മലയാളികളുടെ പ്രിയപ്പെട്ട നിത്യഹരിതനായകനാണ് കുഞ്ചാക്കോ ബോബന്. അനിയത്തിപ്രാവ് എന്ന സിനിമയിലൂടെ ചോക്ലേറ്റ് ഹീറോയായി പ്രേക്ഷകരുടെ മനസ്സില് കുടിയേറിയ താരം നെഗറ്റീവ് കഥാപാത്രങ്ങളുള്പ്പടെ മച്ച്വേഡായ ഒരുപാട് നല്ല കഥാപാത്രങ്ങള് അടുത്തിടെ അവതരിപ്പിച്ച് തന്റെ ഇമേജ് മാറ്റിയിരുന്നു. ചാക്കോച്ചന് എന്ന് സ്നേഹത്തോടെ ആരാധകര് വിളിക്കുന്ന താരത്തിന്റെ ഭാര്യ പ്രിയയും മകന് ഇസഹാഖും മലയാളി പ്രേക്ഷകര്ക്ക് പ്രിയങ്കരരാണ്. സോഷ്യല് മീഡിയയില് നിറഞ്ഞു നില്ക്കുന്ന താരം എല്ലാ വിശേഷങ്ങളും അതിലൂടെ പങ്കിടാറുണ്ട്.
ഇപ്പോഴിതാ വേനല്ചൂടില് പൊള്ളുന്ന കേരളത്തില് നിന്നും മഞ്ഞിന്റെ തണുപ്പിലേക്ക് ഒരു യാത്ര പോയിരിക്കുകയാണ് ചാക്കോച്ചനും പ്രിയയും ഇസഹാഖും. ചാക്കോച്ചന്റെയും കുടുംബത്തിന്റെയും യാത്ര പോയിരിക്കുന്നത് കാശ്മീരിലേക്കാണ്. യാത്രയില് നിന്നുള്ള ചിത്രങ്ങളും വീഡിയോകളും താരം പങ്കുവച്ചിട്ടുണ്ട്. സ്വര്ഗ്ഗത്തിന് കാശ്മീര് എന്നല്ലാതെ മറ്റെന്തു പേരാണുള്ളത് എന്നാണ് ചാക്കോച്ചന് കുറിച്ചിരിക്കുന്നത്. ‘‘കശ്മീർ....സ്വർഗ്ഗത്തിന് മറ്റെന്ത് പേരാണുള്ളത്...’’ എന്നാണ് താരം ചിത്രങ്ങള്ക്ക് നല്കിയിരിക്കുന്ന ക്യാപ്ഷന്. തങ്ങളുടെ യാത്ര ഏറ്റവും അവിസ്മരണീയവും പ്രിയങ്കരവുമാക്കിയതിന് പലര്ക്കും നന്ദിയും കുറിച്ചിട്ടുണ്ട്.
താരങ്ങളെ പോലെ തന്നെ അവരുടെ കുടുംബവും സോഷ്യല്മീഡിയയിലെ താരങ്ങളാണ്.കുഞ്ചാക്കോ ബോബനെ പോലെ തന്നെ നിറയെ ആരാധകരുണ്ട് മകന് ഇസഹാക്ക് ബോബനും. 14 വര്ഷത്തെ കാത്തിരിപ്പിനുശേഷമാണ് കുഞ്ചാക്കോ ബോബനും പ്രിയയ്ക്കും ഒരു കുഞ്ഞ് പിറന്നത്. 2019 ഏപ്രില് 16നായിരുന്നു ഇസഹാക്കിന്റെ ജനനം. ഇസുക്കുട്ടന്റെ ഫൊട്ടോകള് ചാക്കോച്ചന് ഇടയ്ക്കിടെ സോഷ്യല് മീഡിയയില് ഷെയര് ചെയ്യാറുണ്ട്. എന്തായാലും കാശ്മീരിലെ ചില് ഹോളിഡേ ആഘോഷമാക്കുകയാണ് കുഞ്ഞ് ഇസുക്കുട്ടന്.
