പഴയ ഫോട്ടോകള് സമൂഹമാധ്യമങ്ങളില് ട്രെന്ഡ് സൃഷ്ടിക്കാറുണ്ട്. പ്രത്യേകിച്ച് സിനിമ താരങ്ങളുടെ. അത്തരത്തില് ഒരു ചിത്രമാണ് ഇന്റര്നെറ്റില് ഇപ്പോള് ചര്ച്ചാവിഷയം. നടന് മോഹന്ലാലിന്റെ സമീപം കസേരയില് ഇരിക്കുന്ന ഒരു കൊച്ചു കുട്ടി. ഈ കൊച്ചു കുട്ടി മലയാളത്തിലെ സൂപ്പര് നായികമാരില് ഒരാളാണ്.
വേറെ ആരും അല്ല, മലയാളികളുടെ പ്രിയപ്പെട്ട നടി ആന് അഗസ്റ്റിനാണ് മോഹന്ലാലിന്റെ സമീപം കസേരയില് ഇരിക്കുന്ന പെണ്കുട്ടി. താരം തന്നെയാണ് ചിത്രം സമൂഹമാധ്യമങ്ങളില് പങ്കുവെച്ചിരിക്കുന്നത്. നിമിഷ നേരം കൊണ്ടുതന്നെ ഈ പഴയ ചിത്രം ആരാധകര്ക്കിടയില് വൈറലാവുകയായിരുന്നു.
മോഹന്ലാലിന്റെ ലുക്ക് വിലയിരുത്തി കൊണ്ട് ചിത്രം ഏത് വര്ഷം എടുത്തതാണെന്ന് ഊഹിക്കുകയാണ് ആരാധകര്. ആറാം തമ്പുരാന്റെ ലൊക്കേഷനില് വച്ച് എടുത്ത ചിത്രമാണിതെന്ന് ആരാധകര് പറയുന്നു. അന്ന് ആന് അഗസ്റ്റിന് 5 വയസ്സ് ആയിരിക്കുമെന്നും ആരാധകര് ചിത്രത്തിന് കമന്റ് ചെയ്യുന്നു.
