കുടുംബപ്രേക്ഷകർക്ക് ഏറെ പ്രിയങ്കരിയായ താരമാണ് മേഘ്ന വിൻസെന്റ്. ചന്ദനമഴയെന്ന സീരിയയിലൂടെയാണ് മേഘ്ന മലയാളികളുടെ മനസ്സിൽ ഇടം പിടിച്ചത്.
ഒരു സീരിയൽ കഥ പോലെ തന്നെ മേഘ്നയുടെ വ്യക്തിജീവിതവും ചർച്ചകളിൽ കാരണമായതാണ്. തന്റെ അടുത്ത സുഹൃത്തും നടിയുമായ ഡിംപിള് ടോണിന്റെ സഹോദരൻ ഡോണ് ടോണിയെ വിവാഹം ചെയ്തതും പിന്നീടത് വിവാഹ മോചനത്തിൽ കലാശിച്ചതുമൊക്കെയാണ് വാർത്തകളിൽ മേഘ്ന ചർച്ചകളിൽ ഇടം പിടിക്കാനുള്ള കാരണം. വളരെ പെട്ടെന്ന് തന്നെ ബന്ധം വേർപിരിഞ്ഞതോടെ ഒരുപാട് വാർത്തകളും അതിനെ ചുറ്റിപറ്റി വന്നത്. ഇപ്പോഴിതാ ടോണുമായുള്ള ഡിവോഴ്സിനെ കുറിച്ച് തുറന്നുപറയുകയാണ് താരം.
"ഡിപ്രഷൻ സമയത്തൊക്കെ പലരോടും എന്റെ പ്രശ്നങ്ങള് പങ്കുവെച്ചിട്ടുണ്ടെങ്കിലും നമ്മുക്ക് മാത്രമാണ് അത് ഫീലിങ്സെന്നും മറ്റുള്ളവർക്ക് അത് കഥ മാത്രമാണെന്നും കുറേ നാള് കഴിഞ്ഞിട്ടാണ് എനിക്കത് മനസിലായത്. നമ്മള് ജീവിച്ച് തീർത്ത ഓരോ നിമിഷവും എങ്ങനെയായിരുന്നു എന്ന് നമുക്കല്ലേ അറിയൂ. അതൊരു പത്ത് മിനുട്ട് കെണ്ടോ അഞ്ച് മിനുട്ട് കൊണ്ടോ വിശദീകരിക്കാൻ പറ്റില്ല. വിശദീകരിച്ചാല് പോലും അത് പത്ത് ശതമാനം പോലും ആളുകള്ക്ക് മനസിലാവില്ല. അതുകൊണ്ടാണ് വിവാഹമോചനത്തെ കുറിച്ച് ഞാൻ പ്രതികരിക്കാതിരിക്കുന്നത്. അതില് ശരിതെറ്റുകള് ചികയുന്നതില് കാര്യമില്ല. ഒരുപക്ഷെ മറ്റൊരു അവസരത്തില് ഞാൻ വിവാഹമോചനത്തിന്റെ കാരണം വെളിപ്പെടുത്തിയേക്കാം..." മേഘ്ന പറയുന്നു.
ഡിപ്രെഷൻ സമയം എങ്ങനെയാണ് നേരിട്ടതെന്നും താരം പറയുന്നുണ്ട്.
"ആരൊക്കെ സമാധാനിപ്പിക്കാൻ ഉണ്ടെങ്കിലും നമ്മള്ക്ക് ഉള്ളില് ഒരാളുണ്ടെന്ന് വിശ്വസിക്കുന്ന ആളാണ് ഞാൻ. പറയുന്ന കാര്യങ്ങള്ക്ക് അനുസരിച്ച് പ്രവർത്തിക്കാനും അംഗീകരിക്കാനുമൊക്കെ ഉള്ളിലുള്ള ആള് ഒകെ ആയിരിക്കണം. 24 മണിക്കൂറും ലാളിക്കാനൊന്നും ആർക്കും പറ്റില്ല. തീരുമാനമെടുക്കേണ്ടതും സ്വയം തോന്നേണ്ടതും നമ്മള് തന്നെയാണ്. ജീവിതത്തില് നമ്മുക്ക് രണ്ട് ഓപ്ഷനാനുള്ളത്. ഒന്നുകില് കരഞ്ഞ് കൊണ്ട് ഡിപ്രഷനായി കിടക്കാം. അതല്ലെങ്കില് പല കാര്യത്തിലും എൻഗേജ് ചെയ്ത് മുന്നോട്ട് പോകാം.
ഞാൻ സെക്കന്റ് ഓപ്ഷൻ തിരഞ്ഞെടുത്തു. പക്ഷേ ഒക്കെയാകാൻ ഒരുപാട് സമയമെടുത്തു. ഷോക്കായിരുന്നു എല്ലാം. ആ ഡിപ്രഷൻ സ്റ്റേജില് കൂടെ പോയിട്ടൊക്കെ തന്നെയാണ് ഞാൻ കടന്ന് വന്നത്. എല്ലാവരേയും പോലെ ആണ് ഞാനും രാവും പകലും ഇല്ലാതെ കരഞ്ഞിട്ടുണ്ട്.
ആ സമയത്ത് ഒരു തമിഴ് സീരിയലാണ് ചെയ്ത് കൊണ്ടിരുന്നത്. സീരിയലില് ഡയലോഗ് പറഞ്ഞ് കൊണ്ടിരിക്കുന്ന സമയത്ത് പല തവണ ഞാൻ വീണുപോയിട്ടുണ്ട്. അതില് നിന്ന് പുറത്തുകടക്കുക വളരെയേറെ ബുദ്ധിമുട്ടേറിയ കാര്യമാണ്.
എല്ലാവരും കല്യാണം കഴിക്കുമ്പോൾ ഇങ്ങനെ ആകുമെന്ന് പ്രതീക്ഷിക്കില്ല. പ്രത്യേകിച്ച് എന്നെ പോലെ ഹോംലിയായൊരാള്. എന്നെ വളർത്തിയത് അപ്പാപ്പനും അമ്മാമ്മയുമാണ്. അവരുടെ ചട്ടക്കൂടില് വളർന്നൊരു കുട്ടിയാണ് ഞാൻ. ഇങ്ങനെയൊരു സാഹചര്യം ജീവിതത്തില് അഭിമുഖീകരിക്കേണ്ടി വരുമെന്ന് ഞാൻ ചിന്തിച്ചിട്ട് കൂടിയില്ലാ. അതുകൊണ്ട് തന്നെ കഠിനമായിരുന്നു ആ സ്റ്റേജ്. അമ്മയായിരുന്നു എന്റെ കൂടെ ആ സമയത്ത് ഉണ്ടായിരുന്നത്.
മാത്രമല്ല എന്റെ അമ്മ സിംഗിള് പാരന്റായിരുന്നു. അമ്മ വളരെ ശക്തയായ സ്ത്രീയാണ്. അമ്മ തന്നെയാണ് എന്റെ റോള് മോഡലെന്നും 'അമ്മ തളർന്നു കിടന്നിട്ടില്ല അതുകണ്ടാണ് ഞാൻ വളർന്നത്. നമ്മള് ബെസ്റ്റായ കാര്യങ്ങളാണ് ജീവിതത്തില് തിരഞ്ഞെടുക്കുക. അത് അതുകൊണ്ട് പല കാര്യങ്ങളും തെറ്റായി പോയി എന്ന് പറയാനാകില്ല. ഇപ്പോഴുള്ള മേഘ്ന അതില്ക്കൂടെയൊക്കെ കടന്ന് വന്ന് പക്വതയായ ആളാണ്. അതൊക്കെ ഒരു പാഠം ആയിരിക്കും. അതൊക്കെ ജീവിതത്തിന്റെ ഭാഗമാണ്,തെറ്റാണെന്ന് പറയാനാകില്ല. ജീവിതത്തില് ചെയ്യുന്ന എല്ലാ കാര്യങ്ങളും ശരിയാകണമെന്നില്ല. ചില കാര്യങ്ങള് തെറ്റായിപ്പോകും. എന്നാല് അതില് കുറ്റബോധം കൊണ്ട് ഇരിക്കില്ല ഞാൻ. ആ തെറ്റുകള് തിരുത്താൻ ഞാൻ ശ്രമിക്കും.... " മേഘ്ന പറയുന്നു.
ഡോണ് ടോണിയുമായി 2017 ലായിരുന്നു മേഘ്നയുടെ വിവാഹം. വിവാഹം കഴിഞ്ഞ് ഒരു വർഷത്തിനുള്ളില് ഡോണുമായി മേഘ്ന അകന്നു കഴിയുകയായിരുന്നു. ശേഷം രണ്ടുപേരും വിവാഹമോചിതരായി. വിവാഹമോചനത്തിന് ശേഷം ഡോണ് മറ്റൊരു വിവാഹം കഴിച്ചു. ഇന്ന് സീരിയലും മറ്റുമായി തിരക്കിലാണ് മേഘ്ന.
