ഭോപ്പാല്: മധ്യപ്രദേശിലെ ബിജെപി എംഎല്എയും അടുത്തിടെ കോണ്ഗ്രസ് വിട്ടയാളും ബിജെപി മന്ത്രിസഭയില് അംഗവുമായി മാറിയ രാംനിവാസ് റാവത്ത് രണ്ടുപ്രാവശ്യം സത്യപ്രതിജ്ഞ ചെയ്തത് വിവാദമാകുന്നു. കോണ്ഗ്രസിന്റെ നേതാവായിരിക്കെ അതിലെ സ്ഥാനം രാജി വെയ്ക്കാതെ തന്നെ ബിജെപി മന്ത്രിസഭയില് ചേര്ന്നയാളായ രാംനിവാസ് റാവത്ത് ഇന്ന് രാവിലെ 9 മണിക്കും 930 യ്ക്കുമാണ് രണ്ടു തവണ സത്യപ്രതിജ്ഞ ചെയ്തത്. ആദ്യം സംസ്ഥാന സഹമന്ത്രിയായ ഇയാള് മിനിറ്റുകള് പിന്നിടും മുമ്പ് ക്യാബിനറ്റു മന്ത്രിയുമായി.
മുഖ്യമന്ത്രിയും മറ്റ് വിശിഷ്ട വ്യക്തികളും നോക്കിനില്ക്കെ, രാവിലെ 9 മണിക്ക് ഗവര്ണര് മംഗുഭായ് സി പട്ടേലിന് മുന്നില് രാജ്ഭവനില് സത്യപ്രതിജ്ഞ ചെയ്ത് അധികാരമേറ്റത്. രാവിലെ 9.03 ഓടെ അദ്ദേഹം സത്യവാചകം ചൊല്ലിക്കൊടുത്തു. എന്നാല് പതിനഞ്ച് മിനിറ്റിനുശേഷം, കാബിനറ്റ് മന്ത്രിയായി റാവത്ത് രണ്ടാമതും സത്യപ്രതിജ്ഞ ചെയ്തു. ഇരട്ട സത്യപ്രതിജ്ഞ വിവാദമാകുകയും ചെയ്തു. അതേസമയം റാവത്തിന്റെ വിചിത്ര സ്വഭാവം പോലെ തന്നെയായിരുന്നു സത്യപ്രതിജ്ഞാ ചടങ്ങെന്നും വിമര്ശകര് പറയുന്നു.
കോണ്ഗ്രസ് എംഎല്എ ആയിരിക്കുമ്പോള് തന്നെ ബിജെപി സര്ക്കാരില് മന്ത്രിയായ ആദ്യ വ്യക്തിയാണ് അദ്ദേഹം. കോണ്ഗ്രസിന്റെ സംസ്ഥാന ഘടകത്തിന്റെ വര്ക്കിംഗ് പ്രസിഡന്റും വിജയ്പൂര് നിയമസഭാ മണ്ഡലത്തില് നിന്നുള്ള എംഎല്എയുമായ റാവത്ത് മറുപാളയത്തിലേക്ക് മാറിയിട്ടും ഇതുവരെ കോണ്ഗ്രസില് നിന്ന് രാജിവച്ചിട്ടില്ല. എന്നിട്ടും അദ്ദേഹം ബിജെപി അംഗവും മന്ത്രിയുമായി. സഹമന്ത്രിയും ക്യാബിനറ്റ് മന്ത്രിയും എന്ന അഭൂതപൂര്വമായ സ്ഥാനത്താണ് റാവത്ത്. ആദ്യം സഹമന്ത്രിയായി തെറ്റായി സത്യപ്രതിജ്ഞ ചെയ്ത അദ്ദേഹം നടപടിക്രമം അനുസരിച്ച് ആ സ്ഥാനം ഔദ്യോഗികമായി രാജിവെക്കാതെയാണ് മന്ത്രിയായും സത്യപ്രതിജ്ഞ ചെയ്തത്.
ക്രമരഹിതമായ സംഭവവികാസങ്ങള്ക്ക് ശേഷം റാവത്ത് തന്നെ മന്ത്രിയാക്കിയതിന് ബിജെപിയോട് നന്ദി പറഞ്ഞു. തന്നെ കുറ്റപ്പെടുത്താന് കോണ്ഗ്രസിന് അവകാശമില്ലെന്നും അവര് തനിക്ക് നല്കാത്തത് ബിജെപി സര്ക്കാര് തന്നു എന്നും അദ്ദേഹം പറഞ്ഞു. അരമണിക്കൂറിനിടെ രണ്ട് തവണ സത്യപ്രതിജ്ഞ ചെയ്ത ആദ്യത്തെ മന്ത്രിയാണ് താനെന്നും പറഞ്ഞു.
അതേസമയം റാവത്തിനെ അയോഗ്യനാക്കണമെന്ന് ആവശ്യപ്പെട്ട് സ്പീക്കര് നരേന്ദ്ര സിംഗ് തോമറിന് കോണ്ഗ്രസ് നിവേദനം നല്കി. ഇതുപോലൊരു അബദ്ധം ഒരുപക്ഷെ രാജ്യത്ത് ഇതുവരെ കണ്ടിട്ടുണ്ടാവില്ല എന്നാണ് കോണ്ഗ്രസ് പ്രതികരിച്ചത്. ഷിയോപൂര് ജില്ലയില് നിന്ന് ആറ് തവണ എംഎല്എയായ റാവത്ത് ഏപ്രിലില് ബിജെപിയില് ചേര്ന്നു, മുമ്പ് ദിഗ്വിജയ സിംഗിന്റെ നേതൃത്വത്തിലുള്ള കോണ്ഗ്രസ് സര്ക്കാരില് ജൂനിയര് ആഭ്യന്തര മന്ത്രിയായിരുന്നു അദ്ദേഹം. ഇന്ന് ചേരുന്നത് അര്ത്ഥമാക്കുന്നത് സംസ്ഥാന സര്ക്കാരിന് 19 ക്യാബിനറ്റ് മന്ത്രിമാരാണുള്ളത് ബി.ജെ.പിയിലേക്കുള്ള റാവത്തിന്റെ കുതിപ്പ് അദ്ദേഹത്തിന്റെ സീറ്റിലേക്ക് ഉപതിരഞ്ഞെടുപ്പിന് കാരണമാകും.
