ചെന്നൈ: ജല്ലിക്കെട്ട് സമരത്തിനിടെ വര്ഗീയ മുതലെടുപ്പിന് ശ്രമിച്ച ബി.ജെ.പി നേതാവിന് തിരിച്ചടി. ജല്ലിക്കെട്ട് സമരത്തിനിടെ ദേശീയ പതാക ഉയര്ത്തിയ വിഗ്നേഷ് വാസുദേവന് എന്ന വിദ്യാര്ത്ഥിയെ മുസ്ലീംങ്ങള് ക്രൂരമായി മര്ദ്ദിച്ചുവെന്ന് ബി.ജെ.പി നേതാവ് എച്ച് രാജ ട്വീറ്റ് ചെയ്തിരുന്നു.
എന്നാല് എച്ച് രാജയുടെ ട്വീറ്റിനെതിരെ രൂക്ഷവിമര്ശനമാണ് ഉയര്ന്നത്. ഇത് ഗുജറാത്തല്ല തമിഴ്നാടാണെന്ന് ഓര്ക്കണമെന്നും വര്ഗീയ പ്രചരണം സഹായിക്കില്ലെന്നും ചിലര് മറുപടി നല്കി. മുസ്ലീം സമുദായത്തില് നിന്നുള്ളവര് വ്യാപകമായി ജല്ലിക്കെട്ട് സമരത്തില് പങ്കെടുക്കുന്നതിന്റെ ചിത്രങ്ങളും സമരക്കാര്ക്ക് ആഹാരം നല്കുന്നതിന്റെ ചിത്രങ്ങളും ചിലര് രാജയ്ക്ക് മറുപടിയായി ട്വീറ്റ് ചെയ്തു.
വെറുതെ ആരോപണം ഉന്നയിച്ചാല് പോര തെളിവ് ഹാജരാക്കാനുള്ള മര്യാദ കാണിക്കണമെന്നും പെറ്റയെും ബി.ജെ.പിയെയും നിരോധിക്കണമെന്ന ആവശ്യവും സോഷ്യല് മീഡിയയില് ഉയര്ന്നിട്ടുണ്ട്.
