ലോകം കണ്ടതില്വെച്ച് ഏറ്റവും ആഡംബരം നിറഞ്ഞ വിവാഹമായിരുന്നു അംബാനി കുടുംബത്തില് നടന്നത്. ആനന്ദ് അംബാനിയുടേയും രാധിക മെർച്ചന്റിന്റേയും വിവാഹത്തിനായി ലോകത്തിന്റെ വിവിധ ഭാഗങ്ങളില് നിന്നുള്ള അതിഥികളെത്തി. കോടിക്കണക്കിനു പണം ചിലവാക്കിയ വിവാഹചടങ്ങുകൾക്ക് പിന്നാലെ ആനന്ദിന്റെയും രാധിക മര്ച്ചന്റിന്റെയും വിവാഹാനന്തര ആഘോഷങ്ങള് ലണ്ടനില് നടത്തുമെന്ന വാര്ത്തകള് പ്രചരിച്ചിരുന്നു. കുടുംബാംഗങ്ങളോടൊപ്പം പാരീസ് പര്യടനത്തിലാണ് ആനന്ദ് അംബാനിയും രാധികയും.
ഇപ്പോഴിതാ ഇരുവരും 'പ്രണയനഗര'ത്തില് കറങ്ങിനടക്കുന്ന ചിത്രങ്ങളില് രാധിക ധരിച്ചിരിക്കുന്ന വർണാഭമായ വസ്ത്രത്തിലാണ് ഫാഷൻപ്രേമികൾ ഉറ്റു നോക്കുന്നത്. സാന്ദ്രോ പാരീസിന്റെ റെഡി-ടു-വെയർ കളക്ഷനിലുള്ളതാണ് മാക്സി ഡ്രസ്സാണിത്. പാച്ച്വർക്ക് മാക്സി ഡ്രസ്സെന്നാണ് ഇത് അറിയപ്പെടുന്നത്. ഏകദേശം 18,675 രൂപയാണ് ഇതിന്റെ വില.
പർപിള്, പിങ്ക്, മഞ്ഞ, നീല നിറപ്പകർച്ചകളാണ് രാധികയുടെ വസ്ത്രത്തിനുള്ളത്. ഷർട്ട്-സ്റ്റൈല് കോളർ നെക്ലൈൻ, പിൻസ്രൈപ് പാറ്റേണ്സ്, ഫ്ളെയേഡ് ടയേഡ് സ്കേട്ട്, ഇലാക്സ്റ്റിക്കേറ്റഡ് വെയ്റ്റ് എന്നിവയാണ് വസ്ത്രത്തിന്റെ ഡിസൈനിലുള്ളത്.
മിനിമല് ആക്സസറീസാണ് രാധിക ഇതിനൊപ്പം പെയർ ചെയ്തിരിക്കുന്നത്. ഡിയോറിന്റെ സ്ലിപ്-ഓണ് സാൻഡല്സും ഡയമണ്ട് ഹൂപ് ഇയർറിങ്സും ഒരു മോതിരവും മാത്രമാണ് രാധികയുടെ ആക്സസറീസ്. മുടി പോണിടെയ്ല് ചെയ്തിട്ടുണ്ട്.
ഇവർ പാരീസിൽ കറങ്ങുന്ന വീഡിയോ രാധിക സോഷ്യൽ മീഡിയയിൽ പങ്കുവച്ചിട്ടുണ്ട്.
ആനന്ദിന്റേയും രാധികയുടേയും ഹണിമൂണ് യാത്രകള് സോഷ്യൽ മീഡിയയിൽ നിറയുന്നുണ്ട്. ഹെർമെസ് സ്റ്റോറിലും ഒളിമ്പിക്സ് മത്സരവേദികളിലും ഇരുവരേയും കണ്ടിരുന്നു. പാരീസിലെ ഹോട്ടലിന് പുറത്ത് അച്ഛൻ മുകേഷ് അംബാനിയോടും അമ്മ നിത അംബാനിയോടും യാത്ര പറഞ്ഞ് ഇറങ്ങുന്നതും സോഷ്യൽ മീഡിയയിൽ നിറഞ്ഞിരുന്നു.
