ബലാത്സംഗക്കുറ്റം ചെയ്യുന്നവര്ക്ക് വധശിക്ഷ ഉറപ്പാക്കുന്ന ബില് പാസാക്കുന്നതിനായി നിയമസഭാ സമ്മേളനം അടുത്ത ആഴ്ച്ച വിളിക്കുമെന്ന് പശ്ചിമ ബംഗാല് മുഖ്യമന്ത്രി അഖിലേന്ത്യാ തൃണമൂല് കോണ്ഗ്രസ് അധ്യക്ഷയുമായ മമത ബാനാര്ജി. ഈ പ്രഖ്യാപനം തൃണമൂല് ഛത്ര പരിഷത്ത് പരിപാടിയില് സംസാരിക്കവെയാണ്. നിയമസഭാ സമ്മേളനം വിളിച്ച് 10 ദിവസത്തിനുള്ളില് ബില് പാസാക്കുമെന്ന് മുഖ്യമന്ത്രി പറഞ്ഞു.
ബില് നിയമസഭയില് പാസാക്കിയതിനു ശേഷം ഗവര്ണര്ക്ക് അയയ്ക്കും. അദ്ദേഹം അത് പാസാക്കിയില്ലെങ്കില് ഞങ്ങള് രാജ്ഭവന് പുറത്ത് പ്രതിഷേധിക്കും. ഈ ബില് പാസാക്കണം, അദ്ദേഹത്തിന് ഇത്തവണ ഉത്തരവാദിത്തത്തില് നിന്ന് ഒഴിഞ്ഞുമാറാന് കഴിയില്ല - മമത പറഞ്ഞു.
നേരത്തെ, കൊല്ക്കത്തയിലെ ആര്ജി കര് മെഡിക്കല് കോളേജ് ആന്ഡ് ഹോസ്പിറ്റലില് വെച്ച് ലൈംഗികമായി പീഡിപ്പിക്കപ്പെടുകയും കൊലചെയ്യപ്പെടുകയും ചെയ്ത ട്രെയിനി ഡോക്ടറുടെ കുടുംബത്തോട് ദുഃഖവും ഐക്യദാര്ഢ്യവും അറിയിച്ച് മമത ബാനര്ജി രംഗത്തെത്തിയിരുന്നു.
