ മാര്ഗ്ഗം തേടുകയാണ് കേന്ദ്ര ആഭ്യന്തരമന്ത്രാലയം. പൊതുസേവകന് എന്ന സ്ഥാനം വെച്ച് കേന്ദ്രത്തിന് അദ്ദേഹത്തെ സസ്പെന്റ് ചെയ്യുകയോ പദവിയില് നിന്നും എടുത്തുമാറ്റുകയോ നിയമവിദഗ്ദ്ധരും പറയുന്നു. അറസ്റ്റ് ചെയ്യപ്പെടുന്ന സര്ക്കാര് ഉദ്യോഗസ്ഥരെ സര്വീസില് നിന്നും പെട്ടെന്ന് തന്നെ സസ്പെന്റ് ചെയ്യുന്നത് നടപടിക്രമമാണെന്നും പറയുന്നു.
അതേസമയം കെജ്രിവാളിനെ കൊണ്ടുപോയ തീഹാര് ജയില് വൃത്തങ്ങള് പറയുന്നത് ജയിലില് നിന്നും ഒരു മുഖ്യമന്ത്രിമാരും ഇതുവരെ ജോലി ചെയ്തിട്ടില്ല എന്നാണ്. ജയില് മാനുവലില് അങ്ങിനെ ഒരു കാര്യവും പരാമര്ശിച്ചിട്ടില്ലെന്നും ജയിില് എല്ലാം നടക്കുന്നത് ജയില് മാനുവല് അനുസരിച്ചാണെന്നും വൃത്തങ്ങള് പറയുന്നു. ഒമ്പതാം തവണയും ചോദ്യം ചെയ്യാനുള്ള സമന്സ് തള്ളിയതിനെ തുടര്ന്നായിരുന്നു ശകജ്രിവാളിശന അറസ്റ്റ് ചെയ്തത്. അറസ്റ്റിനെതിരേ കെജ്രിവാളിന്റെ വൃത്തങ്ങള് സുപ്രീംകോടതിയില് ഹര്ജി നല്കിയിരിക്കുകയാണ്.
