തിരുവനന്തപുരം: തിരുവനന്തപുരത്ത് രോഗി ലിഫ്റ്റില് കുടുങ്ങിയ സംഭവത്തില് പലവട്ടം അലാറം അടിച്ചിട്ടും ലിഫ്റ്റിലെ ഫോണില് വിളിച്ചിട്ടും ആരും എത്തിയില്ലെന്നും രണ്ടു ദിവസം ആരും തിരിച്ചു നോക്കിയില്ലെന്നും ലിഫ്റ്റില് രണ്ടു ദിവസം കുടുങ്ങിക്കിടന്ന രോഗി തിരുമല രവി. ലിഫ്റ്റില് ഒരുപാട് തവണ തട്ടിനോക്കി. ഓര്ത്തോ ഒപിയില് വന്നതായിരുന്നു രവീന്ദ്രന്.
സിപിഐ തിരുമല ലോക്കല് സെക്രട്ടറി തിരുമല രവി. ഭാഗ്യം കൊണ്ടാണ് ജീവന് തിരിച്ചുകിട്ടിയതെന്നും മരിച്ചുപോകേണ്ടതായിരുന്നെന്നും പ്രതികരിച്ചു. സൂപ്രണ്ട് ഓഫീസിലെ ഒപി ബ്ലോക്കില് ലിഫ്റ്റിലാണ് കുടുങ്ങിയത്. താന് പല തവണ അലാറം അടിച്ചിട്ടും ആരും എത്തിയില്ലെന്ന് രവി പ്രതികരിച്ചു. വസ്ത്രത്തില് മലമൂത്രവിസര്ജനം ചെയ്തുപോയെന്നും പറഞ്ഞു. ഇന്ന് രാവിലെയാണ് ലിഫ്റ്റില് ഇദ്ദേഹത്തെ കണ്ടത്.
ശനിയാഴ്ച നടുവേദനയുടെ ചികിത്സയ്ക്കായി എത്തിയതായിരുന്നു ഇയാള്. ഇതിനിടെയില് കേടായിപ്പോയ ലിഫ്റ്റില് കയറി കുടുങ്ങുകയായിരുന്നു. ഇന്ന് രാവിലെ ലിഫ്റ്റ് ഓപ്പറേറ്റര് എത്തിയപ്പോഴായിരുന്നു രവി ലിഫ്റ്റില് കുടുങ്ങിയ വിവരം അറിഞ്ഞത്. മെഡിക്കല് കോളേജിന്റെ ഭാഗത്തുനിന്ന് ഗുരുതര വീഴ്ചയാണ് ഉണ്ടായതെന്നും തകരാറായ ലിഫ്റ്റിലേക്ക് ആരും തിരിഞ്ഞുനോക്കിയില്ലെന്നും അദ്ദേഹം പറഞ്ഞു.
