വേനലവധിക്ക് ശേഷം രാജ്യത്തെ സ്കൂളുകള് വീണ്ടും തുറന്നിരിക്കുകയാണ്. ഇതിനിടെയാണ് മധ്യപ്രദേശിലെ ബുന്ദേല്ഖണ്ഡിലെ സാഗര് ജില്ലയിലെ അധ്യാപക-വിദ്യാര്ത്ഥി അനുപാതത്തിലെ അസന്തുലിതാവസ്ഥ വാര്ത്തയാകുന്നത്. ജില്ലയിലെ 45 സ്കൂളുകളില് ഒരു സ്ഥിരാധ്യാപകന് പോലുമില്ല. അതേസമയം സാഗര് പട്ടണത്തില് ഏകദേശം 4 കിലോമീറ്റര് അകലെയുള്ള ജിന്ഡ ഗ്രാമത്തിലെ ഒരു സ്കൂളില് ഒമ്പത് വിദ്യാര്ത്ഥികള്ക്ക് എട്ട് സ്ഥിരം അധ്യാപകരാണുള്ളത്. വിദ്യാര്ത്ഥികളുടെ എണ്ണം കുറവായതിനാല് അഞ്ച് വര്ഷം മുമ്പ് അടച്ചുപൂട്ടാന് ശുപാര്ശ ചെയ്തിട്ടും ഇപ്പോഴും പ്രവര്ത്തിക്കുന്ന രണ്ട് സ്കൂളാണ് ജിന്ഡ ഗ്രാമത്തിലുള്ളത്.
ഇവിടെയുള്ള പൈമ്രറി സ്കൂളില് ആറ് വിദ്യാര്ത്ഥികള്ക്ക് മൂന്ന് അധ്യാപകരും അടുത്തുള്ള സെക്കന്ഡറി സ്കൂളില് വെറും മൂന്ന് വിദ്യാര്ത്ഥികള്ക്ക് അഞ്ച് അധ്യാപകരുമാണ് ഉള്ളതെന്നും റിപ്പോര്ട്ടില് പറയുന്നു. എല്ലാ രാഷ്ട്രീയ സ്വാധീനം ഉപയോഗിച്ച് നേടിയ നിയമനങ്ങള്. അതേസമയം 20 കുട്ടികളില് താഴെയുള്ള സ്കൂളുകള് അടച്ചുപൂട്ടി, വിദ്യാര്ത്ഥികളെ സമീപ സ്കൂളുകളിലേക്ക് മാറ്റാനാണ് വിദ്യാഭ്യാസ ഇന്സ്പെക്ട്റേറ്റില് നിന്നുള്ള നിര്ദ്ദേശം. എന്നാല് ഇതിനെല്ലാം വിരുദ്ധമായി സ്കൂളില് നാല് പുതിയ അധ്യാപക തസ്തികകള് കൂട്ടി ചേര്ക്കുകയാണ് വിദ്യാഭ്യാസ വകുപ്പ് ചെയ്തത്. 60-70 ലക്ഷം രൂപ വാര്ഷിക ശമ്പളമുള്ള ഈ ജീവനക്കാര്, വകുപ്പിന് വരുത്തിവയ്ക്കുന്ന സാമ്പത്തിക ബാധ്യത ഏറെ വലുതാണെന്ന റിപ്പോര്ട്ടുകള്ക്കിടെയാണ് ഇത്തരനം നിയമനങ്ങള്.
അതേസമയം സ്വകാര്യ സ്കൂളുകളുടെ വരവോടെ കഴിഞ്ഞ രണ്ട് വര്ഷത്തിനിടെ പുതുതായി ഒരു കുട്ടി പോലും പ്രദേശത്തെ സര്ക്കാര് സ്കൂളില് ചേര്ന്നിട്ടില്ലെന്നും റിപ്പോര്ട്ടില് പറയുന്നു. സാഗര് ജില്ലയിലെ സര്ക്കാര് സ്കൂളുകളിലെല്ലാം ഇത്തരത്തില് അധ്യാപക വിദ്യാര്ത്ഥി അനുപാതത്തില് വലിയ അന്തരമുണ്ട്. ജില്ലയില് 10 വിദ്യാര്ത്ഥികള്ക്കായി 13 അധ്യാപകരുള്ള സ്കൂളുകള് ഉള്ളപ്പോള് സ്ഥിരം അധ്യാപകരില്ലാത്ത സ്കൂളുകളിലേക്കായി 2,870 ഗസ്റ്റ് അധ്യാപകരെ നിയമിച്ചിട്ടുണ്ട്. ഒപ്പം അനാവശ്യമായി 1,446 സൂപ്പര് ന്യൂമററി അധ്യാപകരെയും നിയമിച്ചിട്ടുണ്ടെന്ന് റിപ്പോര്ട്ടുകള് പറയുന്നു.
സംഗതി വിവാദമായപ്പോള് ഇടന് തിരുത്തല് നടപടിയുണ്ടാകും എന്നാണ് സാഗര് ജില്ലാ വിദ്യാഭ്യാസ ഓഫീസര് അരവിന്ദ് ജെയിന് മാധ്യമങ്ങളോട് പറഞ്ഞത്. സര്ക്കാര് പദ്ധതികളുടെ നടത്തിപ്പിനായി അധ്യാപകരെ നഗരങ്ങളിലേക്ക് മാറ്റിയതും രാഷ്ട്രീയ നേതൃത്വത്തിന്റെ സ്വാധീനം ഉപയോഗിച്ച് അധ്യാപകര് നഗരങ്ങളിലെ സ്കൂളുകളിലേക്ക് സ്ഥലംമാറ്റം വാങ്ങി പോയതുമാണ് പ്രദേശിക സ്കൂളുകളുടെ പ്രവര്ത്തനത്തെ താളം തെറ്റിച്ചതെന്നും റിപ്പോര്ട്ടുകള് ചൂണ്ടിക്കാട്ടുന്നു
