മുഖ്യമന്ത്രി രാജി ആവശ്യപ്പെട്ട് സെക്രട്ടറിയേറ്റിലേക്ക് പ്രതിഷേധിച്ച യൂത്ത് കോണ്ഗ്രസ് പ്രവര്ത്തകരെ ക്രൂരമായി മര്ദിച്ച നടപടി പ്രതിഷേധാര്ഹമാണെന്ന് യു ഡി എപ് കണ്വീനര് എം എം ഹസന്.
യൂത്ത് കോണ്ഗ്രസ് പ്രസിഡന്റ് രാഹുല് മാങ്കൂട്ടത്തില്,വൈസ് പ്രസിഡന്റ് അബിന് വര്ക്കി എന്നിവര്ക്ക് ഗുരുതരപരിക്കാണ് പോലീസ് മര്ദ്ദനത്തിലേറ്റത്.മൃഗീയമായിട്ടാണ് അബിനെ പൊലീസ് മര്ദിച്ചത്. രാഹുലിന്റെ കാലില് എസിപി ബൂട്ടിട്ട് ചവിട്ടി. അബിന്റെ തലതല്ലിപ്പൊളിച്ചു. വനിതാ പ്രവര്ത്തകരെ വലിച്ചിഴച്ചു. ക്രൂരമായ നരനായാട്ട് നടത്തിയ പൊലീസ് ഉദ്യോഗസ്ഥരെ സര്വീസില് നിന്ന് സസ്പെന്ഡ് ചെയ്യണമെന്നും എം.എം ഹസന് ആവശ്യപ്പെട്ടു.
മുഖ്യമന്ത്രിയുടെ രാജി ആവശ്യപ്പെട്ട് യൂത്ത് കോണ്ഗ്രസ് നടത്തിയ സെക്രട്ടറിയേറ്റ് മാര്ച്ചില് വ്യാപക സംഘര്ഷമാണ് ഉണ്ടായത്. രണ്ടു മണിക്കൂറോളം നീണ്ട പ്രതിഷേധത്തില് അബിന് വര്ക്കിയ്ക്കടക്കം എട്ടു പേര്ക്ക് പരുക്കേറ്റു. യൂത്ത് കോണ്ഗ്രസ് പ്രവര്ത്തകരെ മര്ദ്ദിച്ച പോലീസ് ഉദ്യോഗസ്ഥരെ വ്യക്തിപരമായി നേരിടുമെന്ന് സമരമുഖത്തെത്തിയ കെപിസിസി അധ്യക്ഷന് കെ സുധാകരന് വെല്ലുവിളിച്ചു.അധോലോകത്തെ തിരിച്ചറിയുന്ന ഏതാളുടെ ആരോപണവും യൂത്ത് കോണ്ഗ്രസ് ഏറ്റെടുക്കുമെന്ന് രാഹുല് മാങ്കുട്ടത്തില് പി വി അന്വറിന്റെ പരിഹാസത്തിന് മറുപടി നല്കി.
