മലയാളത്തിലൂടെയാണ് വെള്ളിത്തിരയില് അരങ്ങേറ്റം കുറിച്ചതെങ്കിലും മലയാളത്തില് മാത്രമല്ല തെന്നിന്ത്യയിലും ഒരുപാട് ആരാധകരുള്ള താരമാണ് ഭാവന. തെന്നിന്ത്യന് സിനിമ ലോകത്ത് തന്റേതായ സ്ഥാനം കണ്ടെത്തിയ താരം ഇടയ്ക്ക് മലയാളത്തില് ഒരു ഇടവേളയെടുത്തിരുന്നു. എന്നാലിപ്പോള് മലയാളത്തിലും താരത്തിന് കൈ നിറയെ ചിത്രങ്ങളുണ്ട്. തമിഴിലാണെങ്കില് അജിത്ത് ഉള്പ്പെടെയുള്ള സൂപ്പര് താരങ്ങള്ക്കൊപ്പം അഭിനയിച്ചിട്ടുണ്ട് ഭാവന. കന്നഡ സിനിമാരംഗത്തും താരം മിന്നിത്തിളങ്ങിയതാണ്. മലയാളത്തില് നിന്ന് അഞ്ച് വര്ഷത്തോളം മാറി നിന്നപ്പോഴും ഭാവന കന്നഡ സിനിമാ രംഗത്ത് സജീവമായിരുന്നു. താരം ജീവിത പങ്കാളിയാക്കിയതും കന്നഡ സിനിമാ രംഗത്തെ നിര്മാതാവായ നവീനെയാണ്.
ഇപ്പോഴിതാ ഭാവനയെക്കുറിച്ച് തമിഴ് നടന് ശ്രീകാന്ത് പറഞ്ഞ വാക്കുകളാണ് സോഷ്യല് മീഡിയയില് ശ്രദ്ധ നേടുന്നത്. ഭാവനയോടൊപ്പം ഒന്നിലേറെ സിനിമകളില് ശ്രീകാന്ത് അഭിനയിച്ചിട്ടുണ്ട്. ഒരിക്കല് ഷൂട്ടിംഗിനിടെയുണ്ടായ രസകരമായ സംഭവമാണ് ശ്രീകാന്ത് പങ്കുവെച്ചത്. ‘‘ഭാവന എന്റെ മൂക്കിന് ഇടിച്ചു. എന്റെ മൂക്കാണ് പൊട്ടിയത്. അവളാണ് ഇടിച്ചതും. പക്ഷെ കരഞ്ഞത് അവളാണ്. അടികിട്ടിയതും ചോര വന്നതും എനിക്കാണ്. എന്നാല് കണ്ണീര് മാത്രം അവള്ക്ക് വരുന്നത് എന്താണെന്ന് ഞാന് ചോദിച്ചു. ഗാന രംഗം ചെയ്യുമ്പോള് ഇടിക്കുന്ന പോലെ കാണിക്കണം. അറിയാതെ കുറച്ച് വേഗത്തില് ഇടിച്ചു. ഉടനെ മൂക്ക് പൊട്ടി. നാല് സിനിമകള് ഭാവനയ്ക്കൊപ്പം ചെയ്തിട്ടുണ്ട്. ഒരു കുട്ടിയെ പോലെയാണവള്. വളരെ ചൈല്ഡിഷാണ്...’’ ശ്രീകാന്ത് പറയുന്നു.
ഭാവന തമിഴില് അധികം സിനിമകള് ചെയ്തിട്ടില്ല. അജിത്ത് നായകനായ അസല് ആണ് ഭാവന അഭിനയിച്ച അവസാനത്തെ തമിഴ് ചിത്രം. ഡോര് എന്ന സിനിമയിലൂടെ വീണ്ടും തമിഴകത്തേക്ക് വരാനൊരുങ്ങുകയാണ് നടി. ഹൊറര് പശ്ചാത്തലത്തില് ഒരുങ്ങുന്ന സിനിമ സംവിധാനം ചെയ്യുന്നത് ഭാവനയുടെ സഹോദരന് ജയ്ദേവാണ് ഈ ചിത്രം സംവിധാനം ചെയ്യുന്നത്.
ന്റിക്കാക്കാക്കൊരു പ്രേമണ്ടാര്ന്ന് എന്ന സിനിമയിലൂടെയാണ് ഭാവന മലയാളത്തിലേക്ക് തിരിച്ചെത്തിയത്. തിരിച്ച് വരവിലും വലിയ സ്വീകാര്യത ഭാവനയ്ക്ക് ലഭിച്ചു. ടൊവിനോ തോമസ് നായകനായി എത്തിയ ജീന് പോള് ലാലിന്റെ സംവിധാനത്തില് പിറന്ന ‘നടികര്’ ആണ് ഭാവനയുടെ റിലീസ് ചെയ്ത അവസാന മലയാള ചിത്രം. താരത്തിന്റെ ഒന്നിലേറെ സിനിമകള് അണിയറയില് ഒരുങ്ങുന്നുണ്ട്.
