ആരാധകര്ക്കേറെ ഇഷ്ടപ്പെട്ട നടിയാണ് സനുഷ സന്തോഷ്. ബാലതാരമായി വന്ന് നായികയായി വളര്ന്ന നടി. പക്ഷേ ഇപ്പോള് കുറച്ചു കാലമായി സിനിമകളൊന്നും കാണുന്നില്ല. സോഷ്യല് മീഡിയയില് നിന്നും ഇടയ്ക്ക് ഒരു ബ്രേക്ക് എടുത്തിരുന്നു. ചെറിയ ഒരിടവേളയ്ക്ക് ശേഷം സനുഷയുടെ പുതിയ വീഡിയോയും ഫോട്ടോകളും ഇന്സ്റ്റഗ്രാമില് വൈറലായിരിക്കുകയാണ്.
ലണ്ടനില് നിന്നുളള ഏതാനും ചിത്രങ്ങളും വീഡിയോയും ആണ് സനുഷ പങ്കുവെച്ചിരിക്കുന്നത്. ദൈവം വേദനയെ സമാധാനമാക്കി മാറ്റുമമ്പാള് തിളക്കം വ്യത്യസ്തമാണ് എന്ന ക്യാപ്ഷനോടെ പങ്കുവെച്ച ഫോട്ടോയില് യുടെ ലൈഫ് എന്ന ഹാഷ് ടാഗ് ആണ് കൊടുത്തിരിക്കുന്നത്.
ഇപ്പോള് യുകെയില് ആണോ അവിടെ പഠിക്കുകയാണോ, ജോലി ചെയ്യുകയാണോ എന്നൊക്കെ ചോദിച്ചുകൊണ്ട് ഒരുപാട് കമന്റുകള് വരുന്നുണ്ട്. ആള് ആകെ മാറിപ്പോയല്ലോ എന്നാണ് മറ്റു ചില കമന്റുകള്. കണ്ടാല് തിരിച്ചറിയാന് കഴിയാത്ത വിധം സനുഷയ്ക്ക് മാറ്റം സംഭവിച്ചിരിക്കുന്നു എന്നും ചിലര് പറയുന്നു.
ലണ്ടനിലെ ഇപ്പോഴത്തെ കലാവസ്ഥയില് നടക്കുന്ന ഒരു വീഡിയോയും സനുഷ പങ്കുവെച്ചിട്ടുണ്ട്. നാട് എവിടെയായാലും പട്ടി ഷോയ്ക്ക് ഒരു കുറവും ഇല്ല. പ്രിയപ്പെട്ട യുടെ , കാലാവസ്ഥയോടുളള നിങ്ങളുടെ കോപം എത്ര തന്നെ തുടര്ന്നാലും ഞമ്മളെ തോല്പിക്കാന് ആവില്ല മക്കളെ എന്ന് തണുത്തുവിറച്ച ലെ ഞാന് എന്നാണ് സനുഷ വീഡിയോയില് പറയുന്നത്. വീഡിയോയില് കുത്തി നടക്കുന്ന കുട തന്റേത് അല്ല എന്നും നടി വ്യക്തമാക്കുന്നുണ്ട്.
കല്ലുകൊണ്ടൊരു പെണ്ണ് എന്ന ചിത്രത്തിലൂടെ ബാലതാരമായി വന്നതാണ് സനുഷ. ദാദാ സാഹിബ്, കരുമാടിക്കുട്ടന്, സായിവാര് തിരുമേനി, മേഘമല്ഹാര്, മീശ മാധവന്, വാര് ആന്റ് ലവ്, കാഴ്ച തുടങ്ങി നിരവധി സിനിമകളില് ബാലതാരമായി അഭിനയിച്ച് അംഗീകാരവും പുരസ്കാരവും നേടി. തമിഴിലും മലയാളത്തിലും സനുഷ സജീവമായിരുന്നു.
മിസ്റ്റര് മരുമകന് എന്ന ചിത്രത്തിലൂടെയാണ് നായികയായുള്ള അരങ്ങേറ്റം. തുടര്ന്ന് സക്കറിയയുടെ ഗര്ഭിണികള് പോലുള്ള സിനിമകളില് ഗംഭീര അഭിനയം കാഴ്ചവച്ചുവെങ്കിലും സനുഷ സന്തോഷ് എന്ന അഭിനേത്രിയ്ക്ക് അര്ഹിയ്ക്കുന്ന പരിഗണന സിനിമയില് ലഭിച്ചില്ല. ജലധാര പമ്പ്സെറ്റ് സിന്സ് 1962 എന്ന ചിത്രമാണ് ഏറ്റവുമൊടുവില് റിലീസായത്.
