സുകുമാരന് എന്ന അതുല്യ കലാകാരന് നിർമാല്യത്തിൽ തുടങ്ങി മലയാള സിനിമയിൽ ഒട്ടേറെ മികച്ച റോളുകൾ സമ്മാനിച്ചാണ് ചുരുങ്ങിയ കാലത്തിനുള്ളിൽ കാലയവനികയ്ക്കുള്ളിൽ മറഞ്ഞത്. സുകുമാരന്റെ കുടുംബം പ്രേക്ഷകര് ഏറെ സ്നേഹിക്കുന്ന ഒരു താരകുടുംബമാണ്. താരത്തിന്റെ കുടുംബം മുഴുവന് ഒന്നല്ലെങ്കില് മറ്റൊരു തരത്തില് വെള്ളിത്തിരയുമായി ബന്ധപ്പെട്ടു നില്ക്കുന്നവരാണ്. ഭാര്യ മല്ലിക സുകുമാരനും മക്കളായ ഇന്ദ്രജിത്ത് സുകുമാരനും പൃഥ്വിരാജ് സുകുമാരനും അഭിനയത്തില് തിളങ്ങി നില്ക്കുന്ന താരങ്ങളാണ്. മരുമക്കളായ പൂര്ണ്ണിമ ഡിസൈനിംഗ് മേഖലയ്ക്കൊപ്പം അഭിനയത്തിലും സജീവമാണ്, സുപ്രിയയാണെങ്കില് സിനിമാ നിര്മ്മാണവുമായി ബന്ധപ്പെട്ടുള്ള തിരക്കിലുമാണ്. മല്ലിക സുകുമാരന് വര്ഷങ്ങളായി വെള്ളിത്തിരയില് നിറഞ്ഞു നില്ക്കുന്ന താരമാണ്. ഇവരുടെ കുടുംബത്തിലെ എല്ലാ വിശേഷങ്ങളും അഭിമുഖങ്ങളും വലിയ രീതിയില് തരംഗമായി മാറാറുണ്ട്.
ഇപ്പോഴിതാ ഒരു അഭിമുഖത്തിനിടെ പൂര്ണ്ണിമ പറഞ്ഞ വാക്കുകളാണ് സോഷ്യല് മീഡിയ ഏറ്റെടുക്കുന്നത്. എന്ത് ഉത്തരമാണ് നിങ്ങള് കേള്ക്കാനാഗ്രഹിക്കുന്നത് എന്നാണ് പൂര്ണ്ണിമ ചോദിക്കുന്നത്. മല്ലിക സുകുമാരന്റെ മുന്പത്തെ ഒരു അഭിമുഖം കാണിച്ചാണ് പൂര്ണ്ണിമയോട് അവതാരക ചോദ്യം ചോദിക്കുന്നത്. ആ അഭിമുഖത്തില് പൂര്ണ്ണിമയുടേയും സുപ്രിയയുടേയും ചിത്രം കാട്ടി ഏതു മരുമകളോടാണ് അമ്മായിയമ്മപ്പോരു നടത്തുന്നത് എന്ന് അവതാരക മല്ലികയോട് ചോദിക്കുന്നതിന്റെ വീഡിയോയാണ് പൂര്ണ്ണിമയെ കാണിക്കുന്നത്. അതിന് മല്ലിക പറയുന്ന മറുപടിയും നിറഞ്ഞ ചിരിയോടെ പൂര്ണ്ണിമ കേള്ക്കുന്നുണ്ട്. എല്ലാം കണ്ട ശേഷം ഇതിനെക്കുറിച്ച് എന്താണ് പറയാനുള്ളത് എന്നായി അവതാരക. അതിനുള്ള തഗ്ഗ് മറുപടിയാണ് പൂര്ണ്ണിമ നല്കുന്നത്.
‘‘എന്താണ്, എന്ത് അറിഞ്ഞാലാണ് നിങ്ങള്ക്ക് സന്തോഷമാവുക. എനിക്കതാണ് അറിയേണ്ടത്. ഏതു ഉത്തരം കിട്ടിയാലാണ് നിങ്ങള്ക്ക് സന്തോഷമാകുന്നത്. അല്ലെങ്കില് എന്താണ് നിങ്ങള് കേള്ക്കാനാഗ്രഹിക്കുന്നത്....’’ പൂര്ണ്ണിമ ചോദിക്കുന്നു.
‘‘ചേച്ചിക്ക് ഇതു കേട്ടിട്ട് എന്താണ് തോന്നുന്നത് ?’’ എന്നായി അവതാരക. ‘‘എനിക്ക് നിങ്ങളോടാണ് ചോദിക്കാനുള്ളത്. എന്ത് ഉത്തരം കിട്ടാനാണ് നിങ്ങള് ആഗ്രഹിക്കുന്നത്. അതറിഞ്ഞിട്ട് ഉത്തരം തരാമല്ലോ എന്ന് വച്ചിട്ടാണ് ചോദിക്കുന്നത്. എന്ത് ഉത്തരം കേട്ടാലാണ് നിങ്ങള്ക്ക് കൂടുതല് സന്തോഷമാകുന്നത് ?...’’ പൂര്ണ്ണിമ ചോദിച്ചു.
‘സത്യം പറയാമല്ലോ എനിക്ക് അറിയില്ല, ഞാന് ഈ ചോദ്യത്തിന്റെ ആളല്ല’ എന്ന് പറഞ്ഞാണ് അവതാരക തടിതപ്പുന്നത്. ഈ വീഡിയോ സോഷ്യല് മീഡിയയില് വൈറലാണ്. കുറിക്കു കൊള്ളുന്ന മറുപടിയാണ് പൂര്ണ്ണിമ കൊടുത്തതെന്നാണ് മിക്ക ആരാധകരും കമന്റില് കുറിക്കുന്നത്.
