ഡല്ഹി മുഖ്യമന്ത്രി അരവിന്ദ് കെജ് രിവാളിന്റെ വീട്ടില് ഫൊറന്സിക് സംഘം പരിശോധനയ്ക്കെത്തി. സ്വാതി മലിവാളിന്റെ ആരോപണത്തിന് പിന്നാലെയാണ് പരിശോധനയ്ക്കായി എത്തിയത്. ലീവിംഗ് റൂമില് നിന്ന് സിസിടിവി ദൃശ്യങ്ങള് ശേഖരിക്കുന്നതിനൊപ്പം അരവിന്ദ് കെജ്രിവാളിന്റെ സുരക്ഷ ഉദ്യോഗസ്ഥരുമായി സംസാരിക്കുകയും ചെയ്തിരുന്നു.
കേജ്രിവാളിനെ സന്ദര്ശിക്കാന് വീട്ടിലെത്തിയ സമയത്ത് അതിക്രമം നേരിട്ടുവെന്ന സ്വാതിയുടെ പരാതിയിലാണ് നടപടി. കെജ്രിവാളിനെ സന്ദര്ശിക്കാന് വസതിയിലെത്തിയ സ്വാതി മലിവാളിനെ അദ്ദേഹത്തിന്റെ പഴ്സനല് അസിസ്റ്റന്റ് ബൈഭവ് കുമാര് കയ്യേറ്റം ചെയ്തെന്നാണ് ആക്ഷേപം. ഡല്ഹി പൊലീസിന്റെ ഒരു സംഘം സ്വാതിയുടെ വസതിയിലെത്തി മൊഴിയെടുത്തിരുന്നു. സംഭവത്തില് ബൈഭവ് കുമാറിനെതിരെ കേസെടുത്തിരുന്നു.
