റഷ്യ നടത്തിയ വ്യോമാക്രമണത്തെ പ്രതിരോധിച്ചതായും 67 ഡ്രോണുകളിൽ 58 എണ്ണം വെടിവച്ചിട്ടതായും യുക്രൈൻ. കീവിൽ പാർലമെന്റ് മന്ദിരത്തിന് സമീപം ഡ്രോണുകളുടെ അവശിഷ്ടം കണ്ടെത്തിയതായാണ് അന്താരാഷ്ട്ര മാധ്യമങ്ങളുടെ റിപ്പോർട്ട്.
അതേസമയം യുക്രൈന്റെ പടിഞ്ഞാറന് നഗരമായ ലിവിവില് ഏതാനും ദിവസം മുൻപ് റഷ്യ നടത്തിയ വ്യോമാക്രമണത്തില് കനത്ത നാശം. റഷ്യയുടെ വ്യോമാക്രമണത്തിൽ മൂന്ന് കുട്ടികൾ ഉള്പ്പെടെ ഏഴ് പേര് കൊലപ്പെട്ടു. 40 ലേറെ പേര്ക്ക് പരുക്കേറ്റെന്നും 50 ലേറെ കെട്ടിടങ്ങള്ക്ക് നാശനഷ്ടവുമുണ്ടായെന്നുമാണ് പുറത്തുവരുന്ന വിവരം. ഡ്രോണുകളും ഹൈപ്പര് സോണിക് മിസൈലുകളും ഉപയോഗിച്ച് പുലര്ച്ചെയായിരുന്നു റഷ്യന് ആക്രമണം. ആക്രമണത്തിൽ രൂക്ഷമായി പ്രതികരിച്ച് യുക്രൈൻ പ്രസിഡന്റ് വ്ലാദമിർ സെലൻസ്കി നേരത്തെ രംഗത്തെത്തിയിരുന്നു.
