തിരുവനന്തപുരം : അടുത്ത നിയമസഭ തിരഞ്ഞെടുപ്പില് കോണ്ഗ്രസ് അധികാരത്തില് വരുന്നതോടെ വഴിഞ്ഞം തുറുമഖത്തിന് ഉമ്മന് ചാണ്ടിയുടെ പേര് നല്കുമെന്ന് കെ.മുരളീധരന്. ആരൊക്കെ തമസ്കരിക്കാന് ശ്രമിച്ചാലും വിഴിഞ്ഞം തുറമുഖം മുന് മുഖ്യമന്ത്രി ഉമ്മന് ചാണ്ടിയുടെ ഇച്ഛാശക്തിയുടെ ഫലമാണെന്നു മുരളീധരന് പറഞ്ഞു . 2028ല് തുറമുഖ കമ്മിഷനിങ് നടക്കുമ്പോള് കോണ്ഗ്രസ് സര്ക്കാര് ആകും കേരളം ഭരിക്കുക എന്നും തുറമുഖത്തിന് ഉമ്മന് ചാണ്ടിയുടെ പേര് നല്കുമെന്നും മുരളീധരന് പറഞ്ഞു.
‘നെടുമ്പാശേരി വിമാനത്താവളം എന്നു പറയുമ്പോള് കെ.കരുണാകരന്റെ പേരു പറയുന്നതു പോലെ വിഴിഞ്ഞം എന്നു കേള്ക്കുമ്പോള് ജനങ്ങള് ഉമ്മന് ചാണ്ടിയെ ഓര്ക്കും. നിര്മാണം തുടങ്ങുന്ന അന്നു മാത്രമേ തറക്കല്ലിടാന് വരികയുള്ളു എന്ന് ഉമ്മന് ചാണ്ടിയാണ് നിര്ദേശം വെച്ചത്. അങ്ങനെ തറക്കല്ലിട്ട ദിവസം മുതല് തന്നെ നിര്മാണം ആരംഭിച്ചിരുന്നു.
അതേസമയം പിന്നീട് വന്ന എല്ഡിഎഫ് സര്ക്കാരിന്റെ അലംഭാവം മൂലമാണു പദ്ധതി വൈകിയത്. അല്ലെങ്കില് ഇപ്പോള് തുറമുഖ പ്രവര്ത്തനം പൂര്ണതോതിലാകുമായിരുന്നു’’ - മുരളീധരന് പറഞ്ഞു. തിരുവനന്തപുരത്ത് ജനകീയനായി താന് അറിയപ്പെടുന്നതിനു കാരണം മുഖ്യമന്ത്രിയായിരുന്ന ഉമ്മന് ചാണ്ടിയായിരുന്നു അദ്ദേഹം കൂട്ടിച്ചേര്ത്തു.
