മലയാള സിനിമയിലെ യുവ താരനിരയിൽ ശ്രദ്ധേയനായ താരമാണ് നടൻ ഇന്ദ്രജിത്ത് സുകുമാരൻ. അച്ഛന്റെയും അമ്മയുടെയും പാതയിൽ സിനിമയിലേക്ക് എത്തിയ ഇന്ദ്രജിത്തും അനിയൻ പൃഥ്വിരാജ് സുകുമാരനും മലയാള സിനിമ അടക്കി വാഴുന്ന യുവ താരങ്ങളായി മാറിയത് വളരെ പെട്ടെന്നാണ്. ഏറെ ആരാധകരുള്ള പ്രിയ താരവും കുടുംബവും മലയാളികൾക്ക് എന്നും പ്രിയപ്പെട്ടവരാണ്. സോഷ്യൽ മീഡിയയിൽ സജീവമായ ഇന്ദ്രജിത്ത് എല്ലാ വിശേഷങ്ങളും ആരാധകർക്കായി പങ്കുവയ്ക്കാറുണ്ട്.
ഇപ്പോഴിതാ ഇന്ദ്രജിത്ത് പങ്കുവച്ചിരിക്കുന്ന ഒരു പുതിയ പോസ്റ്റാണ് ശ്രദ്ധിക്കപ്പെടുന്നത്. ‘ശക്തമായ മഴയയിൽ ആകാശത്തുനിന്ന് തങ്കക്കുടം വീണുകിട്ടി’ എന്ന തലക്കെട്ടോടെയുള്ള പത്രകുറിപ്പാണ് താരം തന്റെ സോഷ്യൽ മീഡിയയിലൂടെ പങ്കുവച്ചത്. സ്വർണ നിറത്തിലുള്ള കുടത്തിന്റെ ചിത്രവും പത്രകുറിപ്പിലുണ്ട്.
‘‘ഓർക്കാട്ടേരി: കാലാവസ്ഥ വ്യതിയാനം മൂലം ഇന്നലെ ഉണ്ടായ ശക്തമായ കാറ്റിലും മഴയിലുമാണ് ഓർക്കാട്ടേരിയിലേക്ക് സ്വർണ നിറത്തിലുള്ള ഒരു കുടം വീണു കിട്ടിയത്. എവിടെ നിന്നാണ് ഇത് വന്നത് എന്ന് ഇതുവരെ കണ്ടെത്താൻ ആയിട്ടില്ല. സ്ഫോടക വസ്തു അല്ല എന്ന് ബോംബ് സ്ക്വഡ് സ്ഥിരീകരിച്ചതിനു പിന്നാലെയാണ് പുരാവസ്തുവകുപ്പ് കുടം പരിശോധിച്ച് നൂറ്റാണ്ടുകൾ പഴക്കമുള്ള ഒരു കുടമാണ് ഇത് എന്ന് കണ്ടെത്തിയത്.
ഈ വാർത്ത അറിഞ്ഞ ജനങ്ങൾ ആകെ പരിഭ്രാന്തിയിലാണ്.
അന്വേഷണത്തിന്റെ ഭാഗമായി നാളെ വൈകുന്നേരം 6 മണിക്കുള്ളിൽ ഉടമസ്ഥർ കുടം തങ്ങളുടേതാണ് എന്ന് തെളിയിക്കുന്ന മതിയായ രേഖകളോടെ ഓർക്കാട്ടേരി പോലീസ് സ്റ്റേഷനിൽ എത്തേണ്ടതാണ്. ഇല്ലാത്തപക്ഷം പുരാവസ്തുവകുപ്പ് കുടത്തിന്റെ മൂല്യം നിശ്ചയിച്ച് സർക്കാരിലേക്ക് കണ്ടുകെട്ടുന്നത് ആയിരിക്കും...ഈ തങ്കകുടത്തിന്റെ ഉടമസ്ഥർ നാളെ വൈകിട്ട് 6 മണിക്കുള്ളിൽ എത്തുമെന്ന് പ്രതീക്ഷിക്കുന്നു...’’ എന്നാണ് ഇന്ദ്രജിത്ത് ക്യാപ്ഷനിൽ എഴുതിയിരിക്കുന്നത്. സ്വർണ നിറത്തിലുള്ള കുടത്തിന്റെ ചിത്രവും പത്രകുറിപ്പിലുണ്ട്.
അപ്രതീക്ഷിതമായി താരങ്ങളുടെ പോസ്റ്റിൽ വിചിത്രമായ പത്രവാർത്ത കണ്ട കൗതുകത്തിലാണ് ആരാധകർ. ഈ പത്രക്കുറിപ്പിന്റെ ചിത്രം സോഷ്യല് മീഡിയയില് വൈറലാകുകയാണ്.
എന്താണ് ഇങ്ങിനെ ഒരു വർത്തയെന്നു ആരാധകരിൽ അധികം ആളുകൾക്കും ഇതുവരെ മനസിലായിട്ടില്ല. അതുകൊണ്ട് തന്നെ പല തരത്തിലുള്ള സംശയങ്ങൾ ആണ് ആരാധകർ കമറന്റുകളിലൂടെ ചോദിക്കുന്നത്. ‘അടുത്ത സിനിമയുടെ പ്രൊമോഷൻ ആയിരിക്കും അല്ലെ, ഓർക്കാട്ടേരി പോലീസ് സ്റ്റേഷൻ ഇല്ലാലോ, എന്തായാലും നാളെ 6 മണി വരെ കാത്തിരിക്കാം, ഏതോ പുതിയ സിനിമയുടെ പ്രൊമോഷൻ ആണെന്ന് മനസിലായി, കൂടുതൽ ഡീറ്റെയിൽസ് പറയാമായിരുന്നു. ഇതിപ്പോൾ എന്ത് വിശ്വസിക്കും‘ എന്നൊക്കെയാണ് ആരാധകരിൽ പലരും ചോദിച്ചത്. വളരെ പെട്ടെന്ന് ഇന്ദ്രജിത്തിന്റെ പോസ്റ്റ് ശ്രദ്ധിക്കപ്പെടുകയാണ്.
