കോഴിക്കോട് : കണ്ണൂരിൽ പോക്സോ കേസിൽ പ്രതിയായ മുന് സിപിഎം ബ്രാഞ്ച് സെക്രട്ടറിയെ മരിച്ച നിലയിൽ കണ്ടെത്തി. മുയ്യം ബ്രാഞ്ച് സെക്രട്ടറി അനീഷ് ആണ് മരിച്ചത്.
കോഴിക്കോട് തൊണ്ടയാടിനും ചേവായൂരിനും ഇടയിലുള്ള കാവ് ബസ്റ്റോപ്പിന് സമീപത്തെ പറമ്പില് തൂങ്ങിയ നിലയില് കണ്ടെത്തിയത്. പ്ലസ് വണ് വിദ്യാര്ഥിയെ പ്രകൃതിവിരുദ്ധ പീഡനത്തിന് ഇരയാക്കിയെന്ന പരാതിയില് കഴിഞ്ഞ ദിവസമാണ് അനീഷിനും മുയ്യം പടിഞ്ഞാറ് ബ്രാഞ്ച് സെക്രട്ടറി സി രമേശനുമെതിരേ പോക്സോ നിയമപ്രകാരം കേസെടുത്തത്. ആത്മഹത്യ ആണെന്നാണ് പ്രാഥമിക നിഗമനം.
കഴിഞ്ഞ ദിവസങ്ങളില് നടന്ന ബ്രാഞ്ച് സമ്മേളനങ്ങളില് ബ്രാഞ്ച് സെക്രട്ടറിമാരായി തിരഞ്ഞെടുക്കപ്പെട്ടവരാണ് ഇരുവരും. എന്നാല് പോക്സോ കേസിൽ പ്രതിയായതിന് പിന്നാലെ സിപിഎം, ഇയാളെ ബ്രാഞ്ച് സെക്രട്ടറി സ്ഥാനത്ത് നിന്ന് മാറ്റുകയും പാര്ട്ടിയില് നിന്ന് പുറത്താക്കുകയും ചെയ്തു . ഇതിനുശേഷം അനീഷ് ഒളിവിലായിരുന്നു.
(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള് 'ദിശ' ഹെല്പ് ലൈനില് വിളിക്കുക. ടോള് ഫ്രീ നമ്പര്: Toll free helpline number: 1056, 0471-2552056)
