ബോളിവുഡ് സിനിമാപ്രേക്ഷകരുടെ പ്രിയ താരങ്ങളാണ് കപൂര് കുടുംബത്തിലെ ഓരോരുത്തരും. ഋഷികപൂറിന്റെയും നീതു കപൂറിന്റെയും മകനായ രണ്ബീര് കപൂറിനാകട്ടെ വലിയൊരു ആരാധകവൃന്ദം തന്നെയുണ്ട്. ആലിയ ഭട്ടിനെ വിവാഹം ചെയ്ത രണ്ബീറിന് റാഹ എന്ന ക്യൂട്ട് മകളുമുണ്ട്. റാഹ ജീവിതത്തിലേക്ക് വന്ന ശേഷം ഒരുപാട് മാറ്റങ്ങള് ഉണ്ടായിട്ടുണ്ടെന്ന് രണ്ബീര് തന്നെ പലപ്പോഴും പറഞ്ഞിട്ടുണ്ട്.
ഇപ്പോഴിതാ രണ്ബീറിനുണ്ടായ മാറ്റങ്ങളെക്കുറിച്ച് തുറന്നു പറയുകയാണ് അമ്മ നീതു കപൂര്. ‘‘രണ്ബീര് ഒരിക്കലും തന്റെ വികാരങ്ങള് പ്രകടിപ്പിക്കാറില്ല. അതെല്ലാം സ്ക്രീനിനു വേണ്ടി മാത്രമുള്ളതാണ്. ആവിഷ്കാരങ്ങൾ സിനിമയ്ക്ക് വേണ്ടി മാറ്റിവെച്ചതാണ്. യഥാർത്ഥ ജീവിതത്തിൽ, അവൻ കാര്യങ്ങളോട് അത്രയൊന്നും പ്രതികരിക്കാറില്ല. ഇവന് ശരിക്കും എല്ലാക്കാര്യത്തിനും ശാന്തനാണ്. ഒന്നിനും അമിതമായ പ്രകടനമുണ്ടാകാറില്ല. പക്ഷേ റാഹയുടെ കാര്യം വരുമ്പോള് ശരിക്കും ഇവന്റെ മുഖത്തു നോക്കണം. ആദ്യമായി റാഹ കടന്നു വന്നപ്പോള് അവന്റെ മുഖമൊന്നു കാണണമായിരുന്നു. അവൻ വളരെ ആവേശഭരിതനാകുന്നു. എക്സ്പ്രഷനുകളുടെ ഒരു വലിയ പ്രകടനം തന്നെയുണ്ടാകും മുഖത്ത്. ഭയങ്കര സന്തോഷവും ആവേശവുമാണ് ആ മുഖത്ത്. ആദ്യമായിട്ടാണ് റിയല് ലൈഫില് ഇത്രയും എക്സ്പ്രെസ്സീവായിട്ട് ഞാനിവനെ കാണുന്നത്.
അവൻ ഏറ്റവും നല്ല പിതാവാണ്. ആലിയ ഒരു നല്ല അമ്മയാണ്. അവൾ മികച്ചതാണ്, പക്ഷേ രണ്ബീര് ഒരു കൈത്താങ്ങാണ്. പല അച്ഛന്മാരെയും കണ്ടിട്ടുണ്ടെങ്കിലും ഇവനെപ്പോലെ ആരെയും കണ്ടിട്ടില്ല. അവൻ തന്റെ പിതാവ് ഋഷി കപൂറില് നിന്ന് വിപരീതമാണ്. എന്റെ ഭർത്താവ് ഒരിക്കലും കുട്ടികളുമായി നല്ല നിലയിൽ ആയിരുന്നില്ല...’’ നീതു കപൂര് പറയുന്നു. ദി ഗ്രേറ്റ് ഇന്ത്യൻ കപിൽ ഷോയുടെ ആദ്യ എപ്പിസോഡിൽ നീതു കപൂറും മക്കളായ രൺബീർ കപൂറും റിദ്ദിമ കപൂറും അതിഥികളായി വന്നിരുന്നു. അപ്പോഴാണ് നീതു കപൂറിത് പറഞ്ഞത്.
പ്രൊഫഷണൽ രംഗത്ത്, രൺബീർ കപൂർ അവസാനമായി കണ്ടത് വിജയകരമായ ചിത്രമായ അനിമലാണ്. ബോബി ഡിയോൾ, രശ്മിക മന്ദാന, ട്രിപ്റ്റി ദിമ്രി, അനിൽ കപൂർ എന്നിവരും ആ ചിത്രത്തിൽ പ്രധാന വേഷങ്ങളിൽ അഭിനയിച്ചു. അടുത്തതായി, രൺബീർ അനിമൽ പാർക്ക്, രാമായണം, ലവ് ആൻഡ് വാർ തുടങ്ങിയ പ്രോജക്ടുകളിൽ പ്രത്യക്ഷപ്പെടാൻ ഒരുങ്ങുകയാണ്.
