ബോളിവുഡിലെ വിവാദ താരമാണ് നടി രാഖി സാവന്ത്. സിനിമകളിൽ ചെറിയ വേഷങ്ങളിലൂടെയും ഡാൻസ് നമ്പറുകളിലൂടെയും പ്രേക്ഷക ശ്രദ്ധ നേടിയ രാഖി ബിഗ് ബോസ് മത്സരാർത്ഥിയായി എത്തിയ ശേഷമാണ് താരമായി മാറുന്നത്. പിന്നീട് പല വിവാദ പ്രസ്താവനകളിലൂടെയും വാർത്തകളിൽ നിറയുകയായിരുന്നു. വിവാദ പരാമർശങ്ങൾ പുറമെ അതിനാടകീയ പെരുമാറ്റങ്ങളിലൂടെയും പാപ്പരാസികൾക്കുള്ള കണ്ടന്റായി മാറാറുണ്ട് രാഖി.
കഴിഞ്ഞ കുറച്ചു ദിവസങ്ങളായി ആരോഗ്യനില വഷളായതിനെത്തുടര്ന്ന് വാർത്തകളിൽ നിറഞ്ഞിരിക്കുകയാണ് രാഖി സാവന്ത്. ഹൃദയസംബന്ധമായ തകരാറുകളും ഗർഭപാത്രത്തിൽ 10 സെൻ്റീമീറ്റർ നീളമുള്ള മുഴയും കാരണം താരത്തെ ആശുപത്രിയിൽ പ്രവേശിപ്പിച്ചിരിക്കുകയാണ്. മുൻ ഭർത്താവ് റിതേഷ് അവളുടെ അവസ്ഥയെക്കുറിച്ച് ആരാധകരെ അറിയിച്ചിരുന്നു.
ഇപ്പോഴിതാ ഒരു വോയിസ് നോട്ടിലൂടെ രാഖി തന്നെ തന്റെ അവസ്ഥ വിവരിച്ചിരിക്കുകയാണ്. ട്യൂമർ നീക്കം ചെയ്യുന്നതിനായി മെയ് 18 ന് ശസ്ത്രക്രിയ നടത്തുമെന്ന് താരം പറയുന്നുണ്. “ഞാൻ ഉടൻ സുഖം പ്രാപിക്കും. എനിക്ക് 10 സെൻ്റീമീറ്റർ ട്യൂമർ ഉണ്ട്, ശനിയാഴ്ച ശസ്ത്രക്രിയ നടത്തും. എന്റെ അവസ്ഥയെക്കുറിച്ചും ആശുപത്രിയെക്കുറിച്ചും റിതേഷ് എല്ലാവരേയും അറിയിക്കും. ശസ്ത്രക്രിയയ്ക്ക് മുമ്പ് എന്റെ രക്തസമ്മർദ്ദം പോലുള്ള കാര്യങ്ങൾ നിയന്ത്രിക്കാൻ എനിക്ക് അഡ്മിറ്റ് ചെയ്യേണ്ടി വന്നു. എല്ലാ വിശദാംശങ്ങളും എനിക്കറിയില്ല, ഡോക്ടർമാർ അവരുടെ ജോലി കൃത്യമായി ചെയ്യുന്നു. ജീവിതത്തിൽ ഒരുപാട് വെല്ലുവിളികൾ നേരിട്ട ഞാൻ ഓപ്പറേഷൻ തിയേറ്ററിലും പോരാടും. അമ്മയുടെ അനുഗ്രഹം ഉള്ളതിനാൽ എനിക്ക് ഒന്നും സംഭവിക്കില്ലെന്ന് ഞാൻ വിശ്വസിക്കുന്നു. ഞാൻ ഒരു പോരാളിയാണ്, ഞാൻ തിരിച്ചുവരും. ഇത് ഒരു ചെറിയ ട്യൂമർ മാത്രമാണ്, അത് നീക്കം ചെയ്യപ്പെടും. ഞാൻ മടങ്ങിവരും....’’ കരഞ്ഞു കൊണ്ടാണ് രാഖിയിത് പറയുന്നത്.
ട്യൂമർ കണ്ടെത്തിയതെങ്ങനെയെന്നും അവൾ അനുസ്മരിച്ചു. “എനിക്ക് ട്യൂമറിനെ കുറിച്ച് അറിയില്ലായിരുന്നു. ഞാൻ നൃത്തം ചെയ്തു, തുടർന്ന് വീട്ടിൽ ബോധരഹിതനായി. റിതേഷ് ജി എന്നെ ആശുപത്രിയിലേക്ക് കൊണ്ടുപോയി, പരിശോധനകൾക്ക് ശേഷം അവർ ട്യൂമർ കണ്ടെത്തി. എന്നാൽ എല്ലാവരേയും രസിപ്പിക്കാൻ ഞാൻ മടങ്ങിവരുമെന്ന് എനിക്കറിയാം... ” വിശദാംശങ്ങൾ വെളിപ്പെടുത്തുന്നതിനിടയിൽ താരം പൊട്ടിക്കരഞ്ഞു.
താരത്തിന്റെ വോയിസ് നോട്ടും ഇപ്പോഴത്തെ അവസ്ഥയും അറിഞ്ഞ് ആരാധകരും പ്രേക്ഷകരുമെല്ലാം സാന്ത്വനങ്ങളും ധൈര്യവും പ്രാര്ത്ഥനയുമൊക്കെ കമന്റുകളിലൂടെ നല്കുന്നുണ്ട്. എന്നാല് കുപ്രസിദ്ധ വീഡിയോ ചോർന്ന കേസിൽ ജയിലിൽ പോകുന്നതിൽ നിന്ന് രക്ഷപ്പെടാൻ നടി ഒരു നാടകം സൃഷ്ടിക്കുകയാണെന്ന് രാഖി സാവന്തിന്റെ മറ്റൊരു മുൻ ഭർത്താവ് ആദിൽ ഖാൻ ദുറാനി പറഞ്ഞിട്ടുണ്ട്.
