കുട്ടികള് എല്ലാവരും വേനലവധി ആഘോഷമാക്കുകയാണ്. ഇതിനിടയില് സ്കൂള് പരീക്ഷകളുടെ ഫലപ്രഖ്യാപനവും തുടങ്ങിക്കഴിഞ്ഞു. ഇതിനിടയിലാണ് സോഷ്യല് മീഡിയയില് ഒരു ഉത്തരക്കടലാസിന്റെ രസകരമായ വീഡിയോ പങ്കുവയക്കപ്പെട്ടത്. നിമിഷ നേരങ്ങള്ക്കൊണ്ട് വീഡിയോ വൈറലാവുകയും ചെയ്തു. ചോദ്യത്തിന് കുട്ടി തെറ്റ് ഉത്തരമെഴുതിയിട്ടും അത് അധ്യാപികയെ ചിരിപ്പിക്കുകയും അഞ്ച് മാര്ക്ക് നല്കാന് പ്രേരിപ്പിക്കുകയുമായിരുന്നു.
@n2154j എന്ന ഇന്സ്റ്റഗ്രാം അക്കൗണ്ടാണ് ഉത്തരക്കടലാസിന്റെ വീഡിയോ പങ്കുവച്ചത്. ഉത്തരക്കടലാസില് ' എന്താണ് സംയുക്ത വ്യഞ്ജാനക്ഷരം? ' എന്താണ് ഭൂതകാലത്തെ സൂചിപ്പിക്കാന് വിളിക്കുന്നത്'? എന്തിനെയാണ് ബഹുവചനം എന്ന് വിളിക്കുന്നത്? എന്നിങ്ങനെയുള്ള ചോദ്യങ്ങളായിരുന്നു ഉണ്ടായിരുന്നത്. ചോദ്യങ്ങളില് നിന്ന് ഹിന്ദി ഭാഷാ പരീക്ഷയാണെന്ന് വ്യക്തം. കുട്ടിയുടെ ഉത്തരം പക്ഷേ അധ്യാപികയെ പോലെ കാഴ്ചക്കാരെയും അത്ഭുതപ്പെടുത്തി. ' മാതാര് പനീറും എല്ലാ മിശ്രിത പച്ചക്കറികളും സംയോജിത വിഭവങ്ങളാമ് എന്ന് ചോദ്യത്തിനും ' ഭൂതകാലത്തിന്റെ രൂപത്തില് വരുമ്പോള് അതിനെ ഭൂതകാലം എന്ന് വിളിക്കുന്നു.' എന്ന് രണ്ടാമത്തെ ചോദ്യത്തിനും ' അമ്മായിമ്മയുടെ വാക്കുകള് അതിനെ ഭൂതകാലം എന്ന് വിളിക്കുന്നു.' എന്ന് മൂന്നാമത്തെ ചോദ്യത്തിനും കുട്ടി ഉത്തരമെഴുതി.
കുട്ടി എഴുതിയ ഉത്തരങ്ങള് എല്ലാം തെറ്റായിരുന്നു, എങ്കിലും പരീക്ഷാ പേപ്പറിന്റെ ഏറ്റവും ഒടുവിലായി പത്തില് അഞ്ച് മാര്ക്ക് നല്കിയ അധ്യാപകന് ഇങ്ങനെ എഴുതി, ' ഈ സംഖ്യ നിന്റെ ബുദ്ധിക്കുള്ളതാണ് മകനെ' എന്ന്. ബുദ്ധിമാനായ കുട്ടി എന്ന കുറിപ്പോടെയാണ് വീഡിയോ പങ്കുവയ്ക്കപ്പെട്ടത്. വീഡിയോ കണ്ട് നിരവധി പേര് ചിരിയുടെ ഇമോജികള് കമന്റ് ബോക്സില് നിറച്ചു. ചിലര് കുട്ടിക്ക് പത്തില് പത്ത് നല്കണമെന്ന് ആവശ്യപ്പെട്ട് രംഗത്തെത്തി. അതേസമയം ഉത്തരക്കടലാസ് എവിടെ, ഏത് സ്കൂളില് നിന്നുള്ളതാണെന്ന് വീഡിയോയില് പറയുന്നില്ല.
