മീര നന്ദന്റെ വിവാഹം കഴിഞ്ഞിട്ട് ദിവസങ്ങളായി. പുതുമോടിയില് ഇരുവരും യാത്രകളും ആരംഭിച്ചു. അപ്പോഴും അതിന് മുന്പും കൂടെ തന്നെ ഒരാളെ കുറിച്ചാണ് ഇപ്പോള് പറയുന്നത്.
മീര നന്ദന്റെ ഉറ്റ തോഴി, ആന് അഗസ്റ്റിന്. വിവാഹത്തിന്റെ തിരക്കും ബഹളവും ഒഴിഞ്ഞതിന് ശേഷം ഇതാ, മീരയുടെ വിവാഹത്തിന് ഇടയില് എടുത്ത തന്റെ കുറേ ചിത്രങ്ങളുമായി എത്തിയിരിക്കുകയാണ് ആന് അഗസ്റ്റിന്.
ആ ചിത്രങ്ങള് കണ്ടാല് അറിയാം, പെണ്ണിനെ ഒരുക്കുന്നത് മുതല് വന്നവരെ സ്വീകരിക്കുന്നത് വരെ എല്ലാ കാര്യങ്ങളിലും ആനിന്റെ സജീവ സാന്നിധ്യം ഉണ്ടായിരുന്നു.
ആനിനും മീരയ്ക്കും ഇടയിലുള്ള സൗഹൃദം, വെറുതേ പേരിന് പറയുന്നതിനപ്പുറമാണ്. സഹോദര തുല്യമാണ് എന്ന് പറഞ്ഞാലും കുറഞ്ഞു പോകുന്ന തരം അടുപ്പം ഇരുവര്ക്കുമിടയിലുണ്ട്. പലപ്പോഴും സോഷ്യല് മീഡിയയില് പങ്കുവച്ച ചിത്രങ്ങളിലൂടെ ആരാധകര്ക്കും അത് ബോധ്യമാണ്.
തന്റെ എല്ലാ സന്തോഷത്തിലും, ദുഃഖത്തിലും തോളോട് തോള് ചേര്ന്ന് മീരയുണ്ട് എന്ന് ആന് പറയുന്നു, തിരിച്ച് മീരയ്ക്കും അങ്ങനെ തന്നെയാണെന്നാണ് നടിയുടെ പക്ഷം. അതിന് ആരാധകര് ശരിക്കും സാക്ഷിയായത് മീരയുടെ കല്യാണത്തിനാണ്.
എല്സമ്മ എന്ന ആണ്കുട്ടി എന്ന ചിത്രത്തിലൂടെയാണ് ആന് അഗസ്റ്റിന്റെ തുടക്കം. ആ സിനിമയില് അനിയത്തി റോളില് മീര നന്ദനും ഉണ്ടായിരുന്നു. അവിടെ തുടങ്ങിയതാണ് ഇരുവരും തമ്മിലുള്ള സൗഹൃദം. അതിന്നും നല്ല ബന്ധമായി തുടരുന്നു.
മീരയുടെ വിവാഹ നിശ്ചയത്തിനും, വിവാഹത്തിനും സെന്ട്രല് ഓഫ് ദ അട്രാക്ഷന് ആന് അഗസ്റ്റിന് ആയിരുന്നു. വിവാഹത്തിന് ശേഷം മീര ബെംഗലൂരുവിലേക്ക് പോയി. അവിടെയുള്ള ഫോട്ടോ പങ്കുവച്ചപ്പോള് അതിനും ആന് ഉണ്ടായിരുന്നു.
