സോള്: ഉത്തരകൊറിയന് ഭരണാധികാരി കിം ജോങ് ഉന്നിനെതിരേ ഞെട്ടിക്കുന്ന വെളിപ്പെടുത്തലുമായി രാജ്യത്തുനിന്നു രക്ഷപ്പെട്ട യുവതി. കിം ജോങ് ഉന്നിന്റെ പ്ലഷര് സ്ക്വാഡിലേക്ക് എല്ലാ വര്ഷവും കന്യകകളായ 25 പെണ്കുട്ടികളെ തെരഞ്ഞെടുക്കാറുണ്ടെന്നു യെയോന്മി പാര്ക്ക് എന്ന യുവതി ആരോപിച്ചു. സൗന്ദര്യവും രാഷ്ട്രീയ വിധേയത്വവും അടിസ്ഥാനമാക്കിയാണ് യുവതികളെ തെരഞ്ഞെടുക്കുന്നതെന്നും യെയോന്മി പാര്ക്ക് വെളിപ്പെടുത്തിയതായി ദ മിറര് റിപ്പോര്ട്ട് ചെയ്തു.
കിമ്മിന്റെ 'പ്ലഷര് സ്ക്വാഡി'നായി പരിഗണിച്ചെന്നും എന്നാല് കുടുംബനില കാരണം തെരഞ്ഞെടുത്തില്ലെന്നും അവര് വെളിപ്പെടുത്തി. 'അവര് എല്ലാ ക്ലാസ് മുറികളും സന്ദര്ശിക്കും. സുന്ദരികളായ ആരെങ്കിലും കണ്ണില്പെടാതെ പോയോ എന്നറിയാന് സ്കൂള് മുറ്റത്തും പോകും. സുന്ദരികളായ കുറച്ചു പെണ്കുട്ടികളെ കണ്ടെത്തിയാല്, ആദ്യം അവരുടെ കുടുംബ നിലയും രാഷ്ട്രീയ നിലയും പരിശോധിക്കും. ഉത്തര കൊറിയയില് നിന്ന് രക്ഷപ്പെട്ട മറ്റു രാജ്യങ്ങളിലേക്കു പോയവരുടെ കുടു,ബാംഗങ്ങളായ പെണ്കുട്ടികളെയും ദക്ഷിണ കൊറിയയില് ബന്ധുക്കളുള്ള പെണ്കുട്ടികളെയും ഒഴിവാക്കും.
പെണ്കുട്ടികളെ തെരഞ്ഞെടുത്തു കഴിഞ്ഞാല്, അവര് കന്യകകളാണെന്ന് ഉറപ്പാക്കാന് വൈദ്യപരിശോധന നടത്തും. പരിശോധനയ്ക്കിടെ, മുറിവിന്റെ പാടുപോലെ ചെറിയ പ്രശ്നങ്ങള് കണ്ടെത്തിയാലും ഒഴിവാക്കും. കര്ശനമായ പരിശോധനകള്ക്ക് ശേഷം, രാജ്യത്തെമ്പാടുനിന്നുമായി കുറച്ചു പെണ്കുട്ടികളെ തെരഞ്ഞെടുത്ത് രാജ്യ തലസ്ഥാനമായ പ്യോങ്യാങ്ങിലേക്ക് അയയ്ക്കും.
അവിടെ അവരുടെ ഏക ചുമതല ഉത്തരകൊറിയന് ഏകാധിപതിയായ കിം ജോങ് ഉന്നിന്റെ ആഗ്രഹങ്ങള് നിറവേറ്റുക എന്നതാണ്.പ്ലഷന് സ്ക്വാഡിനെ മൂന്നു ഗ്രൂപ്പുകളായി തിരിച്ചിരിക്കുന്നു. ഒരു ഗ്രൂപ്പിന് മസാജില് പരിശീലനം നല്കും. മറ്റൊന്ന് പാട്ടുകളും നൃത്തങ്ങളും അവതരിപ്പിക്കുന്നതിനാണ്. മൂന്നാമത്തെ കൂട്ടര് ഏകാധിപതിയുമായും മറ്റ് ഉന്നതരുമായി ശാരീരിക ബന്ധത്തില് ഏര്പ്പെടണം.
ഏറ്റവും സുന്ദരികളായ കുട്ടികളെ സ്വേച്ഛാധിപതിയെ സേവിക്കാനായി തെരഞ്ഞെടുക്കും. മറ്റുള്ളവരെ താഴ്ന്ന റാങ്കിലുള്ള ജനറല്മാരെയും രാഷ്ട്രീയക്കാരെയും തൃപ്തിപ്പെടുത്താന് നിയോഗിക്കും. സ്ക്വാഡിലെ അംഗങ്ങള് ഇരുപതുകളുടെ മധ്യത്തില് എത്തിയാല് അവരുടെ കാലാവധി അവസാനിക്കും. അവരില് ചിലര് പലപ്പോഴും നേതാവിന്റെ അംഗരക്ഷകരെ വിവാഹം കഴിക്കും.'- റിപ്പോര്ട്ടില് പറയുന്നു.
1970-കളിലെ കിം ജോങ് ഉന്നിന്റെ പിതാവ് കിം ജോങ്-രണ്ടാമന്റെ കാലഘട്ടത്തിലാണ് ഈ 'പ്ലഷര് സ്ക്വാഡി'ന്റെ തുടക്കമെന്നും യെയോന്മി പാര്ക്ക് പറഞ്ഞു. ലൈംഗികബന്ധങ്ങള് തനിക്ക് 'അമരത്വം' നല്കുമെന്ന് കിം ജോങ് വിശ്വസിച്ചിരുന്നു. എന്നാല്, 2011-ല് 70-ാം വയസില് ഹൃദയാഘാതത്തെത്തുടര്ന്നായിരുന്നു കിം ജോങ്-രണ്ടാമന്റെ അന്ത്യം.
