വാഷിംഗ്ടണ്: ട്രംപ് സത്യപ്രതിഞ്ജ ചൊല്ലുന്ന സമയത്ത് വന് പ്രതിഷേധത്തിനും വാഷിംഗ്ടണ് നഗരം സാക്ഷിയായി. അനേകം പ്രതിഷേധക്കാരാണ് തെരുവില് ഇറങ്ങിയത്. ഇവര് കടകള് നശിപ്പിക്കുകയും പോലീസിന് നേരെ കല്ലെറിയുകയും വാഹനങ്ങള് അഗ്നിക്കിരയാക്കുകയും ചെയ്തു. ആള്ക്കാരെ തുരത്താന് പോലീസ് കുരുമുളക് സ്പ്രേ, ഫ്ളാഷ് ഗ്രനേഡ്, തുടങ്ങി അകടകരമല്ലാത്ത ആയുധങ്ങള് പ്രയോഗിക്കുകയും ചെയ്തു. ആറിലധികം പോലീസുകാര്ക്ക് പരിക്കേറ്റ സംഭവത്തില് 100 പേരെ അറസ്റ്റ് ചെയ്യുകയുമുണ്ടായി.
കറുത്ത ഡ്രസ്സും മുഖം മറയ്ക്കുന്ന മാസ്ക്കുകളും ഫാസിസ്റ്റ് വിരുദ്ധ കൊടികളുമേന്തിയാണ് പ്രതിഷേധക്കാര് എത്തിയത്. വൈറ്റ് ഹൗസിലേക്ക് ട്രംപ് എത്തുന്ന പാത ഉപരോധിക്കുകയും ചെയ്തു. ട്രംപ് സ്ഥാനമേല്ക്കുന്നതിന് കൃത്യം ഒരു മണിക്കൂര് മുമ്പായിട്ടാണ് പ്രതിഷേധം ആരംഭിച്ചത്. പ്രതിഷേധക്കാര് കടന്നുപോയ പാതയിലുള്ള ബാങ്ക് ഓഫ് അമേരിക്ക, സ്റ്റാര്ബക്ക്സ് എന്നിവ ആക്രമണത്തിന് ഇരയായി. പ്രാദേശിക സമയഗ രണ്ടുമണിയോടെ പ്രതിഷേധം അക്രമമായി മാറിയിരുന്നു. ഈ സമയത്ത് ട്രംപ് ക്യാപിറ്റല് ഹില്ലില് നിയമസമാജികര്ക്കൊപ്പം വിരുന്നില് പങ്കെടുക്കുകയായിരുന്നു. പരേഡ് റൂട്ടിലെല്ലാം സമരക്കാര് പോലീസിന് നേരെ കല്ലെറിഞ്ഞു. ഹെല്മറ്റും ഷീല്ഡുമായി പ്രതിരോധ സംവിധാനങ്ങളോട് കൂടിയ പോലീസ് പ്രതിഷേധക്കാര്ക്ക് നേരെ കുരുമുളക് സ്പ്രേ അടിച്ചു.
ആള്ക്കാരെ പോലീസ് ഓടിച്ചു കൊണ്ടിരിക്കുമ്പോള് വാഷിംഗ്ടന് പോസ്റ്റ് കെട്ടിടത്തിന് തൊട്ടടുത്ത തെരുവില് ആള്ക്കാര് തീ കൂട്ടി. വാഹനങ്ങളുടെ ചില്ലുകള് തകര്ക്കുകയും അവ കത്തിക്കുകയും ചെയ്തു. പോലീസ് ഫ്ളാഷ് ഗ്രനേഡുകള് പ്രയോഗിച്ച് ആള്്കാരെ മാറ്റി ഫയര് ട്രക്കുകള്ക്ക് വരാന് പാതയൊരുക്കി. കാഴ്ചക്കാരായും കലാപം റിപ്പോര്ട്ട് ചെയ്യാനെത്തിയ മാധ്യമപ്രവര്ത്തകരായും മറ്റൊരു കൂട്ടം തെരുവില് വേറെയുമുണ്ടായിരുന്നു.
