തിരുവനന്തപുരം ; വീടുവിട്ടിറങ്ങി വ്യാപകമായ തെരച്ചിലിനൊടുവില് കണ്ടെത്തിയ അസം സ്വദേശിനിയായ പെണ്കുട്ടിയെ തിരുവനന്തപുരം പട്ടം ഗവണ്മെന്റ് ഗേള്സ് സ്കൂളില് ചേര്ത്തി. 7ാം ക്ലാസിലാണ് പ്രവേശനം നേടിയത്. കുട്ടി താമസിക്കുന്ന ശിശു ക്ഷേമ സമിതിയുടെ കീഴിലുള്ള വീട്ടിലാണ്. അവള് കേരളത്തിന്െ മകളായി വളരുമെന്നും എല്ലാ വിധത്തിലുള്ള ആശംസകളും നേരുന്നതായി മന്ത്രി വി ശിവന്കുട്ടി.'അവള് കേരളത്തിന്റെ മകളായി വളരും': അസം സ്വദേശിനി തിരുവനന്തപുരത്തെ സ്കൂളില് ചേര്ന്നുവെന്നാണ് മന്ത്രിയുടെ വാക്കുകള്.
അമ്മയോട് പിണങ്ങിയാണ് കഴക്കൂട്ടത്തെ വാടക വീട്ടില് നിന്നും അസം സ്വദേശിയായ കുട്ടി ഇറങ്ങിപ്പോയത്. ട്രെയിന് കയറി സ്വദേശമായ അസമിലേക്ക് പോകാനായിരുന്നു ശ്രമം. അസമിലെത്തി മുത്തശ്ശന്റെയും മുത്തശ്ശിയുടെയും കൂടെ താമസിക്കാനാണ് കുട്ടി ആഗ്രഹിച്ചത്. ട്രെയിനിലുണ്ടായിരുന്ന വിശാഖപട്ടണത്തെ കേരള കലാസമിതി പ്രവര്ത്തകരാണ് കുട്ടിയെ തിരിച്ചറിഞ്ഞത്. തുടര്ന്ന് പൊലീസിനെയും ആര് പി എഫിനെയും വിവരമറിയിക്കുകയായിരുന്നു. തുടര്ന്ന് കേരളത്തില് തിരിച്ചെത്തിച്ചു. എന്നാല് തിരിച്ചെത്തിയ കുട്ടി മാതാപിതാക്കളോടൊപ്പം പോവാന് തയ്യാറായില്ല.
മാതാപിതാക്കള്ക്കൊപ്പം പോകുന്നില്ലെന്ന് 13 കാരി വ്യക്തമാക്കി. വീടു വിട്ടിറങ്ങിയ പെണ്കുട്ടിയെ വിശാഖപട്ടണത്തു നിന്നും കണ്ടെത്തിയ ശേഷം ശിശുക്ഷേമ സമിതിയുടെ സംരക്ഷണയിലായിരുന്നു കഴിഞ്ഞിരുന്നത്. കൗണ്സിലിങിനുശേഷം കുട്ടിയെ അസമിലേക്ക് കൊണ്ടുപോകാന് രക്ഷിതാക്കളെത്തിയെങ്കിലും ഒപ്പം പോകാന് കുട്ടി തയ്യാറായില്ല.
കുട്ടിയെ നിര്ബന്ധിച്ച് കൊണ്ടുപോകാന് രക്ഷിതാക്കള് ശ്രമിച്ചപ്പോള് സിഡബ്ല്യുസി അധികൃതര് ഇടപെട്ടു. തുടര്ന്ന് പൊലീസിന്റെ സഹായം തേടി. കുട്ടിയ്ക്ക് പോകാന് ഇഷ്ടമില്ലാത്തിനാല് ശിശുക്ഷേമ സമിതിയിലേക്ക് മാറ്റി. പൊലീസെത്തിയാണ് സംരക്ഷണ കേന്ദ്രത്തില് നിന്നം മാതാപിതാക്കളെ തിരിച്ചയച്ചത്. കുട്ടിയുടെ പഠനവും സംരക്ഷണവും ഉറപ്പുവരുത്തുമെന്ന് സിഡബ്ല്യുസി അറിയിച്ചിരുന്നു. പിന്നാലെയാണ് പട്ടത്തെ സ്കൂളില് പ്രവേശനം നേടിയത്.
