കാസര്ഗോഡ് : തൃക്കരിപ്പൂര് ഇ കെ നായനാര് പോളിടെക്നിക് കോളേജിന്റെ് ഹോസ്റ്റല് മുറിയില് വിദ്യാര്ത്ഥിയെ തൂങ്ങി മരിച്ച നിലയില് കണ്ടെത്തി. കാസര്ഗോഡ് ഭീമനടി സ്വദേശി അഭിജിത്ത് ഗംഗാധരനാണ് മരിച്ചത്. പോലീസ് സ്ഥലത്തെത്തി ഇൻക്വസ്റ്റ് നടപടികൾക്ക് ശേഷം മൃതദേഹം ആശുപത്രിയിലേക്ക് മാറ്റും. സംഭവത്തിൽ വിശദമായ അന്വേഷണം നടത്തുമെന്ന് പോലീസ് അറിയിച്ചു
കോളേജിലെ ഒന്നാം വര്ഷ കമ്പ്യൂട്ടര് സയൻസ് വിദ്യാര്ത്ഥിയായിരുന്നു അഭിജിത്ത്. ഒന്നാം വര്ഷ പരീക്ഷ നടന്നുകൊണ്ടിരിക്കുന്ന സമയമാണ്.അഭിജിത്തിന്റെ കൈവശം മറ്റൊരു വിദ്യാര്ത്ഥിയുടെ ഹോൾ ടിക്കറ്റ് ഉണ്ടായിരുന്നു. ഇന്ന് രാവിലെ ഈ ഹോൾ ടിക്കറ്റ് വാങ്ങാനായി വിദ്യാര്ത്ഥി ഹോസ്റ്റൽ മുറിയിലെത്തിയത്.
എന്നാൽ വാതിലിൽ കുറേ നേരം തട്ടിവിളിച്ചിട്ടും അഭിജിത്ത് തുറന്നില്ല. ഇതോടെ മൊബൈലിൽ വിളിച്ചു നോക്കി. ഫോൺ സ്വിച്ച് ഓഫ് ചെയ്ത നിലയിലായിരുന്നു. വിദ്യാര്ത്ഥികൾ മുറിയുടെ ജനൽ തുറന്ന് നോക്കിയപ്പോൾ ഫാനിൽ തൂങ്ങിനിൽക്കുന്ന നിലയിലാണ് അഭിജിത്തിനെ കണ്ടെത്തിയത്. സംഭവം ഉടൻ തന്നെ പൊലീസിനെ അറിയിച്ചു. വിവരമറിഞ്ഞ് നാട്ടുകാരും കോളേജിലെത്തി.
