ഏഷ്യയിലെ ഏറ്റവും വലിയ ധനികനായ മുകേഷ് അംബാനിയുടെയും ഭാര്യ നിത അംബാനിയുടെയും ഇളയ മകൻ ആനന്ദ് അംബാനിയുടെ വിവാഹമാണ് കുറച്ചു മാസങ്ങളായി സോഷ്യല് മീഡിയയില് തരംഗമാകുന്നത്. ആനന്ദും രാധിക മെര്ച്ചന്റും തമ്മിലുള്ള വിവാഹം ഉത്സവമാക്കുകയാണ് കുടുംബം. ഇവരുടെ വിവാഹത്തിനു മുന്നോടിയായുള്ള ആഘോഷങ്ങള് തുടങ്ങിയിട്ട് കുറച്ചു നാളുകളായി. പ്രീ വെഡ്ഡിംഗ് ചടങ്ങുകളൊക്കെ അത്യാഡംബരമായി പല സ്ഥലങ്ങളില് വച്ച് നടന്നു. കഴിഞ്ഞ ദിവസമാണ് ആനന്ദിന്റെയും രാധികയുടെയും വിവാഹം മുംബൈ ബികെസിയിലെ ജിയോ വേൾഡ് സെന്ററിലാണ് നടന്നത്. ആഘോഷങ്ങളില് ങ്കെടുക്കാൻ എത്തുന്നത് വ്യവസായ പ്രമുഖരും സിനിമ - കായിക മേഖലയിലുള്ള പ്രശസ്തരും എത്തിയിരുന്നു.
ബോളിവുഡ് സെലിബ്രിറ്റികളെല്ലാം ഈ വിവാഹത്തില് പങ്കെടുക്കാനെത്തിയ വിശേഷങ്ങളും ചിത്രങ്ങളുമാണ് സോഷ്യല് മീഡിയയിലൂടെ പങ്കിട്ടു കൊണ്ടിരിക്കുന്നത്. അക്കൂട്ടത്തില് ഏറ്റവും ശ്രദ്ധിക്കപ്പെട്ട താരദമ്പതിമാരായിരുന്നു ദീപിക പദുകോണും രണ്വീര് സിംഗും. തങ്ങളുടെ ആദ്യത്തെ കണ്മണിയെ അത്യധികം സന്തോഷത്തോടെ കാത്തിരിക്കുന്ന താരങ്ങളുടെ ചിത്രങ്ങളും അതുകൊണ്ടു തന്നെ സോഷ്യല് മീഡിയയില് തരംഗമായി.
ഇപ്പോഴിതാ രണ്വീറും ദീപികയും ഒരുമിച്ചുള്ള ചിത്രമാണ് സോഷ്യല് മീഡിയ ഏറ്റെടുക്കുന്നത്. രാജകീയ പ്രൗഡില് ട്രഡീഷണല് ഔട്ട്ഫിറ്റില് തിളങ്ങുന്ന താരദമ്പതിമാര്ക്ക് ചിത്രങ്ങളില് ഏഴഴകാണ്. ചിത്രത്തില് ദീപികയുടെ ബേബി ബംമ്പില് ഏറെ സന്തോഷത്തോടെ പിടിച്ച് ദീപികയെ പ്രണയം തുളുമ്പുന്ന കണ്ണുകളാല് നോക്കി നില്ക്കുന്ന രണ്വീറിനെ കാണാം. നിറഞ്ഞ ചിരിയില് രണ്വീറിന്റെ കൈയില് പിടിച്ചു നില്ക്കുന്ന ദീപികയുടെ മുഖവും ആരാധകര് ഏറ്റെടുക്കുകയാണ്.
തരുൺ തഹിലിയാനി രൂപകല്പന ചെയ്ത വസ്ത്രമായ കറുത്ത ഷെര്വാണിയാണ് രൺവീർ ധരിച്ചിരുന്നത് . വെങ്കല നിറത്തിലുള്ള കോളറിൽ മുഗൾ സാരി എംബ്രോയ്ഡറി വർക്കിനൊപ്പം വെൽവെറ്റ് ബന്ദ് ഗാലയും താരത്തിന്റെ വസ്ത്രത്തിലുണ്ട്. ടൊറാണി ഡിസൈൻ ചെയ്ത പരമ്പരാഗത റെഡ് അനാര്ക്കലിയാണ് ദീപിക അണിഞ്ഞത്. സിന്ദൂരവും ബണ് സ്റ്റൈല് തലമുടിയും ദീപികയെ സുന്ദരിയാക്കി. ചിത്രത്തില് രണ്ടുപേരും പരസ്പരം സ്നേഹത്തോടെയും പുഞ്ചിരിയോടെയും നോക്കുന്നത് കാണാം. കുഞ്ഞിനോടുള്ള സ്നേഹവും ആവേശവും രണ്ടുപേരുടെയും മുഖത്തുണ്ട്.
