മലയാളികളുടെ പ്രിയ നടി. ചുരുങ്ങിയ സമയം കൊണ്ട് മിനി സ്ക്രീനിൽ വ്യക്തമായ സ്ഥാനം നേടിയെടുത്ത ബോൾഡ് ആൻഡ് ബ്യൂട്ടിഫുൾ ആക്ട്രസ്സ്. ഇതൊക്കെയാണ് ലക്ഷ്മി പ്രമോദ് എന്ന നടി. സ്വന്തമായ അധ്വാനം കൊണ്ട് കരിയറിൽ തിളങ്ങി നിന്ന നടി ആരുടേയും ശുപാർശ കൊണ്ട് വളർന്നു വന്ന ഒരു താരം അല്ല. പകരം വ്യത്യസ്ത അഭിനയ ശൈലിയാണ് ലക്ഷ്മി എന്ന നടിയെ മറ്റു നടിമാരിൽ നിന്നും വ്യത്യസ്ത ആക്കിയതും.
ഇടക്കാലത്തു അൽപ്പം പ്രതിസന്ധിഘട്ടങ്ങളിൽ പെട്ടെങ്കിലും അഭിനയത്തിൽ അടുത്തിടെ സജീവമായിരുന്നു. എന്നാൽ ഇളയകുട്ടിയുടെ ജനനത്തോടെ വീണ്ടും അഭിനയമേഖലയിൽ നിന്നും വിട്ടുനിൽക്കുന്ന ലക്ഷ്മി പങ്കുവച്ച ഒരു പോസ്റ്റാണ് ഇപ്പോൾ ശ്രദ്ധേയമാകുന്നത്. മൂത്തമകളുടെ പിറന്നാൾ ദിനം ലക്ഷ്മി കുറിച്ച വാക്കുകൾ.
2017 മെയ് 12 നു ഒരു കുഞ്ഞിപ്പെണ്ണ് എന്റെ ജീവിതത്തിലേയ്ക് വന്നു. ഇന്നവൾക്ക് 7 വയസ്സായെന്ന് വിശ്വസിക്കാൻ പറ്റുന്നില്ല. കണ്ണടച്ചു തുറക്കും മുന്നേ പോയി 7 വർഷങ്ങൾ. ആൾ ഒരിത്തിരി ഹൈപ്പർ ആക്റ്റീവ് ആണ് കേട്ടോ , ഇരുപത്തിനാലു മണിക്കൂർ ഫുൾ എനർജി ആയിരിക്കും. എവിടേലും കുറച്ചു നേരം വെറുതെ ഇരിക്കുക എന്നുള്ളത് അവളുടെ ഡിക്ഷ്ണറിയിൽ ഇല്ല. അതുകൊണ്ട് തന്നെ ഒരു ദിവസം എന്റെ കെയിൽ നിന്ന് എത്ര അടിയും വഴക്കും കിട്ടും എന്ന് അറിയോ.
എത്ര അടിച്ചാലും വഴക്ക് പറഞ്ഞാലും ഒരു 10 മിനിറ്റ് കഴിയുമ്പോ ഉമ്മീന്നും വിളിച് ഓടി വരും ,സോറിയൊക്കെ യൊക്കെ പറഞ്ഞു എന്നെ സമാധാനിപ്പിക്കാൻ. അപ്പോ എനിക്കും സങ്കടം വരും അപ്പോ തന്നെ കെട്ടിപിടിച്ചു ഒരു ഉമ്മയൊക്കെ കൊടുത്തങ് സെറ്റ് ആവും ഞങ്ങൾ. ആളൊരു പഞ്ചപാവമാ, എന്നാലും ചില സമയങ്ങളിൽ നമ്മൾ ടിപ്പിക്കൽ ‘അമ്മ ആവാതെ വേറെ വഴി ഇല്ലല്ലോ.
എവിടെ കൊണ്ടിട്ടാലും അവൾ സർവൈവ് ചെയ്യും. അവസരം ഒത്തു അതിൽ പെട്ടെന്ന് അഡാപ്റ്റ് ആയിക്കോളും. അതൊരു വലിയ ക്വാളിറ്റിയാട്ടോ എന്റെ മോൾടെ. വീട്ടിലിങ്ങനെ രാജകുമാരിയായി വിലസി നടന്നപ്പോഴാ പെട്ടെന്നൊരു രാജകുമാരന്റെ എൻട്രി,
ഞങ്ങൾ 3 പേരും മാത്രമായിരുന്ന ലോകത്തേയ്ക് ഒരു പുതിയ അഥിതി കൂടി എത്തിയപ്പോഴും, അവൾ ഞങ്ങളെ ഞെട്ടിച്ചു. ഇപ്പോ ഞങ്ങളെക്കാളും കൂടുതൽ മോനെ കെയർ ചെയുന്നത്ദുവാമ്മിയ . അതങ്ങനെ തന്നെ ജീവിതാവസാനം വരെ പോട്ടെ. ഇന്നെന്റെ കുഞ്ഞാവ അവൾടെ ലൈഫിൽ പുതിയ ഒരു ഫേസ് എക്സ്പ്ലോർ ചെയ്തോണ്ടിരിക്കുന്നു. അത് എന്താണെന്നൊക്കെ ഉടനെ ഞാൻ നിങ്ങളോട് പറയാട്ടോ . എല്ലാരുടെയും പ്രാർത്ഥനയും സ്നേഹവും അവൾക്കുണ്ടാകണം.ഉമ്മീടെയും വാപിയിടെയും രാജകുമാരിയ്ക്ക് ഒരായിരം പിറന്നാൾ ആശംസകൾ- ലക്ഷ്മി കുറിച്ചു.
