ശിക്ഷിക്കപ്പെടുന്ന ആദ്യ പ്രസിഡന്റായി ഡൊണാള്ഡ് ട്രംപ്. 2016 ലെ തിരഞ്ഞെടുപ്പിന് മുന്നോടിയായി ഒരു പോണ്താരത്തെ നിശബ്ദമാക്കാന് പണം വാഗ്ദാനം ചെയ്ത് വ്യാജരേഖകള് ചമച്ചതിന് ന്യൂയോര്ക്ക് ജൂറി കുറ്റക്കാരനാണെന്ന് വ്യാഴാഴ്ച കണ്ടെത്തി. ട്രംപ് നേരിട്ട 34 കേസുകളിലും കുറ്റക്കാരനാണെന്ന് കണ്ടെത്തിയതായി 12 അംഗ ജൂറി പ്രഖ്യാപിച്ചതായി വാര്ത്താ ഏജന്സി റോയിട്ടേഴ്സ് റിപ്പോര്ട്ട് ചെയ്തു.
റിപ്പബ്ലിക്കന് ദേശീയ കണ്വെന്ഷന് ജൂലൈ 15 ന് ട്രംപിനെ പ്രസിഡന്റ് സ്ഥാനത്തേക്ക് ഔദ്യോഗികമായി നാമനിര്ദ്ദേശം ചെയ്യാനിരിക്കെയാണ് ജസ്റ്റിസ് ജുവാന് മെര്ച്ചന് ജൂലൈ 11 ന് ശിക്ഷ വിധിച്ചത്. റിപ്പബ്ലിക്കന് സ്ഥാനാര്ത്ഥിയായ ട്രംപ്, ഡെമോക്രാറ്റിക് പ്രസിഡന്റ് ജോ ബൈഡനില് നിന്ന് വൈറ്റ് ഹൗസ് തിരിച്ചുപിടിക്കാന് ശ്രമം നടത്തിക്കൊണ്ടിരിക്കുമ്പോള് കോടതി വിധി തിരിച്ചടിയാകും. കേസില് അയാള്ക്ക് പരമാവധി നാല് വര്ഷത്തെ തടവ് ശിക്ഷ ലഭിച്ചേക്കും. ജയില്വാസം പക്ഷേ പ്രചാരണത്തില് നിന്ന് ട്രംപിനെ തടയില്ലെങ്കിലും വിജയിച്ചാല് അധികാരം ഏറ്റെടുക്കാനാകില്ല. അമതസമയം 77 കാരനായ ട്രംപ് തെറ്റ് നിഷേധിച്ചു, അപ്പീല് നല്കുമെന്ന് കരുതുന്നു.
നവംബര് 5 നാണ് അമേരിക്കന് പ്രസിഡന്റ് തെരഞ്ഞെടുപ്പ്. അഭിപ്രായ വോട്ടെടുപ്പുകള് കാണിക്കുന്നത് ട്രംപും ബൈഡനും (81) കടുത്ത മത്സരം നടക്കുമെന്നാണ്. എന്നല് കുറ്റവാളിയായുള്ള കോടതിവിധി ട്രംപിന് സ്വതന്ത്രരും റിപ്പബ്ലിക്കന് വോട്ടര്മാരില് നിന്നും കുറച്ച് പിന്തുണ നഷ്ടപ്പെടുത്തുമെന്ന് റോയിട്ടേഴ്സ്/ഇപ്സോസ് പോളിംഗ് കണ്ടെത്തി. ഒരു സ്ത്രീയെ തന്റെ വൈസ് പ്രസിഡന്റ് സ്ഥാനാര്ത്ഥിയായി തിരഞ്ഞെടുക്കുന്നതിനെക്കുറിച്ചുള്ള ചര്ച്ചകള് ശക്തമാക്കാന് ഈ വിധി അദ്ദേഹത്തെ പ്രേരിപ്പിക്കുമെന്നാണ് കരുതുന്നത്.
2006ല് തന്റെ ഇപ്പോഴത്തെ ഭാര്യ മെലാനിയയെ വിവാഹം കഴിച്ചപ്പോള് ട്രംപുമായി ലൈംഗിക ബന്ധത്തില് ഏര്പ്പെട്ടതായി നീലച്ചിത്രനടി സ്റ്റോമി ഡാനിയല്സിന്റെ വ്യക്തമായ സാക്ഷ്യപത്രം ഉള്പ്പെടുത്തിയ ആറ് ആഴ്ചത്തെ വിചാരണയ്ക്ക് ശേഷം ബിസിനസ് രേഖകളില് കൃത്രിമം കാണിച്ചതിന് ട്രംപ് കുറ്റക്കാരനാണെന്ന് ജൂറി കണ്ടെത്തി. ഡാനിയലുമായി ലൈംഗിക ബന്ധത്തില് ഏര്പ്പെട്ടിട്ടില്ലെന്ന് ട്രംപ് പറഞ്ഞു.
