അധികം സിനിമകളില് അഭിനയിച്ചിട്ടില്ലെങ്കിലും മലയാളി പ്രേക്ഷകര്ക്ക് ഏറെ പരിചിതമായ മുഖമാണ് ഹന്ന റെജി കോശിയുടെത്. ‘കൂമന്’ എന്ന സിനിമയിലെ താരത്തിന്റെ പ്രകടനം ഏറെ ശ്രദ്ധ നേടിയിരുന്നു. മോഡലിംഗില് സജീവമായ ഹന്ന 2016ല് ‘ഡാര്വിന്റെ പരിണാമം’ എന്ന ചിത്രത്തിലൂടെയാണ് സിനിമയില് എത്തിയത്.
മമ്മൂട്ടിയുടെ സഹോദരി പുത്രൻ അഷ്കർ സൗദാനു പരിചയപ്പെടുത്തലുകളുടെ ആവിശ്യമൊന്നുമില്ല.ഇവർ രണ്ടു പേരും കേന്ദ്ര കഥാപാത്രങ്ങളായി എത്തുന്ന സിനിമയാണ് ടിഎസ് സുരേഷ് ബാബു സംവിധാനം ചെയ്ത ഏറ്റവും പുതിയ ചിത്രമാണ് ഡിഎൻഎ.
ഇപ്പോഴിതാ തന്റെ ഏറ്റവും പുതിയ സിനിമയായ ഡി എൻ എ യുടെ പ്രൊമോഷനിടെ കാസ്റ്റിംഗ് കൗച്ചിനെക്കുറിച്ച് താരങ്ങൾ പറയുന്ന കാര്യങ്ങളാണ് സോഷ്യൽ മീഡിയ ഏറ്റെടുക്കുന്നത്.
"ഇവിടെ നിന്നല്ല അന്യ ഭാഷയിൽ നിന്നൊക്കെ അങ്ങനെയൊരു നിലപാട് വന്നിട്ടുണ്ട്. സിനിമയുടേതായ ചില വിട്ടു വീഴ്ചകൾ ഇല്ലേ, അതിനു റെഡി ആണോ? എന്ന് ചോദിച്ചിട്ടുണ്ട്...എനിക്കതിന്റെ ആവിശ്യമില്ല. എന്റെ അഭിനയം ഇഷ്ടമാണെങ്കിൽ, ഞാനൊരു നല്ല അഭിനേത്രിയാണെന്നു തോന്നുകയാണെങ്കിൽ മാത്രം അവരെന്നെ കാസ്റ്റ് ചെയ്താൽ മതി..." എന്നാണ് ഹന്ന പറഞ്ഞത്.
അഷ്കറിനു അങ്ങനെയൊരു അനുഭവം ഉണ്ടോയെന്ന അവതാരകയുടെ ചോദ്യത്തിന്, "സിനിമയ്ക്ക് എന്ത് വിട്ടു വീഴ്ച? എനിക്കങ്ങനെ അനുഭവം ഉണ്ടാവില്ലല്ലോ. എന്നെ കാസ്റ്റിംഗ് കൗച്ച് ചെയ്തിട്ട് അവർക്കെന്തു കിട്ടാനാ..." എന്നായി അഷ്കർ. "പെണ്ണുങ്ങൾക്ക് മാത്രമല്ല ആണുങ്ങൾക്കും ഇത് ബാധകമാണ്... " എന്നായി ഹന്ന.
