ബെംഗളൂരു: വിവിധ നഗരങ്ങളില് പേയിംഗ് ഗസ്റ്റായി താമസിക്കുകയും താമസസ്ഥലത്ത് നിന്നും ലാപ്ടോപ്പുകള് മോഷ്ടിക്കുകയും ചെയ്തിരുന്ന യുവതി ഒടുവില് ബാംഗ്ളൂര് പോലീസിന്റെ പിടിയില്. ജസ്സു അഗര്വാള് എന്ന 29 വയസ്സുള്ള രാജസ്ഥാന്കാരിയാണ് പിടിയിലായത്.
ഇവരില് നിന്നും 24 ലാപ്ടോപ്പുകളാണ് കണ്ടെത്തിയത്. 10 ലക്ഷം രൂപയുടെ മുതലാണ് തൊണ്ടിമുതലായി പോലീസ് പൊക്കിയത്. കഴിഞ്ഞവര്ഷം ഒക്ടോബറില് റജിസ്റ്റര് ചെയ്ത കേസിലെ അന്വേഷണമാണ് യുവതിയിലേക്ക് എത്തിച്ചത്. എച്ച്എഎല് പൊലീസ് സ്റ്റേഷന്റെ കീഴിലുള്ള വാടകവീട്ടില് നിന്ന് ലാപ്ടോപ്പും ചാര്ജറും മൗസും മോഷണം പോയെന്ന പരാതിയിലായിരുന്നു അന്വേഷണം. യുവതിയെ പിടികൂടി ദീര്ഘനേരം ചോദ്യം ചെയ്തതായി പോലീസ് ഉദ്യോഗസ്ഥര് പറഞ്ഞു.
കോറമംഗല, ഇന്ദിരാനഗര് എന്നിവിടങ്ങളില് നിന്ന് 1 എച്ച്എഎല് സ്റ്റേഷന്റെ 3 ലാപ്ടോപ്പ് കെയ്സുകളാണ് മോഷണം പോയത്. നഗരത്തിലെ ടിന് ഫാക്ടറി, മാറത്തഹള്ളി, ബെല്ലന്തൂര്, സില്ക്ക്ബോര്ഡ് ഹെബ്ബാല, വൈറ്റ്ഫീല്ഡ്, മഹാദേവപൂര് തുടങ്ങിയ സോഫ്റ്റ്വെയര് കമ്പനി എനന്നിവിടങ്ങളിലും പിജി ഏരിയകളിലും പേയിംഗ് ഗസ്റ്റുകളായി എത്തി കവര്ച്ച നടത്തിയിരുന്നത് രാജസ്ഥാന് യുവതിയായിരുന്നു. മോഷ്ടിച്ച ലാപ്ടോപ്പുകള് മറാത്തഹള്ളി, യലഹങ്ക, ഹെബ്ബാള് എന്നിവിടങ്ങളിലെ ലാപ്ടോപ്പ് കടകളില് പ്രതി വില്പ്പന നടത്തിയതായും അന്വേഷണത്തില് വ്യക്തമായതായി ഉദ്യോഗസ്ഥര് പറഞ്ഞു.
