മോസ്കോ: റഷ്യ ചാരപ്രവര്ത്തനത്തിന് പരിശീലനം നല്കിയതെന്ന് സംശയിക്കുന്ന ഹ്വാര്ഡിമിര് എന്നുപേരുള്ള തിമിംഗലത്തെ ചത്തനിലയില് കണ്ടെത്തി. ബെലൂഗ തിമിംഗലമാണ് നോര്വീജിയന് തീരത്തിന് സമീപത്തായി ചത്ത നിലയില് കണ്ടെത്തിയത്. നോര്വേയുടെ തെക്ക് പടിഞ്ഞാറന് പട്ടണമായ റിസവികയുടെ സമീപത്താണ് ഒഴുകി നടക്കുന്ന നിലയില് കണ്ടെത്തിയത്. ഹ്വാള്ഡിമിറിനെ പോസ്റ്റ്മോര്ട്ടത്തിനായി ഏറ്റവുമടുത്ത തുറമുഖത്തേക്ക് എത്തിക്കാനുള്ള നീക്കത്തിലാണ് അധികൃതരുള്ളത്.
നോര്വീജിയന് കടലില് അഞ്ച് വര്ഷങ്ങള്ക്ക് മുന്പാണ് ഹ്വാള്ഡിമിറിനെ ആദ്യമായി കണ്ടെത്തുന്നത്. ഗോ പ്രോ ക്യമറ ഘടിപ്പിച്ച നിലയിലായിരുന്നു ഹ്വാര്ഡിമിറിനെ ആദ്യമായി കണ്ടെത്തുന്നത്. ഗോ പ്രോ ക്യാമറ ഘടിപ്പിച്ച നിലയിലായിരുന്നു ഹ്വാള്ഡിമിറിനെ കണ്ടെത്തിയത്. ഗോ പ്രോ ക്യാമറ ഘടിപ്പിക്കാനുപയോഗിച്ച സംവിധാനത്തിലെ എഴുത്തുകളാണ് ചാരപരിശീലനം ലഭിച്ച തിമിംഗലമാണ് ഇതെന്ന സംശയം രൂപപ്പെടാന് കാരണമായത്. എന്നാല് ആരോപണത്തേക്കുറിച്ച് റഷ്യ പ്രതികരിച്ചിരുന്നില്ല.
വര്ഷങ്ങളായി ഈ തിമിംഗലത്തെ നിരീക്ഷിച്ചിരുന്ന എന്ജിഒ ആണ് ഹ്വാള്ഡിമിറിന്റെ മൃതദേഹം കണ്ടെത്തിയത്. പ്രത്യക്ഷത്തില് പരിക്കുകള് ഇല്ലാത്ത രീതിയിലാണ് മൃതദേഹമെന്നാണ് മറൈന് മൈന്ഡ് എന്ന എന്ജിഒ വിശദമാക്കുന്നത്. മൃതദേഹം ശീതീകരിച്ച സംവിധാനത്തില് സൂക്ഷിച്ചിരിക്കുകയാണെന്നും ഉടന് തന്നെ പോസ്റ്റ്മോര്ട്ടം നടത്തുമെന്നും മറൈന് മൈന്ഡ് വിശദമാക്കി. 60 വയസ് പ്രായം വരെയാണ് സാധാരണ നിലയില് ബെലൂഗ തിമിംഗലങ്ങളുടെ ആയുസ്. എന്നാല് 15 വയസ് ഉണ്ടെന്ന് വിലയിരുത്തുന്ന ഹ്വാള്ഡിമിര് എത്തരത്തില് മരിച്ചുവെന്നതിന് മറുപടി കണ്ടെത്താനുള്ള ശ്രമങ്ങളിലാണ് മറൈന് മൈന്ഡ്.
റഷ്യയുടെ വടക്കന് മേഖലയായ മര്മാന്സ്കിലെ നാവിക സേനാ ആസ്ഥാനത്തിന് 415 കിലോമീറ്റര് അകലെയുള്ള ഇംഗോയ ദ്വീപിലാണ് 2019 ഏപ്രിലില് മാസത്തിലാണ് ഹ്വാള്ഡിമിറിനെ ആദ്യമായി കണ്ടെത്തിയത്. ആര്ട്ടിക് മേഖലയോട് ചേര്ന്ന് ഈ ഇനത്തിലുള്ള തിമിംഗലങ്ങളെ കാണുന്നത് അസാധാരണമായതോടെയാണ് ഹ്വാള്ഡിമിറില് ജനശ്രദ്ധയിലേക്ക് വരുന്നത്. മനുഷ്യരെ ഉപയോഗിച്ചുള്ള ചാരപ്രവര്ത്തനത്തിന് പിന്നാലെ മൃഗങ്ങളെ ഉപയോഗിക്കുന്നുവെന്ന നിരീക്ഷണം റഷ്യയ്ക്കെതിരെ ഉയരാന് ഹ്വാള്ഡിമിര് വലിയ കാരണമായിരുന്നു. റഷ്യന് പ്രസിഡന്റ് വ്ലാദിമിര് പുടിന്, തിമിംഗലത്തിന് നോര്വീജിയന് ഭാഷയിലെ പേരായ ഹ്വാള് എന്നിവ കൂട്ടിയോജിപ്പിച്ചാണ് ഹ്വാള്ഡിമിര് എന്ന പേര് ഈ തിമിംഗലത്തിന് നല്കിയത്. സൈനിക ആവശ്യങ്ങള്ക്കായി ഡോള്ഫിനുകളെ റഷ്യ ഉപയോഗിക്കുന്നതായി നേരത്തെ ആരോപണം ഉയര്ന്നിരുന്നു.
