ഹിന്ദി മിനിസ്ക്രീന് പ്രേക്ഷകര്ക്ക് സുപരിചിതരായ താരങ്ങളാണ് ദീപിക കക്കറും ഷോയിബ് ഇബ്രാഹിമും. കുടുംബപ്രേക്ഷകര്ക്ക് ഏറെയിഷ്ടമുള്ള ഒരുപാട് കഥാപാത്രങ്ങള് താരങ്ങള് സീരിയലുകളിലൂടെ പ്രേക്ഷകര്ക്ക് മുന്നിലെത്തിച്ചിട്ടുണ്ട്. തങ്ങളുടെ യൂട്യൂബ് വ്ലോഗുകൾ വഴിയും ആരാധകരെ രസിപ്പിക്കാറുണ്ട് താരങ്ങള്. സ്വകാര്യ വിശേഷങ്ങളും മകന്റെ വിശേഷങ്ങളുമെല്ലാം താരങ്ങള് അതിലൂടെ പങ്കിടാറുണ്ട്. ഇവരുടെ മകനായ റുഹാന് ഒരു വയസ്സ് തികഞ്ഞത് ഇന്നലെയാണ്. ഈ സന്തോഷം ആഘോഷമാക്കുകയാണ് താരങ്ങള്.
ഇപ്പോഴിതാ മകനൊപ്പമുള്ള സുന്ദര നിമിഷങ്ങള് പങ്കിടുകയാണ് ദീപിക. ‘‘എന്റെ ജീവിതത്തിലെ ഏറ്റവും മനോഹരമായ യാത്ര...എന്റെ കുട്ടിക്ക് ഒരു വയസ്സായി... അള്ളാഹു എപ്പോഴും നിന്റെ മേൽ അനുഗ്രഹം ചൊരിയട്ടെ എന്റെ ഷോണ... അമ്മി നിന്നെ ഒരുപാട് സ്നേഹിക്കുന്നു...’’ എന്ന് കുറിച്ചാണ് ദീപിക വീഡിയോ പങ്കിട്ടിരിക്കുന്നത്.
ഗര്ഭാവസ്ഥയിലുള്ള ചിത്രങ്ങളും അതിനു ശേഷം മകനെ കൈയിലെടുത്ത ശേഷമുള്ള വീഡിയോയും ചേര്ത്തുള്ള കൊളാഷാണ് ദീപിക പങ്കുവച്ചിരിക്കുന്നത്. സഹതാരങ്ങളും സുഹൃത്തുക്കളും ആരാധകരുമടക്കം നിരവധി പേരാണ് ദീപികയുടെ മകന് ആശംസകള് നേരുന്നത്.
