കോഴിക്കോട് : മന്ത്രി പി.എ. മുഹമ്മദ് റിയാസിന്റെ പേരുപറഞ്ഞ് 22 ലക്ഷം വാങ്ങിയെന്നു പരാതി. പി.എസ്.സി. അംഗത്വം നല്കാമെന്നു വാഗ്ദാനം ചെയ്ത് ആരോഗ്യരംഗത്ത് പ്രവര്ത്തിക്കുന്ന വ്യക്തിയോട് പാര്ട്ടിയിലെ യുവ നേതാവ് 22 ലക്ഷം രൂപ കൈപ്പറ്റിയെന്നാണ് പാര്ട്ടി സംസ്ഥാനനേതൃത്വത്തിനു പരാതി നല്കിയിരിക്കുന്നത്.
പ്രതിസ്ഥാനത്തുള്ള യുവനേതാവ് മന്ത്രി റിയാസിന്റെ പേര് പറഞ്ഞാണ് 60 ലക്ഷം രൂപ ചോദിച്ചത്. തുടര്ന്ന് 22 ലക്ഷം നല്കുകയായിരുന്നു. എന്നാല് സി.പി.എം. പി.എസ്.സി. അംഗങ്ങളെ തീരുമാനിച്ചപ്പോള് അതില് പണം നല്കിയയാള് ഉള്പ്പെട്ടിരുന്നില്ല. തുടര്ന്ന് പണം കൈപ്പറ്റിയ നേതാവ് ആയുഷില് ഉയര്ന്ന പദവി വാഗ്ദാനം ചെയ്തെങ്കിലും അതും നടന്നില്ല. തുടര്ന്നാണ് ഡോക്ടര് പരാതി പാര്ട്ടിക്കു നല്കുന്നത്.
കോഴിക്കോട് പാര്ട്ടി ഓഫീസ് കേന്ദ്രീകരിച്ചു പ്രവര്ത്തിക്കുന്ന കോക്കസിനെക്കുറിച്ച് അനേ്വഷണം വേണമെന്നാണ് മന്ത്രി മുഹമ്മദ് റിയാസ് പരാതി നല്കിയിരിക്കുന്നത്. മന്ത്രിയുടെ പരാതി ഇന്നു നടക്കുന്ന സി.പി.എം. കോഴിക്കോട് ജില്ലാ കമ്മിറ്റി യോഗത്തില് ചര്ച്ചയാകും. നിയമസഭാ സമ്മേളനം നടക്കുന്നതിനാല് മന്ത്രി റിയാസ് ജില്ലാ കമ്മിറ്റി യോഗത്തില് പങ്കെടുത്തേക്കില്ല.
മന്ത്രി ഒരു മാസം മുന്പ് നല്കിയ പരാതിയുടെ വിവരങ്ങളാണ് ഇപ്പോള് പുറത്തുവന്നത്. കോഴിക്കോട് ജില്ലാ കമ്മിറ്റിക്കാണ് അന്നു പരാതി നല്കിയത്. സി.ഐ.ടി.യു. ജില്ലാ ചുമതല വഹിക്കുന്ന നേതാവ് നേതൃത്വം നല്കുന്ന കോക്കസിനെക്കുറിച്ച് അനേ്വഷണം വേണമെന്നായിരുന്നു പരാതി. സംഭവത്തില് കോഴിക്കോട് സി.പി.എം. ജില്ലാ നേതൃത്വം അനേ്വഷണം നടത്തിയെങ്കിലും തുടര് നടപടികള് എന്താണെന്ന് വ്യക്തമാക്കിയിരുന്നില്ല. വീണ്ടും വിഷയം മാധ്യമങ്ങളില് ഉള്പ്പെടെ ചര്ച്ചയായതോടെ ജില്ലാ നേതൃത്വം നിലപാട് വ്യക്തമാക്കേണ്ടി വരും.
പാര്ട്ടിയുമായി അടുത്ത ബന്ധമുള്ള പരാതിക്കാരന്, സംസ്ഥാന നേതൃത്വത്തിന് പരാതി നല്കിയതിന് പിന്നാലെ പ്രാഥമിക അനേ്വഷണം നടത്തി സംഭവത്തില് കഴമ്പുള്ളതായി കണ്ടെത്തിയിരുന്നു. പരാതി ജില്ലാ കമ്മിറ്റിക്ക് കൈമാറിയിരിക്കുകയാണ്. സംഭവത്തില് അനേ്വഷണം നടക്കട്ടെയെന്നാണ് മന്ത്രി റിയാസിന്റെയും നിലപാട്. എന്നാല് ഇൗ വിഷയം സംബന്ധിച്ച് അറിയില്ല എന്നാണ് മന്ത്രി റിയാസ് ഇന്നലെ മാധ്യമങ്ങളോട് പ്രതികരിച്ചത്.
