തിരുവനന്തപുരം: പിഗ്മാന് എന്ന സിനിമയുടെ ഷൂട്ടിങ് ലൊക്കേഷനില് വച്ചാണു തനിക്കെതിരേ ജയസൂര്യയുടെ ഭാഗത്തുനിന്ന് അതിക്രമം ഉണ്ടായതെന്ന് നടി. അവിരാ റബേക്കയാണ് ചിത്രത്തിന്റെ സംവിധായകന്. ഒരു പന്നി വളര്ത്തല് കേന്ദ്രത്തിലായിരുന്നു ലൊക്കേഷന്. പഴയ കെട്ടിടമാണ്. രമ്യ നമ്പീശനൊക്കെഷൂട്ടിങ്ങിനുണ്ടായിരുന്നുവെന്നും നടി പറഞ്ഞു.
സാധാരണ ജൂനിയര് ആര്ട്ടിസ്റ്റുകള്ക്ക് സിനിമാക്കാര് വലിയ വിലകൊടുക്കാറില്ല. എനിക്ക് സോഷ്യല് വര്ക്കര് എന്ന മേല്വിലാസം കൂടിയുള്ളതിനാല് കുറച്ചുകൂടി ബഹുമാനത്തോടെയാണ് എല്ലാവരും പെരുമാറിയിരുന്നത്. ബാത്ത്റൂമിലേക്കുള്ള വഴിയില് നടന് എന്നെ കയറിപ്പിടിച്ചു. എനിക്ക് താല്പ്പര്യമില്ലെന്നു മനസിലായപ്പോള് മാപ്പ് പറഞ്ഞു. നമുക്കു പിടിച്ചുമാറ്റാന് പറ്റാന് കഴിയാത്ത രീതിയില് ശക്തമായിരുന്നു ജയസൂര്യയുടെ കൈകള്- നടി പറഞ്ഞു. തനിക്കെതിരേ ധാരാളം വ്യാജ പ്രചരണങ്ങള് നടക്കുന്നുണ്ട്. രണ്ട് കോടി വാങ്ങിച്ചുവെന്നാണ് പലരും പ്രചരിപ്പിക്കുന്നത്.
അതിനു പിന്നില് ഏതാനും യൂട്യൂബ് ചാനലുകളാണെന്നും പത്രസമ്മേളനത്തില് നടി പറഞ്ഞു. തൊടുപുഴയില് ഷൂട്ടിങ് ലൊക്കേഷനില് വച്ച് നടന് ജയസൂര്യ കയറി പിടിച്ചെന്ന നടിയുടെ മൊഴിയുടെ അടിസ്ഥാനത്തില് അന്വേഷണം തൊടുപുഴ പോലീസിന്. നടി പോലീസില് നല്കിയ മൊഴിയുടെ പകര്പ്പ് തൊടുപുഴ പോലീസില് ലഭിക്കുന്ന മുറയ്ക്ക് എഫ്.ഐ.ആര് റജിസ്റ്റര് ചെയ്ത് അന്വേഷണം നടത്തുമെന്ന് തൊടുപുഴ ഡിവൈ.എസ്.പി ഇമ്മാനുവല് പോള് പറഞ്ഞു. ഏതാനും വര്ഷം മുന്പ് തൊടുപുഴയിലും സമീപ പ്രദേശങ്ങളിലും ജയസൂര്യ നായകനായ സിനിമയുടെ ഷൂട്ടിങ് നടന്നിരുന്നു. അന്ന് ലൊക്കേഷനില് അപമര്യാദയായി പെരുമാറുകയും കയറി പിടിക്കുകയും ചെയ്തെന്നാണ് നടിയുടെ പരാതി.
മൊഴി രേഖപ്പെടുത്തിയ പോലീസ് സംഭവം നടന്നത് തൊടുപുഴയില് ആയതിനാല് കേസ് അന്വേഷണവും തുടര് നടപടികള്ക്കുമായി കേസ് തൊടുപുഴ പോലീസിനു കൈമാറുമെന്നാണ് അറിയിച്ചിരിക്കുന്നത്. എന്നാല് ഇതിന്റെ മൊഴി പകര്പ്പ് തൊടുപുഴ പോലീസില് ഇതുവരെ ലഭിച്ചിട്ടില്ല. ലഭിച്ചാല് ഉടന് തന്നെ കേസ് രജിസ്റ്റര് ചെയ്ത് തെളിവുകള് ശേഖരിക്കുമെന്ന് പോലീസ് സൂചിപ്പിച്ചു. ഇവര് താമസിച്ചിരുന്ന ഹോട്ടലിലും, ലൊക്കേഷനുകളിലും തെളിവെടുപ്പ് നടത്തും.
