ദിലീപിന്റെയും മഞ്ജുവാര്യരുടെയും മകളെന്ന നിലയില് മീനാക്ഷി ദിലീപ് ആരാധകര്ക്ക് ഏറെയിഷ്ടമുള്ള താരപുത്രിയാണ്. അച്ഛനുമമ്മയും അമ്മയും വിവാഹമോചിതരായപ്പോള് അച്ഛന് ദിലീപിനൊപ്പമാണ് മീനാക്ഷി താമസിക്കാന് തീരുമാനിച്ചത്. പിന്നീട് മലയാളികളുടെ ഇഷ്ടതാരമായിരുന്ന കാവ്യമാധവനെ ദിലീപ് വിവാഹം ചെയ്തപ്പോള് മുന്പന്തിയിലുണ്ടായിരുന്നത് മീനാക്ഷിയായിരുന്നു. സിനിമാമേഖലയോട് പൊതുവേ വലിയ താത്പര്യം കാണിക്കാതിരിക്കുന്ന താരം സോഷ്യല് മീഡിയയിലൂടെ തന്റെ ഡാന്സ് റീല്സ് വീഡിയോകളും ചിത്രങ്ങളുമൊക്കെ പങ്കിടാറുണ്ട്. ഡോക്ടര് പഠിത്തം പൂര്ത്തിയാക്കിയതിന് ശേഷം മീനാക്ഷി സോഷ്യല് മീഡിയയില് കൂടുതല് സജീവമായിട്ടുണ്ട്.
ഇപ്പോഴിതാ തന്റെ പുതിയ ചിത്രങ്ങള് പങ്കിടുകയാണ് താരം. കാവ്യ മാധവന്റെ ലക്ഷ്യ ഡിസൈന് ചെയ്ത വസ്ത്രത്തിലാണ് താരപുത്രി തിളങ്ങുന്നത്. ലക്ഷ്യയുടെ കഞ്ചീവുരം നേവി ബ്രോക്കേഡ് സില്ക്ക് സ്കര്ട്ടും ഡിസൈനര് ബ്ലൗസും ത്രെഡ് എംബ്രോയ്ഡറി ചെയ്ത നെറ്റ് ദുപ്പട്ടയും ധരിച്ച് മനോഹരമായി തിളങ്ങുന്ന ചിത്രങ്ങളാണ് മീനാക്ഷി പങ്കിട്ടിരിക്കുന്നത്. കാവ്യയുടെ സ്ഥിരം മേക്കപ് ആര്ട്ടിസ്റ്റായ ഉണ്ണി പിഎസ് ആണ് മീനാക്ഷിയെ ഈ ചിത്രങ്ങള്ക്ക് വേണ്ടിയും ഒരുക്കിയിരിക്കുന്നത്. പ്രത്യേകിച്ച് ഒരു ക്യാപ്ഷനും നല്കാതെയാണ് മീനാക്ഷി ചിത്രം പങ്കുവച്ചിരിക്കുന്നത്. ലക്ഷ്യയെ ടാഗ് ചെയ്ത് മീനാക്ഷിയും, മീനാക്ഷിയുടെ അഴികിനെ വര്ണിച്ച് ലക്ഷ്യയും ഫോട്ടോ ഇന്സ്റ്റഗ്രാമില് പങ്കുവച്ചിട്ടുണ്ട്.
ദിവസങ്ങള്ക്ക് മുന്പ് കാവ്യ മാധവന്റെ ലക്ഷ്യ ഡിസൈന് ചെയ്ത വസ്ത്രത്തില് അതിസുന്ദരിയായ മീനാക്ഷി എത്തിയിരുന്നു. ആദ്യമായി ഒരു ബ്രാന്റിന്റെ മോഡലായി മീനാക്ഷി വന്നു എന്ന പ്രത്യേകതയോടെയാണ് ചിത്രങ്ങള് വൈറലായത്. ലക്ഷ്യയുടെ വസ്ത്രത്തിലുള്ള മീനാക്ഷിയുടെ ഭംഗിയെ പ്രശംസിച്ചും കമന്റുകളുണ്ടായിരുന്നു.
അന്നും ചിത്രത്തിന് താഴെ മഞ്ജു വാര്യര് ലൈക്കടിച്ച് പിന്തുണച്ചിരുന്നു. മകളില് നിന്ന് ഒരുപാട് അകന്ന് കഴിയുകയാണെങ്കിലും മീനാക്ഷിയ്ക്കൊപ്പം മഞ്ജു വാര്യര് എന്നുമുണ്ടെന്ന് ഏറ്റവുമൊടുവില് മീനാക്ഷി ദിലീപ് പങ്കുവച്ച ഫോട്ടോയ്ക്ക് താഴെ ലൈക്കുമായി മഞ്ജു എത്തിയതോടെ ആരാധകര് കുറിക്കുന്നുണ്ട്. ചിത്രങ്ങള് വൈറലായതോടെ താരപുത്രി സിനിമയിലേക്ക് എത്തുമോ എന്നും ആരാധകര് കമന്റുകളിലൂടെ ചോദിക്കുന്നുണ്ട്.
