പത്തനംതിട്ട: ഇ.ഡി.യെ ഇറക്കിയതും സിപിഎമ്മിന്റെ ബാങ്ക് അക്കൗണ്ട് മരവിപ്പിക്കലുമെല്ലാം തൃശൂരില് സുരേഷ്ഗോപിയെ ജയിപ്പിക്കാനുള്ള ശ്രമമെന്നും അമ്മാതിരി കളികൊണ്ട് ഒന്നും നടക്കാന് പോകുന്നില്ലെന്നും വരുന്ന ലോക്സഭാ തെരഞ്ഞെടുപ്പില് തൃശൂര് മണ്ഡലത്തില് ബിജെപി മൂന്നാം സ്ഥാനത്ത് എത്തുമെന്നും മുഖ്യമന്ത്രി പറഞ്ഞു. പാനീരില് സ്ഫോടനം നടന്ന വീട്ടിലേക്ക് ഡിവൈഎഫ്ഐ പ്രവര്ത്തകന് പോയത് അപകടത്തില് പെട്ടവരെ സഹായിക്കാന് വേണ്ടിയായിരുന്നെന്നും അതില് അസ്വാഭാവികമായി ഒന്എനുമില്ലെന്നും പറഞ്ഞു.
സിപിഎം നേതാക്കള് ആ വീട്ടില് പോയത് സാമൂഹ്യജീവിതത്തിന്റെ ഭാഗമായിട്ടാണ്. മരണവീട്ടില് പോയി ബന്ധുക്കളെ സമാശ്വസിപ്പിക്കുന്നത് നാട്ടുനടപ്പാണ്. വീട് സന്ദര്ശനത്തില് പാര്ട്ടിനേതാക്കള്ക്ക് ജാഗ്രതക്കുറവ് സംഭവിച്ചതായും പറഞ്ഞു. കേരളത്തില് ബോംബ് നിര്മ്മിക്കേണ്ട സാഹചര്യം ഇല്ലെന്നും സ്ഫോടനം സാധാരണഗതിയില് ഉണ്ടാകാന് പാടില്ലാത്തതായിരുന്നെന്ന് അദ്ദേഹം പറഞ്ഞു. കുറ്റവാളികളോട് മൃദുസമീപനം പുലര്ത്തുന്ന രീതി സിപിഎമ്മിന് ഇല്ലെന്നും പത്തനംതിട്ടയിലെ പ്രചരണ പ്രസംഗത്തില് പറഞ്ഞു. എല്ലാ മണ്ഡലങ്ങളിലും എല്ഡിഎഫ് അനുകൂല സാഹചര്യമാണ് നിലവിലുളളത്. ഇത് കോണ്ഗ്രസസിനും ബിജെപിക്കും അങ്കലാപ്പുണ്ടാക്കുന്നുണ്ടെന്നും പറഞ്ഞു.
കേരളം കടക്കെണിയില് പെട്ട സംസ്ഥാനമല്ല. കടം എടുക്കുന്ന സംസ്ഥാനങ്ങളുടെ പട്ടികയില് വിവരങ്ങള് പരിശോധിച്ചാല് കേരളം അതില് ഇല്ലെന്ന് മനസ്സിലാക്കാന് പറ്റും. കേരളത്തിന്റെ വികസനമാതൃക ലോകം അംഗീകരിച്ചതാണ്. കിഫ്ബി രഹസ്യമായി ചെയ്ത ഒരു ഏര്പ്പാടല്ല പരസ്യമായി ചെയ്തതാണ്. കിഫ്ബിയുടെ ഭാഗമായി വികസനം വരാത്ത ഒരിടവും കേരളത്തിലില്ല. തോമസ് ഐസക് ഒറ്റയ്ക്ക് എടുത്ത കാര്യമല്ല. കിഫ്ബി ബോര്ഡാണ് തീരുമാനം എടുത്തത്. നാടിന്റെ വികസനത്തിന്റെ പര്യായമാണ് കിഫ്ബി. അവിടെ ഒന്നും രഹസ്യമില്ലെന്നും പറഞ്ഞു. അന്വേഷണ ഏജന്സിയെ ഇറക്കി വിരട്ടാനാണ് കേന്ദ്രത്തിന്റെ തീരുമാനം. പക്ഷേ അത് കേരളത്തില് വിലപ്പോകില്ലെന്നും മുഖ്യമന്ത്രി പറഞ്ഞു.
